Joel 2:1-32
2 “Huypa ninyo ang usa ka budyong sa Zion,+ ug singgit kamo ug usa ka singgit sa pakiggubat+ sa akong balaang bukid.+ Pagubota ang tanang molupyo sa yuta;+ kay ang adlaw ni Jehova moabot,+ kay kini haduol na!
2 Kini adlaw sa kangitngit ug kangiob,+ adlaw sa mga panganod ug bagang kangiob, sama sa banagbanag sa kabuntagon nga molukop sa ibabaw sa kabukiran.+
“Adunay usa ka katawhan nga daghan ug gamhanan;+ wala pa gayoy sama niana nga mitungha sukad masukad,+ ug wala nay lain pa nga mosunod niana hangtod sa mga katuigan sa sunodsunod nga mga kaliwatan.
3 Sa ilang atubangan ang kalayo magalamoy,+ ug sa ilang luyo usa ka siga sa kalayo magaut-ot.+ Ang yuta sa ilang atubangan sama sa tanaman sa Eden;+ apan sa ilang luyo usa ka biniyaang kamingawan, ug walay mausa nga makaikyas usab kanila.
4 “Ang ilang dagway sama sa dagway sa mga kabayo, ug sama sa mga kabayong iggugubat ang ilang pagpanagan.+
5 Ingon sa kinagalkal sa mga karo sa ibabaw sa kabukiran sila nanaglukso,+ ingon sa pagpitipiti sa nagadilaab nga kalayo nga nagalamoy sa dagami.+ Sama sila sa usa ka gamhanang katawhan, nga nahan-ay alang sa gubat.+
6 Tungod niana, ang mga katawhan mobatig grabeng kasakit.+ Ang tanang nawong mabalaka gayod.+
7 “Modagan sila sama sa mga tawo nga gamhanan.+ Mokatkat sila sa paril sama sa mga tawo nga manggugubat. Ug ang tagsatagsa kanila molakaw diha sa kaugalingon niyang mga dalan, ug sila dili mosimang sa ilang mga alagianan.+
8 Ug sila dili magtinuloray. Sama sa usa ka tawo nga lig-on ug lawas diha sa iyang dalan, sila mopadayon sa paglakaw; ug bisan pag ang pipila mapukan taliwala sa mga udyong, ang uban dili mosimang.
9 “Mohasmag sila sa siyudad. Modagan sila sa ibabaw sa paril. Mosaka sila sa mga balay. Mosulod sila agi sa mga bentana sama sa kawatan.
10 Atubangan niini ang yuta matay-og, ang kalangitan mauyog. Ang adlaw ug ang bulan mongitngit,+ ug ang mga bituon mapagngan sa ilang kahayag.+
11 Ug si Jehova magapatugbaw gayod sa iyang tingog+ atubangan sa iyang kasundalohan,+ kay ang iyang kampo daghan kaayo.+ Kay siya nga nagatuman sa iyang pulong gamhanan; kay dako ug makalilisang kaayo ang adlaw ni Jehova,+ ug kinsa ang makasugakod niana?”+
12 “Ug karon usab,” nag-ingon si Jehova, “balik kanako uban sa bug-os ninyong kasingkasing,+ ug uban sa pagpuasa+ ug uban sa paghilak ug uban sa pagminatay.+
13 Ug gisia ang inyong kasingkasing,+ ug dili ang inyong mga besti;+ ug balik kang Jehova nga inyong Diyos, kay siya mapuangoron ug maluluy-on,+ mahinay sa kasuko+ ug dagaya sa mahigugmaong-kalulot,+ ug siya magbasol gayod tungod sa katalagman.+
14 Kinsay nasayod kon siya mobalik ug magbasol+ ug magbilin ug usa ka panalangin human niini,+ usa ka halad-nga-lugas ug usa ka halad-nga-ilimnon alang kang Jehova nga inyong Diyos?
15 “Huypa ninyo ang usa ka budyong sa Zion.+ Balaana ang usa ka panahon sa pagpuasa.+ Pagtawag kamo ug usa ka solemne nga panagkatigom.+
16 Tigoma ang katawhan. Balaana ang usa ka kongregasyon.+ Tapoka ang tigulang nga mga lalaki. Tigoma ang mga bata ug ang mga masuso.+ Pagulaa ang pamanhonon gikan sa iyang sulod nga lawak, ug ang pangasaw-onon gikan sa iyang lawak sa kasal.
