Numeros 23:1-30
23 Unya si Balaam miingon kang Balak: “Tukori ako dinhi ug pito ka halaran+ ug andami ako dinhi ug pito ka torong baka ug pito ka laking karnero.”
2 Si Balak dihadiha nagbuhat sumala sa gisulti ni Balaam. Unya si Balak ug si Balaam naghalad ug usa ka torong baka ug usa ka laking karnero ibabaw sa matag halaran.+
3 Ug si Balaam miingon kang Balak: “Tindog tupad sa imong halad-nga-sinunog,+ ug molakaw ako. Basin si Jehova makighibalag ug makigtagbo kanako.+ Kon unsa man ang iyang ipakita kanako, akong igatug-an kanimo.” Busa miadto siya sa usa ka hawan nga bungtod.
4 Sa dihang ang Diyos nakighibalag kang Balaam,+ siya miingon Kaniya: “Gipahimutang ko ang pito ka halaran nga gilumbay, ug gihalad ko ang usa ka torong baka ug usa ka laking karnero ibabaw sa matag halaran.”+
5 Ug si Jehova nagbutang ug pulong sa baba ni Balaam+ ug miingon: “Balik ngadto kang Balak, ug kini mao ang imong isulti.”+
6 Busa mibalik siya kaniya, ug, tan-awa! siya ug ang tanang prinsipe sa Moab nagtindog tupad sa iyang halad-nga-sinunog.
7 Unya gipahayag niya ang iyang panultihon+ ug miingon:“Gikan sa Aram+ si Balak nga hari sa Moab nagdala kanako,Gikan sa kabukiran sa sidlakan:‘Umari ka, tungloha si Jacob alang kanako.Oo, umari ka, sawaya ang Israel.’+
8 Unsaon ko pagpanghimaraot kadtong wala panghimaraota sa Diyos?+Ug unsaon ko pagsaway kadtong wala sawaya ni Jehova?+
9 Kay gikan sa tumoy sa kabatoan ako nakakita kanila,Ug gikan sa kabungtoran ako nakatan-aw kanila.Didto nagpuyo sila nga sila ra ingon nga usa ka katawhan,+Ug sila wala mag-isip sa ilang kaugalingon nga uban sa mga nasod.+
10 Kinsay nakaisip sa mga lugas sa abog ni Jacob,+Ug kinsay nakaihap sa ikaupat ka bahin sa Israel?Ang akong kalag mamatay unta sa kamatayon sa mga matarong,+Ug ang akong kataposan mahisama unta sa ilaha.”+
11 Niini si Balak miingon kang Balaam: “Unsay imong gibuhat kanako? Gikuha ko ikaw aron panghimaraoton ang akong mga kaaway, ug ania, gipanalanginan mo sila sa hilabihan.”+
12 Sa baylo siya mitubag ug miingon: “Dili ba isulti ko gayod ang bisan unsa nga ibutang ni Jehova sa akong baba?”+
13 Unya si Balak miingon kaniya: “Palihog, kuyogi ako ngadto sa laing dapit nga didto makita mo sila. Ang tumoy lamang nila ang imong makita,+ ug dili mo makita silang tanan. Ug panghimaraota sila alang kanako gikan didto.”+
14 Busa siya nagdala kaniya ngadto sa yuta sa Zopim, ngadto sa tumoy sa Pisga,+ ug nagtukod ug pito ka halaran ug naghalad ug usa ka torong baka ug usa ka laking karnero ibabaw sa matag halaran.+
15 Human niana siya miingon kang Balak: “Tindog dinhi tupad sa imong halad-nga-sinunog, ug, kon bahin kanako, makighibalag ako kaniya didto.”
16 Unya si Jehova nakighibalag kang Balaam ug nagbutang ug pulong diha sa iyang baba ug miingon:+ “Balik kang Balak,+ ug kini mao ang imong igasulti.”
17 Busa miadto siya kaniya, ug, tan-awa! siya nagtindog tupad sa iyang halad-nga-sinunog, ug ang mga prinsipe sa Moab didto uban kaniya. Unya si Balak miingon kaniya: “Unsay gisulti ni Jehova?”
18 Niini siya mipahayag sa iyang panultihon ug miingon:+“Tindog, Balak, ug pamati.Paminawa ako, Oh anak nga lalaki ni Zipor.+
19 Ang Diyos dili usa ka tawo nga siya mamakak,+Ni anak sa tawo nga siya magbasol.+Nagsulti ba siya ug dili niya buhaton,Ug namulong ba siya ug dili niya tumanon?+
20 Tan-awa! Ako gikuha aron sa pagpanalangin,Ug Siya nagpanalangin,+ ug dili ko kini balit-aron.+
21 Siya walay nakita nga bisan unsang mahikanhong gahom+ batok kang Jacob,Ug siya walay nakitang kasamok batok sa Israel.Si Jehova nga iyang Diyos nagauban kaniya,+Ug ang malanog nga pag-abiba sa usa ka hari anaa sa iyang taliwala.
22 Ang Diyos nagpagawas kanila gikan sa Ehipto.+Anaa kaniya ang katulin sa ihalas nga torong baka.+
23 Kay walay kalaki nga makadaot batok kang Jacob,+Ni bisan unsang pagpanag-an batok sa Israel.+Niining panahona ikaingon mahitungod kang Jacob ug kang Israel,‘Pagkadako sa nahimo sa Diyos!’+
24 Tan-awa, ang usa ka katawhan motindog sama sa usa ka leyon,Ug sama sa leyon kini motuyhakaw.+Dili kini molubog hangtod nga makakaon ug tukbonon,Ug ang dugo sa mga pinatay pagaimnon niini.”+
25 Niini si Balak miingon kang Balaam: “Kon, sa usa ka bahin, ikaw dili makapanghimaraot kanila, nan, sa laing bahin, ayaw usab gayod sila panalangini.”
26 Sa baylo si Balaam mitubag ug miingon kang Balak: “Wala ko ba ikaw sultihi, nga miingon, ‘Ang tanan nga isulti ni Jehova mao ang akong pagabuhaton’?”+
27 Unya si Balak miingon kang Balaam: “Umari ka, palihog. Tugoting dad-on ko ikaw sa lain pang dapit. Basin maayo sa panan-aw sa matuod nga Diyos nga panghimaraoton mo siya alang kanako gikan didto.”+
28 Niana gidala ni Balak si Balaam ngadto sa kinatumyan sa Peor, nga nag-umbaw sa Jesimon.+
29 Unya si Balaam+ miingon kang Balak: “Tukori ako dinhi ug pito ka halaran ug andami ako dinhi ug pito ka torong baka ug pito ka laking karnero.”+
30 Busa gibuhat ni Balak ang sumala sa gisulti ni Balaam, ug siya naghalad ug usa ka torong baka ug usa ka laking karnero ibabaw sa matag halaran.+
