Wolo Ni Akɛmaje Galatiabii Lɛ 3:1-29

  • Mla nitsumɔi lɛ kɛ hemɔkɛyeli (1-14)

    • Jalɔ baaya nɔ ehi shi yɛ hemɔkɛyeli hewɔ (11)

  • Jeee Mla nɔ atsɔ awo Abraham shi (15-18)

    • Abraham seshi lɛ, Kristo (16)

  • Mɔ ni hã Mla lɛ kɛ yiŋtoo hewɔ ni akɛhã (19-25)

  • Nyɔŋmɔ bii yɛ hemɔkɛyeli hewɔ (26-29)

    • Abraham seshi lɛ, mɛi ni ji Kristo nii lɛ (29)

3  Nyɛ Galatiabii ni bɛ jwɛŋmɔ! Namɔ laka nyɛ nɛkɛ,+ nyɛ ni atɛŋ Yesu Kristo faŋŋ yɛ nyɛhiɛ akɛ mɔ ni akala lɛ akpɛtɛ tso jaŋŋ he lɛ?+  Nɔ kome nɛɛ miitao mabi nyɛ:* Ani nyɛtsɔ mla nitsumɔi anɔ nyɛnine shɛ mumɔ lɛ nɔ aloo nyɛnine shɛ nɔ yɛ hemɔkɛyeli ni nyɛná yɛ nɔ ni nyɛnu lɛ mli lɛ hewɔ?+  Ani nɛkɛ nyɛbɛ jwɛŋmɔ kwraa? Nyɛje shishi akɛ mɛi ni hãa mumɔ lɛ tsɔɔ amɛ gbɛ,* ani nyɛmiigbe naa akɛ mɛi ni hãa heloo lɛ tsɔɔ amɛ gbɛ?*+  Amanehului babaoo ni nyɛna lɛ, nyɛna amanehului nɛɛ efolo lo? Miyɛ nɔmimaa waa akɛ nyɛnaaa amanehului lɛ efolo.  No hewɔ lɛ, ani mɔ ni hãa nyɛ mumɔ lɛ ni etsuɔ hewalɛ nitsumɔi+ yɛ nyɛteŋ lɛ feɔ nakai yɛ nyɛmla nitsumɔi ahewɔ, aloo hemɔkɛyeli ni nyɛná yɛ nɔ ni nyɛnu lɛ mli lɛ hewɔ?  Tamɔ bɔ ni Abraham “he Yehowa* nɔ eye, ni abu no jalɛ ahã lɛ”+ lɛ.  Ekã shi faŋŋ akɛ, nyɛle akɛ mɛi ni kpɛtɛɔ hemɔkɛyeli he lɛ, amɛji Abraham bii.+  Agbɛnɛ, akɛni ŋmalɛ lɛ na eto akɛ Nyɔŋmɔ baatsɔ hemɔkɛyeli nɔ ebu jeŋmajiaŋbii lɛ jalɔi hewɔ lɛ, etsɔ hiɛ ejaje sane kpakpa lɛ etsɔɔ Abraham akɛ: “Onɔ abaatsɔ ajɔɔ jeŋmaji lɛ fɛɛ.”+  No hewɔ lɛ, aajɔɔ mɛi ni kpɛtɛɔ hemɔkɛyeli he lɛ tamɔ bɔ ni ajɔɔ Abraham ni ná hemɔkɛyeli lɛ.+ 10  Mɛi fɛɛ ni kɛ amɛhiɛ fɔ̃ɔ mla nitsumɔi anɔ lɛ yɛ loomɔ shishi, ejaakɛ aŋma akɛ: “Alomɔ mɔ fɛɛ mɔ ni eyaaa nɔ ehiii shi yɛ nibii fɛɛ ni aŋmala yɛ Mla lɛ wolokpo* lɛ mli lɛ naa, ni eye emli kitãi lɛ anɔ lɛ.”+ 11  Agbɛnɛ hu, ekã shi faŋŋ akɛ atsɔɔɔ mla nɔ abuuu mɔ ko mɔ ko jalɔ yɛ Nyɔŋmɔ hiɛ,+ ejaakɛ “jalɔ lɛ, ebaaya nɔ ehi shi yɛ hemɔkɛyeli hewɔ.”+ 12  Agbɛnɛ, Mla lɛ, edamɔɔɔ hemɔkɛyeli nɔ. Shi moŋ “mɔ ni yeɔ emli kitãi lɛ anɔ lɛ nomɛi baahã eya nɔ ehi shi.”+ 13  Kristo hé wɔ,+ ni ekɛ no kpɔ̃ wɔ+ kɛjɛ Mla lɛ loomɔ lɛ mli, akɛni etsɔ mɔ ni alomɔ lɛ yɛ wɔnajiaŋ lɛ hewɔ, ejaakɛ aŋma akɛ: “Alomɔ mɔ fɛɛ mɔ ni asɛŋɔ lɛ yɛ tso jaŋŋ nɔ lɛ.”