Kining punog impormasyon nga app (ang “Application” o “App”) gitagana aron tabangan kang makakat-on ug dugang bahin sa Diyos, sa Bibliya, ug sa mga Saksi ni Jehova. Basaha, tan-awa, ug i-download ang content nga makapainteres nimo. Gusto namo nga makabenepisyo pod ang uban niini nga Application, pero dili ka puwede mohimog kaugalingong kopya sa mga content niini aron ibutang sa laing website o application. Puwede nimong isulti sa uban ang imong nakat-onan pinaagi sa pagdasig nila nga i-download kini nga Application.

Kini nga Kondisyones sa Paggamit (kini nga “Kasabotan”) maoy legal nga kasabotan tali nimo ug sa Watchtower Bible and Tract Society of New York, Inc., usa ka not-for-profit nga korporasyon sa New York (“Watchtower,” “kami,” “namo,” o “among”) ug nimo, user (“nimo” o “ikaw”) sa Application. Base sa klarong hisgotan niini nga dokumento, ang espesipikong mga balaod mapadapat kanimo kon nagpuyo ka sa European Union (EU), European Economic Area (EEA), o sa Switzerland (sa katibuk-an gitawag ug “Designated Countries”).

Ang bisan unsang update, pagpanindot, bag-ong mga feature, ug/o gidugang nga bag-ong mga property sa Application nailalom niini nga Kasabotan. Kini nga kasabotan puwede namong rebisahon, usbon, o taposon bisan kanus-a sa kaugalingon namong kagustohan. Klaro kang miuyon nga ang maong mga kausaban, pagrebisar, o pagtapos dunay dakong epekto sa imong paggamit sa Application. Pahibaloon ka namo sa bisan unsang dakong kausaban niini nga Kondisyones sa Paggamit sa sunod higayon nga ablihan nimo ang Application. Kon dili nimo dawaton ang rebisado ug/o gibag-o nga bersiyon niini nga Kondisyones sa Paggamit, dili na ka tugotan nga mogamit sa Application.

Ang dili nimo pagsunod sa katibuk-an o sa usa ka bahin ani nga Kasabotan (sa among kaugalingong paghukom) isipon nga pagsupak niini nga mga kondisyones ug puwedeng matangtang dayon ang imong access ug/o license sa paggamit ani nga Application. Klaro kang miuyon nga puwede namong tangtangon ang imong access ug/o license sa paggamit sa Application sa among kaugalingong paghukom, tungod sa bisan unsang hinungdan o bisag dili mi maghatag ug hinungdan.

MOUYON KANG MAILALOM SA MGA KONDISYONES NIINI NGA KASABOTAN PINAAGI SA PAG-CLICK SA “ACCEPT” NGA BUTTON NGA KAUBAN ANI NGA KASABOTAN O PINAAGI SA PAG-DOWNLOAD, PAG-INSTALL, PAGKOPYA, O PAGGAMIT SA AMONG APPLICATION. ANG IMONG LICENSE MAGDEPENDE SA IMONG PAG-UYON ANI NGA KASABOTAN. KON DILI KA MOUYON NGA MAILALOM SA MGA PROBISYON ANI NGA KASABOTAN, DILI NIMO PUWEDENG I-INSTALL, KOPYAHON, O GAMITON ANG APPLICATION, UG KINAHANGLANG I-DELETE NIMO DAYON ANG TANANG KOPYA SA APPLICATION DIHA SA IMONG DEVICE.

1. PAGHATAG UG LICENSE. Naa kay license nga gamiton kini nga Application ilalom niini nga Kasabotan. Wala nimo palita ang Application. Basta imong gisunod, ug padayon nimong sundon, ang tanang probisyon ani nga Kasabotan, hatagan ka sa Watchtower ug katungod nga puwedeng mabawi, limitado, dili mabalhin, dili mabuhatan ug sublicense, ug dili eksklusibong katungod aron ma-access, magamit, ma-install, ma-execute, ma-save, mapakita, ug ma-run ang Application sa mga device nga imong gipanag-iya o gigamit para sa mga katuyoan nga gihisgotan ani nga Kasabotan o sumala sa sinulat nga gisugo o gihisgotan sa Watchtower. Ang mga kondisyones ani nga Kasabotan maoy mokontrol sa bisan unsang upgrade nga gikan sa Watchtower nga mopuli ug/o modugang sa orihinal nga Application, gawas kon naay kaugalingong license ang upgrade. Sa maong kahimtang ang mga kondisyones sa maong license maoy gamiton. Ang pipila ka bahin ani nga Application puwede pong kontrolon sa ubang nahiangay nga open-source license o ubang third-party license. Kon naay panagsumpaki sa mga kondisyones niini nga Kasabotan ug sa bisan asa sa maong mga license, ang maong mga license ang sundon maylabot sa maong mga bahin.

