2 Timoteo 1:1-18
1 Si Pablo, usa ka apostol ni Kristo Jesus pinaagi sa kabubut-on sa Diyos+ sumala sa saad sa kinabuhi+ nga nahiusa kang Kristo Jesus,+
2 nganha kang Timoteo, usa ka anak nga hinigugma:+
Hinaot nga adunay dili-takos nga kalulot, kaluoy, kalinaw gikan sa Diyos nga Amahan ug ni Kristo Jesus nga atong Ginoo.+
3 Ako mapasalamaton sa Diyos, kang kinsa ako naghatag ug sagradong pag-alagad+ ingon sa gibuhat sa akong mga katigulangan+ ug uban sa hinlong tanlag,+ nga ako wala gayod moundang sa paghinumdom kanimo sa akong mga pangamuyo,+ sa magabii ug sa maadlaw
4 ako nangandoy nga makita ka,+ sa mahinumdoman ko ang imong mga luha, aron ako mapuno sa kalipay.
5 Kay akong nahinumdoman ang imong pagtuo+ nga walay pagkasalingkapaw,+ ug nga sa sinugdan diha sa imong apohang babaye nga si Loida ug sa imong inahang si Eunice, apan ako masaligon nga kini anaa usab kanimo.
6 Tungod niini mismo ako nagpahinumdom kanimo nga sugniban sama sa kalayo+ ang gasa+ sa Diyos nga anaa kanimo pinaagi sa pagpandong sa akong mga kamot kanimo.+
7 Kay kita wala hatagi sa Diyos ug espiritu sa katalaw,+ kondili sa gahom+ ug sa gugma ug sa maayong panghunahuna.+
8 Busa ayaw ikaulaw ang pagpamatuod bahin sa atong Ginoo,+ ni kanako nga binilanggo tungod kaniya,+ apan dawata ang imong bahin sa pag-antos+ sa daotan tungod sa maayong balita sumala sa gahom sa Diyos.+
9 Siya nagluwas+ kanato ug nagtawag kanato sa usa ka balaan nga pagtawag,+ dili tungod sa atong mga buhat,+ kondili tungod sa iyang kaugalingong katuyoan ug dili-takos nga kalulot. Kini gihatag kanato maylabot kang Kristo Jesus sa wala pa ang kanhing kapanahonan,+
10 apan karon kini tin-awng gipakita pinaagi sa pagpadayag+ sa atong Manluluwas, si Kristo Jesus, kinsa naghanaw sa kamatayon+ apan naghatag ug kahayag+ nganha sa kinabuhi+ ug sa pagkadili-madunoton+ pinaagi sa maayong balita,+
11 nga alang niini ako gitudlo nga usa ka magwawali ug apostol ug magtutudlo.+
12 Tungod niini ako nag-antos+ usab niining mga butanga, apan wala ako maulaw.+ Kay ako nakaila sa akong gituohan, ug ako masaligon nga siya makahimo sa pagbantay+ sa akong gipiyal kaniya hangtod nianang adlawa.+
13 Magpadayon ka sa paghupot sa sumbanan sa makapahimsog+ nga mga pulong nga imong nadungog gikan kanako uban sa pagtuo ug gugma maylabot kang Kristo Jesus.+
14 Kining bililhong butang gipiyal+ bantayi pinaagi sa balaang espiritu nga nagpuyo kanato.+
15 Ikaw nahibalo nga ang tanang tawo sa distrito sa Asia+ nagpahilayo kanako.+ Apil kanila si Figelo ug si Hermogenes.
16 Hinaot kaluy-an sa Ginoo ang panimalay ni Onesiforo,+ tungod kay sa makadaghan ako iyang gidasig,+ ug wala niya ikaulaw ang akong mga kadena.+
17 Sa kasukwahi, sa pag-anhi niya diri sa Roma, siya makugihong nangita kanako ug nakaplagan ako.+
18 Hinaot ang Ginoo magtugot kaniya sa pagkakaplag sa kaluoy+ gikan kang Jehova nianang adlawa.+ Ug ikaw nahibalo pag-ayo sa tanang pag-alagad nga iyang gihimo diha sa Efeso.
