Isaias 64:1-12
64 Oh kon unta imong gigisi ang kalangitan, nga nanaog ka,+ nga tungod kanimo ang mismong kabukiran nauyog,+
2 sama sa dihang pasilaobon sa kalayo ang kalibonan, ug pabukalon sa kalayo ang mismong tubig, aron ipaila ang imong ngalan ngadto sa imong mga kaaway,+ nga tungod kanimo ang kanasoran magubot!+
3 Sa dihang ikaw naghimog makalilisang nga mga butang+ nga wala namo damha, ikaw nanaog. Tungod kanimo ang kabukiran mismo nauyog.+
4 Ug sukad sa panahong dugay na kanhi walay nakadungog,+ ni may si bisan kinsang namati, ni may mata nga nakakita sa usa ka Diyos, gawas kanimo,+ nga naglihok alang sa usa nga nagpadayon pagpaabot kaniya.+
5 Imong nahibalag ang usa nga nagsadya ug nagbuhat ug pagkamatarong,+ kadtong nagpadayon paghinumdom kanimo sa imong mga dalan.+
Tan-awa! Ikaw nasuko,+ samtang kami nagpadayon sa pagpakasala+—niana sa taas nga panahon, ug kami ba maluwas?+
6 Ug kami nahisama sa usa nga mahugaw, kaming tanan, ug ang tanan namong mga buhat sa pagkamatarong maoy sama sa usa ka besti sa mga yugto sa pagregla;+ ug kami mangalawos sama sa kadahonan,+ kaming tanan, ug ipadpad kami sa among kasaypanan sama sa hangin.+
7 Ug walay usa nga nagtawag sa imong ngalan,+ walay usa nga nagpalihok sa iyang kaugalingon aron mokupot kanimo; kay imong gitagoan ang imong nawong gikan kanamo,+ ug imong gipahinabo nga kami matunaw+ tungod sa gahom sa among kasaypanan.
8 Ug karon, Oh Jehova, ikaw ang among Amahan.+ Kami ang yutang-kulonon,+ ug ikaw ang among Magkukulon;+ ug kaming tanan maoy buhat sa imong kamot.+
9 Ayaw kasuko sa hilabihan, Oh Jehova,+ ug ayaw hinumdomi ang among kasaypanan hangtod sa kahangtoran.+ Tan-awa, karon, palihog: kaming tanan maoy imong katawhan.+
10 Ang imong balaan nga mga siyudad+ nahimong kamingawan. Ang Zion+ nahimong bug-os nga kamingawan, ang Jerusalem usa ka awaaw.+
11 Ang among balay sa pagkabalaan ug katahom,+ diin ang among mga katigulangan nagdayeg kanimo,+ nahimong sunogonon sa kalayo;+ ug ang matag usa sa among tilinguhaong mga butang+ nahimong kagun-oban.
12 Atubangan niining mga butanga ikaw ba magpadayon sa pagpugong,+ Oh Jehova? Ikaw ba magpakahilom ug motugot nga kami sakiton sa hilabihan?+