2. PAGHUPOT SA MGA KATUNGOD UG PAGPANAG-IYA; CONTENT GIKAN SA THIRD-PARTY, MGA TRADEMARK. Gihuptan sa Watchtower ang tanang katungod bahin sa Application nga wala klarong hisgoti niini nga Kasabotan. Ang Application protektado sa copyright ug ubang balaod ug kasabotan sa intellectual property. Kon bahin nimo ug sa Watchtower, gipanag-iya sa Watchtower ang tanang katungod, titulo, ug interes sa kon unsay naa sa Application ug sa Application mismo. Gawas kon gipaila, (i) ang tanang content nga naa niini nga Application ug (ii) ang tanang trademark nga konektado sa Application gipanag-iya sa Watch Tower Bible and Tract Society of Pennsylvania (“Watch Tower”). Aron malikayan ang pagduhaduha, ang tanang intellectual property nga gikan sa usa ka third-party supplier nga gitugotan sa Watchtower o Watch Tower ug naapil sa Application magpabilin nga gipanag-iya sa maong third party. Mouyon ka nga dili nimo tangtangon, tagoan, o bag-ohon ang bisan unsang copyright, trademark, o ubang proprietary notice o timaan sa source nga naa o konektado sa Application (apil pero dili limitado niadtong naa sa open source license attributions) (ang “Attributions”). Dili mi makagarantiya ug dili namo maseguro nga ma-access nimo ang impormasyon o ubang content nga gipanag-iya sa mga third party nga naa sa Application (kon naa).

Ang Adobe, Adobe logo, Acrobat, ug Acrobat logo maoy mga trademark sa Adobe Systems Incorporated. Ang iTunes ug iPod maoy mga trademark sa Apple Inc. Ang Microsoft, Microsoft logo, ug mga ngalan sa bisan unsang software ug produkto sa Microsoft, lakip ang Microsoft Office ug Microsoft Office 365, maoy mga trademark sa Microsoft Inc. Ang Android maoy trademark sa Google LLC. Ang Android robot gi-reproduce o gi-modify gikan niadtong gigama ug gi-share sa Google ug gigamit base sa mga kondisyones nga gihisgotan sa Creative Commons 3.0 Attribution License (https://creativecommons.org/licenses/by/3.0/us/). Ang uban pang mga trademark ug rehistradong mga trademark gipanag-iya sa tagsatagsa ka kompaniya niini.

3. MGA LIMITASYON SA PAGGAMIT. Ang Application maoy para lamang sa imong personal nga paggamit sumala sa gihisgotan niini nga Kasabotan o sa gisulat nga instruksiyon sa Watchtower. Mouyon ka nga dili nimo buhaton o tugotan ang uban nga buhaton, sa direkta man o sa dili direktang paagi, ang: (a) pagpaabang, pagpahulam, pagbaligya, pagbaligya pag-usab, paghatag sa imong katungod sa uban, pag-asayn, pag-reproduce, pagkopya, pag-publish, pag-send sa app, pagtugot sa uban nga gamiton ang app gamit ang imong license, pag-apod-apod, paghimog bersiyon nga gibase sa orihinal nga app o pag-share, pagpahimulos o paghatag ug access sa bisan unsang bahin o sa tibuok Application, (b) pag-analyze, pag-decompile, pag-usab, pag-adjust, paghubad o pagtagitagi sa bisan unsang bahin o sa tibuok Application apil ang tanan niining pangunang ideya, mga algorithm o structure, o gamiton ang Application sa paghimog bag-ong mga application, program, produkto o serbisyo (gawas lang ug kutob sa itugot sa mga kondisyones sa license sa paggamit sa mga naka-open source nga mga bahin sa Application), (c) pagtangtang o pag-usab sa bisan unsang trademark, trade name, service name, graphics, disenyo, logo, page header, button icon, script, commercial marking, trade dress o bisan unsang proprietary nga mga katungod nga makita diha sa Application (apil ang tanang trademark nga “JW” ug “JW.ORG”) o bisan unsang uban pang trademark, (d) pag-display sa ngalan, logo, trademark o timaan ni bisan kinsang indibiduwal o entity sa paagi nga mohatag ug impresyon sa motan-aw nga ang maong indibiduwal o entity mao ang publisher o tig-apod-apod sa Application, o (e) paggamit, pag-post, pag-send, pagdugang ug bisan unsang device, software o proseso nga makababag o mosulay sa pagbabag sa operation sa bisan unsang bahin sa Application, (f) pagparehistro, pagsulay sa pagrehistro, o pagtabang ni bisan kinsa nga irehistro ang bisan unsang trademark, logo, domain name, ug uban pang feature nga nagpaila sa brand, copyright, o ubang proprietary nga mga katungod nga konektado sa Watchtower, Watch Tower, o ilang mga kaubang entity; (g) pagtangtang, pagtago, o pagbag-o sa bisan unsang notice sa copyright, trademark, o ubang proprietary nga katungod nga makita diha sa Application o sa bisan unsang item nga naa sa Application, (h) pag-send, pag-save, o pagproseso ug health information nga protektado sa United States HIPAA regulation, o (i) paggamit sa Application nga lapas sa limitasyon nga gitakda niini nga Kasabotan. Kinahanglan nimong sundon (ug dili tinuyong supakon) ang Terms of Service sa Google API.