+ 14  Enɛ ba lɛ nakai koni atsɔ Kristo Yesu nɔ akɛ Abraham jɔɔmɔ lɛ aba jeŋmaji lɛ anɔ,+ koni wɔtsɔ wɔhemɔkɛyeli lɛ nɔ wɔná mumɔ+ ni awo he shi lɛ. 15  Nyɛmimɛi, mikɛ gbɔmɛi anɔkwɛmɔnɔ miitsu nii kɛmiiwie: Kɛ́ ama kpaŋmɔ ko nɔ mi lɛ, kɛ́ gbɔmɔ po ni fee nakai lɛ, mɔ ko mɔ ko eguuu no, ni mɔ ko mɔ ko hu kɛ nibii krokomɛi fataaa he. 16  Agbɛnɛ, atsĩ shiwoi lɛ atã atsɔɔ Abraham kɛ eseshi*+ lɛ. Ekɛɛɛ akɛ, “kɛ oseshibii lɛ,”* tamɔ nɔ ni ekɔɔ mɛi babaoo ahe. Moŋ lɛ, ekɛɛ, “kɛ oseshi* lɛ,” ni tsɔɔ akɛ, ekɔɔ mɔ kome pɛ he, mɔ ni ji Kristo lɛ.+ 17  Agbɛnɛ hu, nɔ ni mikɛɔ nɛ: Mla lɛ ni akɛhã afii 430 sɛɛ+ lɛ eguuu kpaŋmɔ ni Nyɔŋmɔ tsɔ hiɛ efee lɛ koni ehã shiwoo lɛ afee efolo. 18  Ejaakɛ kɛ́ gboshinii lɛ damɔ mla nɔ lɛ, belɛ edamɔɔɔ shiwoo ko nɔ dɔŋŋ; shi Nyɔŋmɔ jɛ mlihilɛ mli etsɔ shiwoo ko nɔ ekɛhã Abraham.+ 19  No hewɔ lɛ, mɛni hewɔ akɛ Mla lɛ hã mɔ? Akɛfata he koni ehã mlatɔmɔi afee faŋŋ,+ kɛyashi seshi* lɛ ni awo lɛ shi lɛ baaba;+ ni atsɔ ŋwɛibɔfoi+ anɔ akɛhã kɛtsɔ teŋdamɔlɔ ko nine nɔ.+ 20  Agbɛnɛ, kɛ́ ekɔɔ mɔ kome pɛ he lɛ, teŋdamɔlɔ ko he ehiaaa, shi Nyɔŋmɔ lɛ, mɔ kome ji lɛ. 21  No hewɔ lɛ, ani Mla lɛ teɔ shi ewoɔ Nyɔŋmɔ shiwoi lɛ? Dabida! Ejaakɛ eji akɛ mla ko ni baanyɛ ahã wala hã kulɛ, jalɛ baatsɔ mla nɔ kɛba lɛɛlɛŋ. 22  Shi Ŋmalɛ lɛ kɛ nibii fɛɛ wo esha shishi, koni akɛ shiwoo ni jɛɔ hemɔkɛyeli yɛ Yesu Kristo mli kɛbaa lɛ ahã mɛi ni heɔ amɛyeɔ lɛ.* 23  Shi dani hemɔkɛyeli lɛ ba lɛ, abu wɔhe akɛ mɛi ni akɛ amɛ ewo mla shishi, ni wɔmiikwɛ hemɔkɛyeli lɛ ni abaajie lɛ kpo lɛ gbɛ.+ 24  No hewɔ lɛ, Mla lɛ batsɔ wɔgbɛtsɔɔlɔ* ni nyiɛɔ wɔhiɛ kɛyaa Kristo ŋɔɔ,+ koni atsɔ hemɔkɛyeli nɔ abu wɔ jalɔi.+ 25  Shi amrɔ nɛɛ ni hemɔkɛyeli lɛ eba lɛ,+ wɔbɛ gbɛtsɔɔlɔ* ko shishi dɔŋŋ.+ 26  Anɔkwa, nyɛ fɛɛ lɛ, Nyɔŋmɔ bii+ ji nyɛ kɛtsɔ hemɔkɛyeli ni nyɛyɔɔ yɛ Kristo Yesu mli lɛ nɔ.+ 27  Ejaakɛ nyɛ mɛi fɛɛ ni abaptisi nyɛ awo Kristo mli lɛ, nyɛwo Kristo tamɔ atade.+ 28  Yudanyo bɛ lɛ, Greeknyo hu bɛ dɔŋŋ;+ nyɔŋ bɛ lɛ, mɔ ni jeee nyɔŋ ni hu bɛ dɔŋŋ;+ nuu bɛ lɛ, yoo hu bɛ dɔŋŋ;+ ejaakɛ nyɛ fɛɛ lɛ mɔ kome ji nyɛ, ni nyɛ kɛ Kristo Yesu efee ekome.+ 29  Agbɛnɛ hu, kɛ́ Kristo nii ji nyɛ lɛ, belɛ Abraham seshi*+ ji nyɛ lɛɛlɛŋ, niyelɔi+ yɛ shiwoo naa.+

Shishigbɛ Niŋmaa

Greek sht. ŋm., “makase kɛjɛ nyɛŋɔɔ.”
Greek sht. ŋm., “Nyɛje shishi yɛ mumɔ mli.”
Greek sht. ŋm., “nyɛmiigbe naa yɛ heloo lɛ mli?”
Wolo kakadaŋŋ ni akotaa awoɔ tso he.
Greek sht. ŋm., “edumɔwu.”
Greek sht. ŋm., “odumɔwui.”
Greek sht. ŋm., “odumɔwu.”
Greek sht. ŋm., “dumɔwu.”
Loo “mɛi ni jieɔ hemɔkɛyeli kpo lɛ.”
Loo “wɔkwɛlɔ.”
Loo “kwɛlɔ.”
Greek sht. ŋm., “dumɔwu.”