Lalai 36:1-12

  • Nyɔŋmɔ suɔmɔ ni tsakeee ni jara wa lɛ

    • Mɔ fɔŋ sheee Nyɔŋmɔ gbeyei (1)

    • Wala jɛɔ Nyɔŋmɔ ŋɔɔ (9)

    • “Ola lɛ ji nɔ ni hãa wɔhiŋmɛi naa la” (9)

Kɛhã lalatsɔɔlɔ lɛ. Yehowa tsulɔ David nɔ. 36  Nɔtɔmɔ kɛ mɔ fɔŋ wieɔ yɛ etsui mli tɔ̃ɔ;Nyɔŋmɔ gbeyeishemɔ kome folo po bɛ ehiɛ.+   Akɛni enaa ehe aahu tsɔ hewɔ lɛ,Enaaa etɔmɔ lɛ ni ebaanyaŋe.+   Edaaŋ wiemɔ yeɔ mɔ awui ni elakaa mɔ;Ebɛ sɛɛyoomɔ ni ekɛaafee ekpakpa.   Etsɔɔ ŋaa fɔji yɛ esaa nɔ po. Edamɔɔ gbɛ ni ehiii nɔ;Etsiii ehe kɛjeee efɔŋ he.   Ao Yehowa, osuɔmɔ ni tsakeee lɛ shɛɔ ŋwɛi tɔ̃ɔ,+Ni onɔkwayeli lɛ shɛɔ atatuiaŋ tɔ̃ɔ.   Ojalɛ lɛ tamɔ gɔji wujiwuji;*+Oyiŋkpɛi* lɛ tamɔ nui babaoo ni mli kwɔlɔ.+ Ao Yehowa, bo obaa gbɔmɛi kɛ kooloi ayi.*+   Ao Nyɔŋmɔ, osuɔmɔ ni tsakeee lɛ jara wa diɛŋtsɛ!+ Ofiji ashishi hɔɔŋ lɛ mli gbɔmɛi abii baa abo yɛ.+   Amɛnuɔ oshĩa lɛ mli nibii kpakpai* lɛ ni amɛtɔrɔɔ,+Ni ohãa amɛnuɔ omiishɛɛ lɛ tamɔ faa ni hoɔ.+   Bo oŋɔɔ wala jɛɔ;+Ola lɛ ji nɔ ni hãa wɔhiŋmɛi naa la.+ 10  Yaa nɔ ojie osuɔmɔ ni tsakeee lɛ kpo otsɔɔ mɛi ni le bo lɛ,+Kɛ ojalɛ lɛ hu, otsɔɔ mɛi ni ja yɛ amɛtsui mli lɛ.+ 11  Kaahã henɔwolɔi kɛ amɛnaji naanaa minɔNi kaahã mɛi fɔji kɛ amɛniji shwie mi. 12  Jɛmɛ ji he ni efɔŋfeelɔi lɛ gbeɔ shi yɛ;Atsirɛ amɛ atswia shi ni amɛteŋ shi dɔŋŋ.+

Shishigbɛ Niŋmaa

Hebri sht. ŋm., “tamɔ Nyɔŋmɔ gɔji.”
Loo “Okojomɔi.”
Loo “ohereɔ gbɔmɛi kɛ kooloi ayiwala.”
Hebri sht. ŋm., “oshĩa lɛ mli fɔ.”