Bisag miuyon ka nga mosunod sa mga limitasyon sa paggamit nga gihisgotan sa ibabaw, puwede kang mangayog espesipikong pagtugot sa pag-analyze, pag-decompile, pag-usab, pag-adjust, paghubad, o pagtagitagi sa bisan unsang bahin o sa tibuok Application apil ang tanan niining pangunang ideya, mga algorithm o structure, o gamiton ang Application sa paghimog bag-ong mga application, program, produkto, o serbisyo. Mohatag ug pagtugot ang Watchtower sa kaugalingon niining paghukom. Aron makapangayog espesipikong pagtugot, kontaka ang Watchtower pinaagi sa pag-email sa DeveloperSupport@jw.org.

Kon ikaw o ang Watchtower dili estriktong magpatuman sa bisan unsang probisyon niini nga Kasabotan o kon wala nimo gamita o sa Watchtower ang katungod nga nahiangay ninyo, wala ni magpasabot nga nawala o na-waive na ang mga obligasyon nga gihisgotan niini nga Kasabotan. Kon i-waive ang bisan unsang paglapas, wala ni magpasabot nga i-waive pod ang sunod nga mga paglapas. Dili mahimong balido ang pag-waive sa mga probisyon niini nga Kasabotan gawas kon klarong ipahayag o ipahibalo nimo o sa Watchtower nga waiver ni ug ipadala ingon nga sulat ngadto sa pikas partido.

4. GITUGOT UG GIDILI NGA PAGGAMIT SA APPLICATION UG/O SA CONTENT NGA NAA SA APPLICATION.

Sumala sa mga restriksiyon nga gihisgotan sa ubos, ikaw puwedeng:

• Motan-aw, mo-download, ug mag-print sa copyrighted artwork sa Watch Tower, electronic nga mga publikasyon, musika, hulagway, text, o video gikan niini nga Application para sa personal ug dili komersiyal nga katuyoan.

• Magpasa sa mga link o sa elektronikong mga kopya sa ma-download nga mga publikasyon, video, o audio program niini nga Application.

Dili ka puwede ug dili nimo puwedeng tugotan ang mga third party nga:

• Mag-post sa artwork, electronic nga mga publikasyon, mga trademark, musika, hulagway, video, o mga artikulo gikan niini nga Application ngadto sa Internet (sa bisan unsang website, file-sharing site, video-sharing site, o social network).

• Mag-distribute sa artwork, electronic nga mga publikasyon, mga trademark, musika, hulagway, o video gikan niini nga Application uban sa o ingong bahin sa bisan unsang software application (apil ang pag-upload sa maong mga materyal ngadto sa usa ka server nga gamiton sa usa ka software application).

• Mag-reproduce, mag-duplicate, magkopya, mag-distribute, o kaha magpahimulos sa bisan unsang artwork, electronic nga mga publikasyon, mga trademark, musika, hulagway, text, video, uban pang materyal gikan niini nga Application para sa komersiyal nga katuyoan o aron makakuwarta (bisag walay ganansiya).

