UMWE̠! No̱. 2 2018 | 12 La besoka ba mandabo ma mbia me bonam
12 La besoka ba mandabo ma mbia me bonam
Di masenga jita jombwea nje e si madangwe̱ bwam o mandabo ma mbia ma titi bonam. Nde nje kwala jombwea nje e madangwe̱ bwam o mandabo ma mbia me bonam e?
Oteten a mbu má 1990 na 2015, muso̱ngi ma kwed’a maba o Bekombo be lati ba Amerika mu to̱ndi ngedi iba ońola bato ba be̱n 50 ma mbu, na ngedi ilalo ońola ba ba be̱n 65 ma mbu.
Bayedi ba si bi pe̱ nje bola: Bamabie̱ bō̱ ba nin wase ba mome̱le̱ ná bana ba sesabe̱ ponda ye̱se̱, bape̱pe̱ pe̱ bā ná ba lee̱le̱ nde babo̱ ndolo.
Beso̱mbe̱ be makoka o be̱ bato bou esibe̱ dibie̱ di mongwane̱ babo̱ o tongwe̱le̱.
To̱ na nika, mbale̱ ńe nde ná . . .
Diba le ná di be̱ mulatako ma po̱ko̱po̱ko̱ na mu mawane̱ bonam.
Bayedi be ná bokwa o jokwe̱le̱ bana babu na ndolo.
Beso̱mbe̱ be ná be be̱ne̱ dibie̱ di mapule̱ babo̱ o be̱ bato bou.
Ne̱ni e? Nin Umwe̱! e me̱nde̱ kwalea ońola 12 la besoka ba mandabo ma mbia me bonam.
1: Kakane̱
Mambo malalo me ná mongwane̱ babaedi ná ba s’abane̱.
2: Mulatako
Mo̱ mom’ango̱ to̱ munj’ango̱ ā nde wa ka munange̱ o tuṅ po̱ na wa e?
3: Edube
Okwa bia njika beboledi na byala be mweńa ná nu o baino̱ e̱ne̱ ná o mabola mo̱ edube.
4: Milakisan
Nje ye ná yongwane̱ wa ná o s’ombwea mawuse̱ ma nu o baino̱ e?
5: Ekwali
Matanga ma mom malalo me ná mongwane̱ wa ná o be̱ batabata na bana bo̱ngo̱.
6: Mbe̱t’a dibongo
Mo̱ ko̱kise̱ la muna di mabola ná a si be̱ne̱ne̱ pe̱ mo̱me̱ne̱ edube e?
7: Bede̱mo
Njika bete̱sedi wangame̱nno̱ jokwe̱le̱ bana bo̱ngo̱ e?
8: Eyembilan
O mapula te̱ ná bana bo̱ngo̱ ba sengane̱ wa, bola nje o malangweano̱ babo̱.
9: Nja weno̱
Ne̱ni beso̱mbe̱ beno̱ ná be lingea dube̱ labu e?
10: Lakisane̱
Tombwane̱ la lakisane̱ la bayedi bo̱ngo̱ le nde tangala mweńa o be̱ moto ńou.
11: Ngiń’ebolo
Woko te̱ o bola ebolo na ngińa o mińa mo̱ngo̱ m’eso̱mbe̱ nika e me̱nde̱ jongwane̱ wa o tongwe̱le̱ o nje ye̱se̱ o me̱nde̱no̱ bola o longe̱.
12: Mambo o mabupe̱no̱
Po̱le̱ la mambo o mabupe̱no̱ le ná di bata bola wa mbaki, louse̱ mulatako mo̱ngo̱ ma diko̱m, o bata pe̱ be̱ bonam.
Bata kusa jongwane̱ ońola ndabo a mbia
Malea ma Bibe̱l me ná mongwane̱ wa o tongwe̱le̱ diba lo̱ngo̱ na be̱ne̱ longe̱ la mbia le bonam.
