N̄kani Owo

BRE

N̄kani Owo

Nso isitịbe nte owo ọsọn̄de aka?

Ps 71:9; 90:10

Se n̄ko “Ndọn̄esịt—Ke ini udọn̄ọ m̀mê usọn̄ mîyakke owo anam se enye akpamade ndinam”

Itie Bible oro edin̄wamde fi:
- Ec 12:1-8—Edidem Solomon ama etịn̄ uto aban̄a nsio nsio n̄kpọ emi usọn̄ esidade edi. Enye ọkọdọhọ ke ‘nditọiban emi ẹtiede ke window ẹnyụn̄ọ ẹdikụt n̄kpọ mbukpọn̄ mbukpọn̄’ oro edi, ke enyịn esitọn̄ọ ekịm mbon emi ẹsọn̄de ndien ke “nditọiban ikwọ ẹsụhọde uyo” oro edi, ke utọn̄ esitọn̄ọ esịre mbon emi ẹsọn̄de

Ndi mbon emi ẹma ẹkesọn̄ ẹkeme ndisụk n̄kop inemesịt kpa ye se iwọrọde mmọ ye nte usọn̄ mîyakke mmọ ẹnam se mmọ ẹkesinamde?

2Co 4:16-18; Jas 1:2-4

Itie Bible oro edin̄wamde fi:
- 1Sa 12:2, 23—Prọfet Samuel emi ama ọkọsọn̄ ama ọdiọn̄ọ ke ọfọn imọ ika iso ibọn̄ akam ke ibuot ikọt Abasi
- 2Sa 19:31-39—Edidem David ama okop inemesịt ke se Barzillai akanamde ọnọ enye. Edi ini David ọkọdọhọde Barzillai etiene imọ edi Jerusalem, Barzillai ama ọdọhọ ke imọ imọsọn̄, ke imọ idikemeke
- Ps 71:9, 18—Ke ini Edidem David ekefehede ndịk m̀mê iyekeme ndisụk nnam n̄kpọ Jehovah, enye ama ọbọn̄ akam ọnọ Jehovah ete okûtop imọ uduọk ke ini usọn̄ edi ọnọ imọ odudu man imọ ibụk ubọn̄ Esie inọ emana ini iso
- Lu 2:36-38—Jehovah ama ọdiọn̄ akani-an̄wan ebeakpa kiet emi ọkọsọn̄ọde ada anam n̄kpọ esie

Didie ke Jehovah esiwụt ke imekere iban̄a mbon emi ẹma ẹkesọn̄?

Ps 92:12-14; N̄ke 16:31; 20:29; Isa 46:4; Tit 2:2-5

Itie Bible oro edin̄wamde fi:
- Ge 12:1-4—Abraham ekedi isua 75 ini Jehovah ọkọdọhọde enye ọwọrọ ọkpọn̄ obio esie aka obio oro imọ idiwụtde enye
- Da 10:11, 19; 12:13—Angel Jehovah ama aka ọkọsọn̄ọ prọfet Daniel idem. Enye ama ọdọhọ Daniel emi ama ekebe isua 90 ke Jehovah enen̄ede ama enye, ndien ke Jehovah ọyọnọ enye utịp ofụri utom esie
- Lu 1:5-13—Jehovah ama ọdiọn̄ Zechariah ye Elizabeth onyụn̄ anam mmọ ẹnyene eyen ke ini usọn̄; eyen oro ekekere John
- Lu 2:25-35—Jehovah ama anam Simeon odu uwem okụt nsekeyen emi ekedikabarede edi Messiah; Simeon ama etịn̄ prọfesi aban̄a eyen oro
- Ut 7:23, 30-36—Prọfet Moses ekedi isua 80 ini Jehovah ọkọdọhọde enye ada nditọ Israel usụn̄

Abasi oyom ẹnam n̄kpọ didie ye mbon emi ẹma ẹkesọn̄?

Le 19:32; 1Ti 5:1

Itie Bible oro edin̄wamde fi:
- Ge 45:9-11; 47:12—Joseph ama ọdọn̄ ẹkemen Jacob ete esie ẹdi. Ekem enye ama ese aban̄a ete esie tutu esịm ini emi ete esie akpade
- Ru 1:14-17; 2:2, 17, 18, 23—Ruth ama etịn̄ ikọ ọsọn̄ọ Naomi idem onyụn̄ ananam n̄kpọ an̄wam Naomi emi ama ọkọsọn̄
- Joh 19:26, 27—Esisịt ini mbemiso Jesus akpade, Jesus ama ọdọhọ apostle John ese eka imọ enyịn

Nso ke ikpanam man in̄wam mbon emi ẹma ẹkesọn̄ ke esop nnyịn?

1Ti 5:3-5, 8-10, 16; Jas 2:14-17

Ekeme Ndidi Ayama Mmọ Emi N̄ko

ENYỌN̄-UKPEME (EKE UKPEPN̄KPỌ)

Nam N̄kpọ Jehovah ke “Mme Usen Afanikọn̄”

Nso ke akpanam man okop idatesịt nte anamde n̄kpọ Jehovah onyụn̄ aka iso ọbuọt idem ye enye? Kot nte ikọt Abasi ke eyo Bible ẹkesan̄ade ẹnam n̄kpọ Abasi ye idatesịt.