• Maghimo sa tuyo nga mag-distribute ug bisan unsang software application, mga himan, o mga technique nga espesipikong gihimo aron makakolekta, makakopya, maka-download, maka-extract, maka-harvest, o maka-scrape ug mga data, HTML, hulagway, o text gikan niini nga Application. (Kini wala magdili sa pag-distribute ug libre, dili-komersiyal nga mga application nga gidisenyo nga maka-download ug mga electronic file sama sa EPUB, PDF, MP3, ug MP4 nga mga file gikan sa publikong mga seksiyon niini nga site.)

• Mogamit niini nga Application, sama sa pag-interfere o pag-access sa Application o sa services niini sa paagi nga lahi sa kon unsay klarong gitugot niini.

• Mogamit niini nga Application sa bisan unsang paagi nga makadaot sa Application o makaapektar sa availability o accessibility niini nga Application; o sa bisan unsang paagi nga supak sa balaod, ilegal, malimbongon, o makadaot, o nalangkit sa bisan unsang paagi nga supak sa balaod, ilegal, malimbongon, o makadaot nga katuyoan o kalihokan.

• Mogamit niini nga website o sa bisan unsang artwork, electronic nga mga publikasyon, mga trademark, musika, hulagway, artikulo, o video para sa bisan unsang katuyoan nga nalangkit sa marketing.

• Mogamit sa Application o sa bisan unsang content niini para sa komersiyal nga mga katuyoan o motanyag sa pagbaligya sa bisan unsang komersiyal nga produkto o sa mosunod: kontrolado sa balaod nga mga tambal; ilegal nga mga droga ug kontrabando; mga hinagiban; gipirata nga mga materyales; mga instruksiyon sa paghimo, pag-asembol, o pagbaton og ilegal nga mga produkto o hinagiban aron atakehon ang uban; impormasyon nga gigamit aron lapason ang (mga) copyright, trademark, o gub-on ang intellectual property o impormasyon sa uban; impormasyon nga gigamit aron daoton ang mga tawo o hayop sa ilegal nga paagi; o pornograpiya, pagkahubo, escort service, o uban pang content nga para lang sa mga adulto.

• Mogamit sa Application o sa bisan unsang content niini aron lapason o ipasiugda ang paglapas sa legal nga mga katungod sa uban (pananglitan, apil tingali ani ang paglapas o sayop nga paggamit sa mga katungod sa intellectual property sa uban).

• Mogamit sa Application aron ipadala o iapod-apod ang mga virus, worm, Trojan horse, corrupted nga mga file, mga hoax, o uban pang item nga makadaot o makailad.

• Mogamit sa Application sa paghimo ug bisan unsang aktibidad nga giisip namong ilegal sa among kaugalingong paghukom.

• Mogamit sa Application aron mag-post, mag-send, mag-display, o himoong available ang mga pulong nga law-ay, bastos, makadaot sa dungog, mga pulong sa pagpang-harass, pagpangabuso, o pagpanghulga.

• Mogamit sa Application o sa content niini para sa bisan unsang ilegal, makalapas sa pribasiya, makalapas sa katungod, makadaot sa dungog, o makailad nga katuyoan (pananglitan, apil tingali ani ang phishing, paghimog pyramid scheme, o pag-mirror sa usa ka website).

• Mogamit sa Application sa pag-generate, pag-apod-apod, pag-publish, o pagtabang sa pagpadala ug binulto nga email nga gipadala nga walay permiso, mga promosyon, advertising, o uban pang solicitation (“spam”).

• Moapil sa bisan unsang kalihokan nga, sa among kaugalingong paghukom, makabalda, makababag, maka-bypass, o makadaot (o posibleng makabalda, makababag, maka-bypass o makadaot) sa Application, among mga operation, o sa katakos sa uban nga gamiton ang Application sa epektibong paagi.

Dili responsable ang Watchtower sa bisan hain niini nga sayop nimo nga paggamit o sa bisan unsang pagpang-harass, pagpanghulga, pagdaot sa dungog, pagpanginsulto, o ilegal nga mga mensahe nga imong madawat ingon nga resulta sa paggamit sa Application.

Ingong user sa Application, kinahanglan kang (i) mosunod sa tanang federal nga balaod, balaod sa estado, ug lokal nga balaod, ug (ii) mosunod sa tanang nahiangayng balaod sa copyright kay ang maong mga balaod mapadapat diha sa musika, mga video, dula, hulagway, text, ug ubang media nga gigamit sa personal ug sa pag-produce ug electronic nga impormasyon.

