[gikan sa lintunganayng pulong nga nagkahulogang “nagtulo; nahulog”], NETOPAHANON.

Usa ka gamayng balangay sa Juda nga lagmit nahimutang sa Khirbet Bedd Faluh, mga 4 km (2.5 mi) sa HHS sa Betlehem, ug ang mga molupyo niini. Gihatagan ug dakong pagtagad sa Bibliya ang mga molupyo niini, kinsa, sa sinugdan, lagmit maoy mga paryente niadtong nanimuyo sa Betlehem.​—1Cr 2:54.

Lakip sa mga Netopahanon mao ang gamhanang mga tawo ni David nga si Maharai ug Heleb (Heled; Heldai), ug silang duha nahimong mga pangulo sa mga dibisyon sa kasundalohan. (2Sa 23:​8, 28, 29; 1Cr 11:​26, 30; 27:​13, 15) Ang pipila ka Netopahanon nahibilin sa Juda human sa linangkob nga pagkadestiyero ngadto sa Babilonya, ug ilang gipaluyohan si Gobernador Gedalias. (2Ha 25:23; Jer 40:8) Daghang kaliwat sa mga Netopahanon nga lakip niadtong gidala ngadto sa Babilonya ang namalik uban kang Zorobabel niadtong 537 W.K.P. (Esd 2:​1, 2, 22; Neh 7:26) Ang pipila ka Levihanon nga mipuyo taliwala sa kabalangayan sa mga Netopahanon miadto sa Jerusalem alang sa inagurasyon sa natukod pag-usab nga paril.​—1Cr 9:​14, 16; Neh 12:​27, 28.