17 “Taliwala sa portiko ug sa halaran+ pahilaka ug pasultiha ang mga saserdote, ang mga alagad ni Jehova, ‘Maluoy ka, Oh Jehova, sa imong katawhan, ug ayaw himoa ang imong panulondon nga usa ka kaulawan,+ nga sila pagamandoan sa mga nasod. Ngano man nga moingon sila taliwala sa mga katawhan: “Hain man ang ilang Diyos?”’+
18 Ug si Jehova magmasiboton alang sa iyang yuta+ ug maluoy sa iyang katawhan.+
19 Ug si Jehova motubag ug moingon sa iyang katawhan, ‘Ania, ako magapadala kaninyo sa lugas ug sa bag-ong bino ug sa lana, ug kamo matagbaw gayod niana;+ ug dili ko na kamo himoon nga usa ka kaulawan taliwala sa kanasoran.+
20 Ug ang taga-amihanan+ akong ipahilayo kaninyo, ug abogon ko siya ngadto sa usa ka yuta nga walay tubig ug awaaw, nga ang iyang nawong mag-atubang sa sidlakan nga dagat+ ug ang iyang likod ngadto sa kasadpan nga dagat.+ Ug ang iyang baho moalisbo, ug ang kalang-og gikan kaniya mopadayon sa pagpangalisbo;+ kay Siya maghimo gayod ug usa ka dakong butang diha sa Iyang ginabuhat.’
21 “Ayaw kahadlok, Oh yuta. Paglipay ug pagmaya; kay si Jehova maghimo gayod ug usa ka dakong butang diha sa Iyang ginabuhat.+
22 Ayaw kahadlok, kamong mga mananap sa kapatagan,+ kay ang mga sibsibanan sa kamingawan molunhaw gayod.+ Kay ang kahoy magahatag sa iyang mga bunga.+ Ang kahoyng igos ug ang paras magahatag sa ilang kusog.+
23 Ug, kamong mga anak sa Zion, paglipay ug pagmaya diha kang Jehova nga inyong Diyos;+ kay siya maghatag kaninyo sa ulan sa tinghunlak sa igo gayod,+ ug siya magpaulan diha kaninyo, sa ulan sa tinghunlak ug sa ulan sa tingpamulak, sama sa una.+
24 Ug ang mga giokanan mapuno sa hininloang mga lugas, ug ang pasong sa pug-anan magaawas sa bag-ong bino ug sa lana.+
25 Ug ako magabayad kaninyo alang sa mga tuig nga ang dulon, ang lukton, ang uk-ok ug ang hantatawo nanagpangaon, ang akong dakong panon sa kasundalohan nga akong gipadala taliwala kaninyo.+
26 Ug kamo magakaon gayod, mangaon ug mangabusog,+ ug kamo magadayeg sa ngalan ni Jehova nga inyong Diyos,+ kinsa nagbuhat ug katingalahan kaayo kaninyo;+ ug ang akong katawhan dili maulawan hangtod sa panahong walay tino.+
27 Ug kamo mahibalo nga ako anaa sa taliwala sa Israel,+ ug nga ako mao si Jehova nga inyong Diyos ug wala nay lain.+ Ug ang akong katawhan dili maulawan hangtod sa panahong walay tino.
28 “Ug human niana mahitabo gayod nga ibubo ko ang akong espiritu+ sa tanang matang sa unod,+ ug ang inyong mga anak nga lalaki ug ang inyong mga anak nga babaye+ managna. Kon bahin sa inyong tigulang nga mga lalaki, sila magadamgo ug mga damgo. Kon bahin sa inyong batan-ong mga lalaki, sila makakita ug mga panan-awon.
29 Ug bisan sa mga sulugoong lalaki ug sa mga sulugoong babaye ibubo ko ang akong espiritu nianang mga adlawa.+
30 “Ug ako magahatag ug mga tilimad-on diha sa kalangitan+ ug sa yuta, dugo ug kalayo ug mga haligi nga aso.+
31 Ang adlaw mahimong kangitngit,+ ug ang bulan mahimong dugo,+ sa dili pa moabot ang dako ug makalilisang nga adlaw ni Jehova.+
32 Ug mahitabo gayod nga ang matag usa nga magatawag sa ngalan ni Jehova maluwas;+ kay sa Bukid sa Zion ug sa Jerusalem atua unya kadtong makalingkawas,+ sumala sa giingon ni Jehova, ug taliwala sa mga makapabiling buhi, nga pagatawgon ni Jehova.”+