5. PAGTAPOS. Kini nga Kasabotan magpadayon hangtod nga taposon ni nimo o sa Watchtower. Awtomatikong matapos ang imong mga katungod ilalom niini nga Kasabotan kon dili nimo tumanon ang mga kondisyones o probisyon niini. Puwedeng taposon dayon sa Watchtower kini nga Kasabotan uban nimo ug/o ang imong license sa paggamit sa Application bisan unsang orasa tungod sa bisan unsang rason o bisan dili sila maghatag ug hinungdan nimo. Ug wala silay tulubagon o obligasyon kanimo sa paghimo niini. Dihang matapos ni nga Kasabotan, kinahanglan nimong ihunong ang tanang paggamit sa Application ug i-uninstall ug i-delete ang Application gikan sa tanang device o uban pang storage media. Wala gyoy tulubagon ang Watchtower sa pagtapos niini nga Kasabotan o pagtangtang sa access sa Application.

6. MEDIKAL NGA IMPORMASYON

Ang content niini nga Application nga naay bisan unsang medikal nga impormasyon o reperensiya (“Medikal nga Impormasyon”) maoy para sa paghatag lang ug impormasyon ug dili para sa medical advice, ug dili kini hulip sa propesyonal nga medical advice, diagnosis, o pagtambal. Ang Medikal nga Impormasyon wala magrekomendar o mag-endorso ug bisan unsang espesipikong test, doktor, produkto, procedure, opinyon, o ubang impormasyon nga tingali gihisgotan sa Medikal nga Impormasyon.

Ang Medikal nga Impormasyon wala gidisenyo, gituyo, o gitugotan nga gamiton para sa bisan unsang medikal o makaluwas ug kinabuhi o makasuportar sa kinabuhi nga mga desisyon, sistema, o procedure, o para sa bisan unsang uban pang application o katuyoan. Pangayo kanunay ug sugyot gikan sa doktor o ubang kuwalipikadong health-care provider kon may pangutana ka bahin sa usa ka medikal nga kahimtang o pagtambal. Kini nga Application walay tulubagon o responsibilidad sa bisan unsang sayop o nawala nga impormasyon diha sa Medikal nga Impormasyon. Responsibilidad nimo ang mga kapeligrohan kon mosalig ka sa bisan unsang impormasyon diha sa Medikal nga Impormasyon.

7. DISCLAIMER OF WARRANTIES. RESPONSIBILIDAD NIMO ANG POSIBLENG MGA KAPELIGROHAN SA PAGGAMIT SA APPLICATION UG SA BISAN UNSANG CONTENT NGA NAA SA APPLICATION. ANG APPLICATION GIHATAG NGA “AS IS,” “AS AVAILABLE,” UG UBAN SA TANANG POSIBLENG ERROR NIINI. TUNGOD NIINI, WALAY TULUBAGON ANG WATCHTOWER PARA SA TANANG WARRANTY, REPRESENTASYON, UG MGA KONDISYON, KINI MAN GIKLARO O WALA, O SUBAY SA BALAOD, APIL ANG, PERO DILI LIMITADO SA, BISAN UNSANG WALA GIKLARO NGA WARRANTY, RESPONSIBILIDAD, O KON PUWEDE BA NING IBALIGYA, KON WALA BA NI MAKASUPAK SA KATUNGOD SA UBAN, KON NAHIANGAY BA NI PARA SA USA KA PARTIKULAR NGA KATUYOAN, KON KINI BA KASALIGAN O AVAILABLE, TUKMA O KOMPLETO, DEKALIDAD, LUWAS, NAHIANGAY, PULIDO NGA PAGKABUHAT, WALAY VIRUS, WALAY PAGPABAYA, O KON MOGANA BA ANG APPLICATION SA BISAN UNSANG PAAGI O KON MAPAGAWAS BA NIINI ANG BISAN UNSANG PARTIKULAR NGA RESULTA, O BISAN UNSANG UBAN PANG RESULTA NGA KONEKTADO SA PAGGAMIT NIMO SA APPLICATION O SA UBAN. DILI IGARANTIYA SA WATCHTOWER NGA WALAY MAKABALDA SA IMONG PAGGAMIT SA APPLICATION, NGA ANG MGA FUNCTION NGA NAA NIINI, O ANG MGA SERBISYO NGA GIHIMO O GIHATAG SA APPLICATION, MAKATAGBAW SA IMONG MGA PANGINAHANGLAN, NGA WALAY MAKAPUGONG SA PAGGANA SA APPLICATION O WALA GYOD NI MGA PROBLEMA, O NGA ANG APPLICATION WALAY DELAY, PAGKAWALA, PAG-ATAKE, PAG-HACK, O UBAN PANG PROBLEMA SA SEGURIDAD. DILI POD RESPONSIBILIDAD SA WATCHTOWER ANG PAGTAGANA O ANG DILI PAGTAGANA UG BISAN UNSANG SUPORTA O UBAN PANG SERBISYO NGA KONEKTADO SA APPLICATION. NAA GYOY MGA KAPELIGROHAN ANG PAG-DOWNLOAD UG BISAN UNSANG SOFTWARE, UG GIPASIDAN-AN KA SA WATCHTOWER NGA SEGUROON NGA BUG-OS NIMONG NASABTAN ANG POSIBLENG MGA KAPELIGROHAN AYHA NIMO I-DOWNLOAD, I-INSTALL, O GAMITON ANG APPLICATION. ANG WATCHTOWER O ANG BISAN UNSANG COOPERATING ENTITY SA WATCHTOWER O ANG MGA DIREKTOR, OPISYAL, BOLUNTARYO, MEMBRO, LICENSOR, SUPLAYER, CONTRACTOR, AHENTE, O REPRESENTANTE NIINI (SA KATIBUK-AN, ANG “WATCHTOWER PARTIES”) WALAY TULUBAGON SA BISAN UNSANG KADAOT NGA MAAGOMAN NIMO O NI BISAN KINSANG THIRD PARTY TUNGOD O NGA KONEKTADO SA PAG-DOWNLOAD, PAG-INSTALL, PAG-UNINSTALL, PAG-USAB, O PAGGAMIT SA APPLICATION O SA BISAN UNSANG CONTENT NGA NAA SA APPLICATION.

