Job 33:1-33
33 “Apan, karon, Oh Job, palihog paminawa ang akong mga pulong,Ug paminawa ang tanan kong isulti.
2 Tan-awa, palihog! Pagabukhon ko ang akong baba;Magasulti ang akong dila uban sa akong alingagngag.+
3 Ang akong mga pulong mao ang katul-id sa akong kasingkasing,+Ug ang kahibalo maoy tim-os nga isulti sa akong mga ngabil.+
4 Ang espiritu sa Diyos maoy nagbuhat kanako,+Ug ang gininhawa sa Labing Gamhanan nagpabuhi kanako.+
5 Kon ikaw makahimo, tubaga ako,Paghan-ay ug mga pulong sa akong atubangan; magpahiluna ka.
6 Tan-awa! Ako sama ra kanimo alang sa matuod nga Diyos;+Gikan sa yutang-kulonon ako giumol,+ ako usab.
7 Tan-awa! Walay pagkamakalilisang diha kanako ang makapahadlok kanimo,Ug walay pagpiot+ gikan nako ang magmabug-at kanimo.
8 Apan ikaw nagsulti sa akong mga igdulungog,Ug ang tingog sa imong mga pulong kanunay kong nadunggan,
9 ‘Ako maputli nga walay kalapasan;+Ako mahinlo, ug ako walay kasaypanan.+
10 Tan-awa! Siya nakakaplag ug mga higayon sa pagsupak kanako,Giisip niya ako nga iyang kaaway.+
11 Gibutang niya ang akong mga tiil sa sepohan,+Iyang gibantayan ang tanan kong alagianan.’+
12 Tan-awa! Ako magatubag kanimo nga niining butanga ikaw dili husto;+Kay ang Diyos labaw pa kaayo kay sa may-kamatayong tawo.+
13 Nganong nakigtigi ka man batok kaniya,+Sanglit wala siya motubag sa tanan mong mga pulong?+
14 Kay ang Diyos mosulti sa makausa,Ug sa makaduha+—bisan tuod ang usa dili magtagad niana—
15 Diha sa usa ka damgo,+ sa usa ka panan-awon+ sa kagabhion,Inigkahinanok sa mga tawo,Sa pagkatulog diha sa higdaanan.+
16 Nianang panahona iyang buksan ang igdulungog sa mga tawo,+Ug sa pagtambag kanila siya magbutang sa iyang timbre,
17 Aron ipahilayo ang usa ka tawo gikan sa iyang buhat,+Ug aron iyang matagoan ang garbo+ gikan sa usa ka tawo nga lig-on ug lawas.
18 Gipugngan niya ang iyang kalag gikan sa gahong+Ug ang iyang kinabuhi gikan sa kamatayon pinaagi sa usa ka udyong.+
19 Ug siya gibadlong uban ang kasakit diha sa iyang higdaanan,Ug ang panag-away sa iyang kabukogan nagapadayon.
20 Ug ang iyang kinabuhi giluod gayod sa tinapay,+Ug ang iyang kalag sa tilinguhaong pagkaon.
21 Ang iyang unod naut-ot nga dili na makita,Ug ang iyang kabukogan nga kaniadto dili-makita nanikil.
22 Ug ang iyang kalag nagkahaduol sa gahong,+Ug ang iyang kinabuhi niadtong mga nagapahamtang ug kamatayon.
23 Kon adunay usa ka mensahero alang kaniya,Usa ka tigpamaba, usa sa usa ka libo,Aron sa pagsulti sa tawo sa iyang katul-id,
24 Nan siya mopabor kaniya ug moingon,‘Luwasa siya gikan sa pagkahulog sa gahong!+Ako nakakaplag ug usa ka lukat!+
25 Mabag-o ang iyang unod labi pa kay sa pagkabatan-on;+Mahibalik siya sa mga adlaw sa kabaskog sa iyang pagkabatan-on.’+
26 Siya mangaliyupo sa Diyos aron siya mahimuot kaniya,+Ug siya magatan-aw sa iyang nawong uban ang malipayong pagsinggit,Ug ipasig-uli Niya ang Iyang pagkamatarong ngadto sa may-kamatayong tawo.
27 Siya moawit ngadto sa mga tawo ug moingon,‘Ako nakasala;+ ug ang matul-id akong gituis,Ug kadto dili gayod ang angay nga butang alang kanako.
28 Iyang gitubos ang akong kalag gikan sa pagkahulog sa gahong,+Ug ang akong kinabuhi makakita sa kahayag.’
29 Tan-awa! Kining tanang butanga gihimo sa Diyos,Duha ka higayon, tulo ka higayon, sa usa ka tawo nga lig-on ug lawas,
30 Aron sa pagpabalik sa iyang kalag gikan sa gahong,+Aron kalamdagan siya sa kahayag sa mga buhi.+
31 Pamati, Oh Job! Patalinghogi ako!Humilom ka, ug ako mopadayon pagsulti.
32 Kon anaay imong igsusulti, tubaga ako;Sulti, kay gikahimut-an ko ang imong pagkamatarong.
33 Kon wala, magpatalinghog ka kanako;+Humilom ka, ug tudloan ko ikaw sa kaalam.”
