O mesanedi ma 24 ma Ngo̱nde̱ 2022, sonj’a Rusia i botedi o ko̱ye̱ Ukre̱n, to̱ na miwe̱n badiedi ba wase ńe̱se̱ ba po̱ngino̱ ná bila be si be̱. Ne̱ni be bila beno̱ ná be tapa wase ńe̱se̱ e? António Guterres, mutiledi ńaboso ńa ONU, a kwali yā mińa to̱ mininga ná: “Di titi to̱ ná di dutea take be bila be me̱nde̱no̱ wanea bato, ne̱ni be me̱nde̱no̱ ńamse̱ mambo, be sumwane̱ pe̱ bato mbo̱le̱ o Europa na o wase ńe̱se̱.”

•   Yesu Kristo a ta a bise̱ ná: “Tumba di me̱nde̱ te̱me̱ te̱nge̱ne̱ tumba, janea pe̱ te̱nge̱ne̱ janea.” (Mateo 24:7) Ná we̱ne̱ ne̱ni Bibe̱l e malee̱no̱ ná bila ba nin ponda be malondise̱ nde eding’a Yesu, langa tema “Nje ye eyemban a ‘mińa misukan,’ to̱ ‘pond’a sukan’ e?”

•   Kalat’a Bibe̱l ńa Bebīsedi e makwalea ońola muje̱ omo̱ń a wo̱si “ni mole̱ ka wea” ńe nde eyemban a bila, ńena nu “no̱ngo̱ne̱ wase musango.” (Bebīsedi 6:4) Ná o so̱ṅtane̱ ne̱ni y’edinge̱ e malondeano̱ bila ba nin ponda, langa tema “Les cavaliers de l’Apocalypse: qui sont-ils?”

•   Kalat’a Daniel e ta e bīse̱ jate̱nge̱ne̱ oteten a “kiṅ’a pongo” na “kiṅ’a mikondo.” (Daniel 11:25-45) Ná o bie ońola nje e te̱nge̱nno̱ o kwala ná Rusia na balate̱ na mo̱ nde be kiṅ’a pongo a, ombwa sinima Edinge̱ yena e londi​—Daniel bepasi 11.

•   Kalat’a Bebīsedi e makwalea pe̱ ońola “bwemba ba buńa bonde̱ne̱ ba Loba la ngum.” (Bebīsedi 16:14, 16) Nde bo bwemba bo titi bila oteten a matumba, ka nje di me̱ne̱no̱ we̱nge̱. Ná o bie mambo mape̱pe̱ jombwea bo bwemba bo me̱nde̱ po̱, langa tema “Qu’est-ce que la bataille d’Armaguédon?”

•   Bibe̱l e makwala ná Loba a “mabo̱le̱ bila nate̱na o su la wase.” (Myenge 46:10) Ná o bate bia mambo jombwea kie̱le̱ ni maye̱ Loba a kakanno̱, langa tema “Une espérance réelle pour des jours meilleurs.”

•   Yesu a lee̱ bokwedi bao ná ba kane̱ ná Janea la Loba di ye. (Mateo 6:9, 10) Di janea lena le o mo̱ń nde di me̱nde̱ londise̱ jemea la Loba jombwea wase; jemea la Loba le pe̱ ná musango mu be̱ o wase. Ná we̱ne̱ minam Janea la Loba leno̱ ná di wanea wa, ombwa sinima Janea la Loba le nde nje e?

 Buka 129 000 la Mboṅ a Yehova le o Ukre̱n. Ka Mboṅ a Yehova ya bene̱ bekombo be̱se̱, i membilane̱ Yesu na banga no̱ngo̱ dongo o politik na o bila. (Yohane 18:36) O wase ńe̱se̱, Mboṅ a Yehova i mabenga langwa “myango ma bwam ma janea” mye nde ná di janea nde di me̱nde̱ bo̱le̱ ndut’a mbel’a moto, name̱ne̱ pe̱ na bila. (Mateo 24:14) We ná o tilea biso̱ ná o bate bia mambo jombwea mu mwe̱ndi ma dipita mwe o Bibe̱l.