8. LIMITATION OF LIABILITY. ANG WATCHTOWER O BISAN UNSANG UBAN PANG WATCHTOWER PARTIES WALA GYOY TULUBAGON PARA SA BISAN UNSANG ESPESYAL, INSIDENTAL, DILI DIREKTA, GINAGMAY, O DINAGKO NGA MGA KADAOT, (APIL ANG, PERO DILI LIMITADO SA, PAGKAWALA SA GANANSIYA, PAGKAWALA SA DATA, NEGOSYO O REPUTASYON, O BISAN UNSANG GIDAHOM NGA PAGKAWALA SA GANANSIYA, NEGOSYO O REPUTASYON, PAGKAWALA SA KOMPIDENSIYAL O UBAN PANG IMPORMASYON, PAGKABALDA SA NEGOSYO, DILI PAGHIMO SA BISAN UNSANG RESPONSIBILIDAD APIL ANG PAGKAMATINUD-ANON O PAGKAMAAMPINGON, PAGPABAYA, UG BISAN UNSANG UBAN PANG PINANSIYAL O UBAN PANG PAGKAWALA) NGA RESULTA O KONEKTADO SA IMONG PAGGAMIT SA APPLICATION UG/O SA CONTENT NGA NAA SA APPLICATION (O DIHANG DILI NIMO MAGGAMIT ANG APPLICATION UG/O BISAN UNSANG CONTENT NGA NAA SA APPLICATION) O UBAN PA NGA KONEKTADO NIINI NGA KASABOTAN. BISAN UNSA PANG KADAOT ANG IMONG MAAGOMAN TUNGOD SA BISAN UNSANG RASON NGA KONEKTADO SA APPLICATION (APIL ANG, PERO DILI LIMITADO SA, BISAN UNSANG KADAOT NGA GIHISGOTAN DINHI), ANG KATIBUK-ANG TULUBAGON SA WATCHTOWER PARTIES SA KATIBUK-AN, UG ANG EKSKLUSIBONG SOLUSYON NGA GITUGOTAN DINHI, LIMITADO LAMANG SA USA KA LIBO NGA U.S. DOLLARS ($1000.00). KINI NGA PROBISYON SA LIMITATION OF LIABILITY IPATUMAN GIHAPON BISAG MAPAMATUD-AN NGA DILI EPEKTIBO ANG UBANG PROBISYON NIINI NGA KASABOTAN. KON NAGPUYO KA SA “DESIGNATED COUNTRIES,” ANG LIMITATION OF LIABILITY ILALOM NIINI NGA CLAUSE 8 DILI MAPADAPAT SA (a) MGA KADAOT NGA DIREKTANG RESULTA SA GRABENG PAGPABAYA O TINUYO NGA SAYOP NGA BINUHATAN SA WATCHTOWER UG/O (b) MGA KADAOT SA KINABUHI, LAWAS, O KAHIMSOG.

