Tað er blivið alsamt meira vanligt við harðskapi ímóti politikarum.

 Hví er so nógvur politiskur harðskapur? Verður tað nakrantíð øðrvísi? Hvat sigur Bíblian?

Bíblian hevur spátt, at politisk ósemja skuldi vera

 Bíblian hevur spátt um okkara tíð – sum verður rópt síðstu dagarnir – at nógv skuldu hava ein hugburð, sum skapar ósemjur og elvir til harðskap.

•   „Á síðstu døgum skulu koma harðar tíðir. Fólk verða … ótakksom, gudleys, … hatsk, … harðrend, … svikafull, snarsint, erpin.“ – 2. Timoteusarbræv 3:1-4, Nýggi Sáttmálin.

 Bíblian hevur eisini spátt, at politiskur ófriður skuldi vera, til dømis uppreistur ímóti myndugleikunum. (Lukas 21:9) Men harðskapur og ósemjur í politikki fara ikki at halda fram.

Politiskur harðskapur fær ein enda

 Sambært Bíbliuni fer Gud at beina fyri øllum politiskum stjórnum á jørðini og seta sína egnu himmalsku stjórn í staðin.

•   „Gud Himmalsins [skal] grunda ríki, sum … skal sora øll hini ríkini og forkoma teimum, men sjálvt skal tað standa fast í allar ævir.“ – Dániel 2:44.

 Guds ríki fer at sameina fólk og skapa frið um alla jørðina.

•   Kongurin í ríkinum er Jesus, sum verður róptur „Friðarhøvdingi“. Hann skal syrgja fyri, at friðurin ongan enda fær. – Esaias 9:6, 7.

•   Tey, sum hava valt hesa stjórnina, læra longu nú at liva saman í friði. Í Bíbliuni stendur: „Svørð síni skulu teir smíða um til plógjørn og spjót síni til víngarðsknívar; fólk skal ikki longur lyfta svørð móti fólki, og teir skulu ikki longur læra seg hernað.“ – Esaias 2:3, 4.

 Viss tú vilt vita meira, kanst tú lesa greinina „Hvat fer Guds ríki at gera?“ og hyggja at videonum Hvat er Guds ríki?