1 Tesalonica 5:1-28
5 Karon kon bahin sa mga panahon ug sa mga yugto sa panahon,+ mga igsoon, kamo dili na kinahanglang sulatan pa.
2 Kay kamo nahibalo pag-ayo nga ang adlaw ni Jehova+ moabot sama sa kawatan sa kagabhion.+
3 Sa dihang sila+ magaingon: “Kalinaw+ ug kasegurohan!” unya ang kalit nga kalaglagan+ modangat dihadiha kanila sama sa pag-ul-ol sa kasakit sa usa ka babayeng mabdos;+ ug dili gayod sila makaikyas.+
4 Apan kamo, mga igsoon, kamo wala diha sa kangitngit,+ nga tungod niana makalitan kamo nianang adlawa nga moabot sama sa mga kawatan,+
5 kay kamong tanan mga anak sa kahayag+ ug mga anak sa adlaw.+ Kita dili iya sa kagabhion ni sa kangitngit.+
6 Busa, dili kita mangatulog+ sama sa ginahimo sa uban,+ kondili magtukaw+ kita ug maghupot ug maayong panghunahuna.+
7 Kay silang nangatulog+ naanad sa pagkatulog sa gabii,+ ug silang nangahubog sagad nangahubog sa gabii.
8 Apan bahin kanato nga iya sa adlaw, maghupot kita ug maayong panghunahuna ug magsul-ob sa panagang sa dughan+ nga mao ang pagtuo+ ug gugma ug ingong helmet+ ang paglaom sa kaluwasan;+
9 tungod kay ang Diyos naggahin kanato, dili alang sa kapungot,+ kondili aron makabaton ug kaluwasan+ pinaagi sa atong Ginoong Jesu-Kristo.+
10 Siya namatay alang kanato,+ aron nga, kon kita man magtukaw o matulog, kita mangabuhi uban kaniya.+
11 Busa magpadayon sa paghupay sa usag usa ug sa paglinig-onay sa usag usa,+ ingon gayod sa inyong ginabuhat.+
12 Karon kami naghangyo kaninyo, mga igsoon, nga tamdon ninyo silang naghago taliwala kaninyo ug nagdumala+ kaninyo diha sa Ginoo ug nagpahimangno kaninyo;
13 ug hatagan sila ug labaw sa kasagaran nga pagtahod diha sa gugma tungod sa ilang buhat.+ Magmadaiton kamo sa usag usa.+
14 Sa laing bahin, kami mag-awhag kaninyo, mga igsoon, pahimangnoi ang mga badlonganon,+ hupaya ang magul-anong mga kalag,+ buligi ang mga maluya, magmataas-ug-pailob+ sa tanan.
15 Tinoa nga walay usa nga mobalos ug kadaot sa kadaot kang bisan kinsa,+ hinunoa kanunayng tinguhaa ang maayo sa usag usa ug sa tanan.+
16 Pagmaya sa kanunay.+
17 Pag-ampo nga walay-hunong.+
18 Pagpasalamat sa tanang butang.+ Kay kini mao ang kabubut-on sa Diyos nga nahiusa kang Kristo Jesus labot kaninyo.
19 Ayaw palonga ang kalayo sa espiritu.+
20 Ayaw tamaya ang mga panagna.+
21 Tinoa ang tanang butang;+ pangupti pag-ayo ang maayo.+
22 Ayri ang tanang dagway sa pagkadaotan.+
23 Hinaot nga ang Diyos sa kalinaw+ magbalaan kaninyo sa bug-os.+ Ug nga mahimsog sa tanang bahin, hinaot ang espiritu ug ang kalag ug ang lawas ninyong mga igsoon pagatipigan sa paaging dili-masaway diha sa presensiya unya sa atong Ginoong Jesu-Kristo.+
24 Kasaligan siya nga nagtawag kaninyo, ug kini iyang pagabuhaton usab.
25 Mga igsoon, magpadayon sa pag-ampo alang kanamo.+
26 Komostaha ang tanang kaigsoonan uban ang balaang halok.+
27 Ako naghatag kaninyo ug ugdang nga obligasyon pinaagi sa Ginoo nga basahon kining sulata ngadto sa tanang kaigsoonan.+
28 Ang dili-takos nga kalulot+ sa atong Ginoong Jesu-Kristo magauban kaninyo.