9. PANALIPOD SA KADAOT. Kinahanglan nimong panalipdan, depensahan, ug seguroon nga dili madaot ang Watchtower ug ang matag usa sa ubang Watchtower Parties tungod sa bisan unsang claim, legal nga aksiyon, kaso, ug demanda ug bisan unsa nga posibleng moresultag kapildihan, obligasyon, kadaot, ug galastohan, apil ang, pero dili limitado sa, makataronganong bayad sa abogado ug uban pang galastohan, nga tungod sa imong paggamit sa Application ug/o sa bisan unsang content sa Application, apil ang, pero dili limitado sa, (a) imong pagsupak niini nga Kasabotan, apil ang imong paggamit sa Application sa bisan unsang paagi nga wala gitugotan niini, (b) imong pagpabaya o sayop nga binuhatan, (c) imong paglapas sa bisan unsang balaod o regulasyon, (d) bisan unsang representasyon o pasalig nga imong gihimo bahin sa bisan unsang seksiyon sa Application ug/o sa content sa Application, (e) bisan unsang claim nga konektado sa gibuhat o wala buhata sa bisan unsang third party maylabot sa Application ug/o sa content sa Application, o (f) bisan unsang claim nga gihimo sa bisan unsang third party o representante niini nga direkta o dili direktang konektado sa imong paggamit sa Application ug/o sa content sa Application.

10. LICENSE SA PAGGAMIT SA CONTENT UG PAGPANALIPOD GIKAN SA KADAOT. Klaro nimong gipahayag ug gigarantiya nga naa kay katungod ug/o license sa pag-post sa bisan unsang Content (sumala sa gihisgotan sa ubos) nga gi-post nimo pinaagi sa paggamit sa Application. Ang “Content” nagtumong sa bisan unsang impormasyon nga gikan nimo nga konektado sa imong paggamit sa Application, apil ang, pero dili limitado sa, impormasyon, content, data, mensahe, text, file, picture, video, sound, ubang materyal, ug bisan hain niini nga gikan nimo. Imong gipahayag ug gigarantiya nga ang Content nga gikan nimo ug ang among paggamit sa maong Content dili makalapas sa hustong paggamit sa bisan unsang patent, copyright, trademark, trade secret, o uban pang katungod sa intellectual property sa bisan unsang third party.

Tungod niini, gihatagan mi nimog dili mabawi, dili eksklusibo, walay bayad, walay kataposan, ug mapadapat sa tibuok kalibotan nga katungod ug license sa paggamit, pag-host, pagtipig, pag-modify, pagkopya, pag-apod-apod, pagpahibalo, pag-publish, pagpadala, pag-display sa publiko, pagpasundayag sa publiko, pag-reproduce, pag-edit, paghubad, ug pag-reformat sa maong Content ug pag-andam ug mga materyal nga maomao ra niana nga Content. Mouyon ka nga depensahan mi ug ang bisan unsang Watchtower Party sa kaugalingon nimong gasto, batok sa tanang legal nga aksiyon, kaso, ug uban pang husay sa usa ka partido batok sa bisan unsang Watchtower Party nga nag-ingon nga naay paglapas sa bisan unsang patent, copyright, trademark, trade secret, o uban pang katungod o paglapas sa bisan unsang license o uban pang katungod sa intellectual property, base sa Content nga gikan nimo; ug mouyon pod ka nga imong panalipdan ang mga Watchtower Party gikan sa tanang desisyon sa korte, kapildihan, tulubagon, kadaot, ug galastohan (apil ang, pero dili limitado sa, makataronganong bayad sa abogado ug uban pang galastohan) nga resulta o konektado niini nga paglapas. Nasabtan nimo nga ikaw ray responsable sa tanang Content nga imong gi-post, gipadala pinaagi sa, o gi-link gikan sa Application. Giila nimo nga dili namo i-screening daan o aprobahan ang Content pero naa mi katungod (pero walay obligasyon) nga magdesisyon nga balibaran, i-delete, o ibalhin ang bisan unsang Content nga naglapas niini nga Kasabotan o tungod sa bisan unsang uban pang rason.

