Mika 7:1-20
7 Lamba liami! Nguli ngwe mutu yoze,Muze hacha mihuko ya ha lwizaNi kuhela uva yize yakusala muze kucha hichapalika,Keshi kuwana chipwe chichakata chimuwika cha uva hanga alie,Chipwe mazanga kuyu limuwika kechi kuliwana.*
2 Hashi kuheshi nawa atu ashishika,Hakachi ka atu kuheshi niumwe yoze wakulinga yipema.
Ayo eswe kakujikinyina atu hanga aashihe.
Mutu ni mutu kakutela ndumbwenyi wanda hanga amukwate.
3 Moko jo hanejilila kulinga yuma yipi,Yilolo jo kakwita yuma,Ngaji jo kakwafweta hanga asambise mutu yoze te watamba kuhia,Mutu mulemu kakunyingikisa chuma cheswacho mazanga,Ayo kakutesa yuma yino hamuwika.
4 Mutu mupema hakachi ko kapwa ngwe mbimbo,Yoze wakulinga yuma yipema hakachi ko, kapwa mupi chinji kuhiana chipanga cha mbimbo.
Alioze, tangwa lize tulayi two ambulwile muliheta, tangwa lia usopeso wo.
Eswe makachikima ni woma.
5 Kanda nufuliela sepa lienuKanda nujikijila sepa lienu wa ha mbunge.
Kanyama ha yuma yize mulweza mutu yoze wakupomba mu kondo lie.
6 Mumu mwana wa lunga kakulelesa tatoMwana wa pwo kakulimika ni naye,Tembwa-mwana kakulimika ni naye-weno,Akwa-kole ja mutu kali akwa-zuwo lienyi.
7 Alioze yami, mungununga ni kulayila ni kushimbwila muli Yehova.
Mungushimbwila Zambi ya ulamwino wami ni uhomboloji.
Zambi yami mangwiva.
8 Yena mukwa-kole wami, kanda uwahilila mumu lia lamba liami.
Chipwe ngwe nalimbuka, nihindu mungukatuka,Chipwe ngwe natwama mu milima, nihindu Yehova mapwa pangu liami.
9 Mungunyongonona mu ufwatulo wa Yehova—Mumu navulumuna kuli iye—Ndo muze iye makala mulonga wami ni kungulingila ululi.
Iye makangutwala ku pangu,Mungukamona ululi wenyi.
10 Mukwa-kole wami neye makachimona,Sonyi mujikakwata yoze wangwambile ngwenyi:
“Yehova Zambi ye kulihi ali?”
Meso jami makamumona.
Kashika iye makamuliata ngwe malowa mu matapalo.
11 Mulikapwa tangwa lia kutunga yipanga ye ya mawe,Ha tangwa lize ngiza ye muyikatohwa.*
12 Ha tangwa lize makeza kuli yenaChize ku Asuria ndo ku mambonge a ku EngituChize ku Engitu ndo ku lwiji,*Chize ku kalunga-lwiji umwe ndo ku kalunga-lwiji mukwo, chize ku mulundu umwe ndo ku mulundu ukwo.
13 Chifuchi muchikasala cha hululu mumu lia atu jamo,Mumu lia yuma yize ayo alinga.
14 Mukafunga atu je ni mulumbu we, mapanga ja chihinga che,Waze te atwama ukawo mu musenge, mukachi ka mitondo yize yakwima mihuko.
Ayo alie mu Mbashane ni mu Ngiliate ngwe chize te akulinga ku shakulu.
15 “Ngwe ha matangwa waze wakatukile mu chifuchi cha Engitu,Mungukakusolwela yuma yakukomwesa.
16 Mavungu makachimona, makeva sonyi chipwe ngwe kakwete ndundo.
Makasa kwoko ku kanwa mumu lia sonyi,Matwi jo makajika.
17 Makalesa fufuta ngwe tupela,Makatuhuka ku yivwenge yo ni kuchikima ngwe tushitu waze akukalala hashi.
Makeza kuli Yehova Zambi yetu ni kuchikima,Makakuvila woma.”
18 Zambi muka walifwa ni yena,Yoze wakukonekena uhenge ni kulengulula utanguke wa masalila ja chihinga chenyi?
Iye kechi kanunga ni kwiva uli ku miaka ya mutolo,Mumu kakuwahilila ni zango lize kulishi kuhwa.
19 Iye makatuvila nawa keke, makakumba shili yetu ngwe chize akukumba akwa-kole.
Mukambila shili yo yeswe kwishi lia kalunga-lwiji.
20 Mukasolola ushishiko kuli Yakomba,Mukasolola zango lize kulishi kuhwa kuli Apalahama,Ngwe chize walishingile kuli tulamba twetu chize ku shakulu.
