Mika 5:1-15
5 “Yena mwana wa pwo yoze analukukila,Haliapwila wakuliteta-teta yena mwene ha mujimba.Yetu hatujingilika.
Ngaji wa mu Izalele kakumulamba ku meso ni mutondo.
2 Yena Mbeteleme-Efrata,Chipwe ngwe uli mukehe chinji hakachi ka tununu* twa A-Yunda,Nihindu, kuli yena mukukakatuka yoze makayula mu Izalele,Yoze watwamako chize ku shakulu.
3 Kashika, iye makaambilaNdo ha shimbu lize yoze unambe kushita, mashita.
Masalila ja mandumbu jenyi makahiluka kuli A-Izalele.
4 Iye makakatuka, makasongwela atu jenyi ni tachi ja Yehova,Ni unene wa jina lia Yehova, Zambi yenyi.
Ayo makatwama mu ukulungunga,Mumu unene wenyi muukaheta ndo ku masongo a hashi.
5 Iye makaneha sambukila.
Nyi Asuria malukukila chifuchi chetu ni kuliata tuposhi twetu a kukolesa,Yetu mutukamukatwishila tufunga shimbiali, ewa, yilolo nake hakachi ka atu hanga alimike nenyi.
6 Ayo makafunga chifuchi cha Asuria ni mukwale,Makafunga nawa chifuchi cha Nimorote ku unjililo.
Iye makatulamwina ku moko ja Asuria,Muze ayo makalukukila chifuchi chetu ni kunjila mu njiza yetu.
7 Masalila ja Yakomba makapwa hakachi ka atu eka ni ekaNgwe mume wa kuli Yehova,Ngwe vula munji yoze wakunoka ha mwambu,Yize kuyishi kushimbwila muli mutuChipwe kushimbwila muli ana ja atu.
8 Masalila ja Yakomba makapwa hakachi ka mavungu,Hakachi ka atu anji,Ngwe ndumba hakachi ka tushitu a mu yambu,Ngwe mwana-ndumba hakachi ka chendo cha mapanga,Yoze wakupalika, makwata ni kushiha.Kukushi kupwa yoze maalamwina.
9 Kwoko lie mulikalimika ni akwa-kole je,Akwa-kole je eswe makaanongesa.”
10 Yehova kanambe ngwenyi: “Ha tangwa lizeMungukanongesa tuvwalu twenu ni matemba a jita.
11 Mungukanongesa mambonge a mu chifuchi chenu,Ni kupuzula yipanga yenu yeswe ya kukolesa.
12 Mungukahwisa wanga weswe uze wakupanda,Niumwe mukwa-kulinga tufutafuta makanunga mukachi kenu wakuhi.
13 Mungukanongesa tuponya a kwola ni yilumbilo yisandu yize yatwama mukachi kenu,Yenu kunuchi kafulamana nawa ku milimo ya ku moko jenu.
14 Mungukatukula mitondo yisandu hakachi kenuNi kunongesa mambonge jenu.
15 Mungukakala milonga ni ufwatulo ni utenuHali mavungu waze keshi kwononoka.”
Footnotes
^ Hanji “minyachi.”