11. PAG-EXPORT. Dili nimo puwedeng gamiton o i-export o i-export pag-usab ang Application o ang bisan unsang content niini gawas sa gitugot sa balaod sa United States o sa mga balaod sa nasod diin gi-download ang Application. Sa partikular, pero dili limitado niini, ang Application dili puwedeng i-export o i-export pag-usab (a) sa bisan unsang nasod nga gidid-an sa U.S. nga makig-trade nila (b) sa kang bisan kinsa nga naa sa Specially Designated Nationals List sa U.S. Treasury Department o sa U.S. Department of Commerce Denied Persons List o sa Entity List. Mouyon pod ka nga dili nimo gamiton ang Application para sa bisan unsang katuyoan nga gidili sa balaod.

12. PRIBASIYA. Ang mga kondisyones nga nagdumala sa impormasyon nga personal nga magpaila nimo ug sa ubang impormasyon nga imong gihatag nga konektado sa Application gihisgotan diha sa Polisa sa Pribasiya niini nga Application.

13. IPATUMAN NGA BALAOD; HUSTONG PANAHON SA PAG-FILE UG CLAIM. Kini nga Kasabotan ipatuman ilalom sa mga balaod sa Estado sa New York, gawas sa choice-of-law principles sa New York, ug ang tanang claim nga moresulta niini o konektado niini nga Kasabotan, o ang paglapas niini, kini man gibase sa kontrata, sayop nga binuhatan o uban pa, ipatuman pod ilalom sa mga balaod sa Estado sa New York, gawas sa choice-of-law principles sa New York. Kon nagpuyo ka sa “Designated Countries,” puwede pod nimong pilion ang mga korte ug gipatuman nga balaod sa nasod nga imong gipuy-an sa paghusay sa bisan unsang motungha nga dili pagsinabtanay tungod sa o konektado niini nga mga kondisyones. Espesipiko nga dili mapadapat niini nga Kasabotan ang balaod nga nailhang United Nations Convention on the International Sale of Goods. MOUYON KA NGA BISAN UNSA PAY GIINGON SA UBANG BALAOD, ANG BISAN UNSANG CLAIM, KASO, O LEGAL NGA AKSIYON NGA IMONG IPASAKA BATOK SA BISAN UNSANG WATCHTOWER PARTY TUNGOD SA O KONEKTADO NIINI NGA KASABOTAN KINAHANGLANG HIMOON SULOD SA UNOM (6) KA BULAN HUMAN MAHITABO O GITUOHANG NAHITABO ANG GIBASEHAN SA MAONG CLAIM.

14. MISCELLANEOUS. Kini nga Kasabotan, ang Polisa sa Pribasiya para sa App, ug ang Attributions ug uban pang sinulat nga mga instruksiyon nga konektado sa Application nga gitagana sa Watchtower mao ang tibuok kasabotan tali nimo ug sa Watchtower nga konektado sa Application, ug pulihan niini ang tanang gisulti o sinulat nga komunikasyon, proposal, ug representasyon nga nahimo una pa o sa samang panahon nga gihimo ni nga kasabotan nga konektado sa Application o sa bisan unsang topiko nga sakop niini nga Kasabotan. Ang Watchtower walay tulubagon sa dili pagtuman sa mga obligasyon ilalom ani nga Kasabotan kon ang pagtuman niini mapugngan, malangan, o mababagan tungod sa mga hinungdan nga dili kontrolado sa Watchtower. Kon naay probisyon niini nga Kasabotan nga mapamatud-ang dili balido, dili mapatuman, o ilegal, ang tanang ubang probisyon niini nga Kasabotan magpabiling balido ug bug-os nga ipatuman. Puwedeng iasayn o ibalhin sa Watchtower kini nga Kasabotan ngadto sa bisan hain sa cooperating entity niini. Kon sa bisan unsang panahon wala ka i-require sa Watchtower nga tumanon ang bisan unsang probisyon niini nga Kasabotan, wala ni magpasabot nga mawala na ang katungod sa Watchtower sa pagpatuman niini nga mga probisyon. Dugang pa, kon i-waive sa Watchtower ang bisan unsang paglapas sa bisan unsang probisyon niini nga Kasabotan, wala ni magpasabot nga i-waive pod ang bisan unsang paglapas sa samang probisyon sa umaabot.