Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngone samane 2017

Ye wo beta fo’o simesan?

Ye wo beta fo’o simesan?

Ye ô nga nyoñe fo’o éyoñe ya kôme lañe Benkume mmombô a bete ya bengone ya mvus? Tame ñhe yene nge ô ne yalane minsili mi:

Jé bôte be be’e mimbe’e ékôane Yéhôva été aval ane bejome mekônda, a bemvendé ba bo éyoñ ékôane Yéhôva ja liti be zene ba yiane tôñ?

Ba yiane tôñe zen éte avôl avôl. Be ne sili bebiene na: ‘Ye ma volô fo’o bobejañ nsisim? Ye ma ji’a kañese, a su’u zen ékôane Yéhôva ja liti?’w16.11, afep 11.

Benya Bekristen be nga nyiine minkôme ya Beta Babylone éyoñ évé?

Benya Bekristen be nga nyiine minkôme ya Beta Babylone mon éyoñe mvus awu ya nlômane wo su’ulan. Ôte’ete’e ôte’etek, jo’ojo’o ékaña’a a nga nyiin ékôane benya Bekristen été. Ataté éyoñ éte, bôte ya menda me Zambe, a bôte ya éjôé, be mbe be nga bo mame fufulu, a jeñe na ba dip anyu benya Bekristen, mbamba mvoñ. Ve mimbu mewôm ôsusua mbu 1914, miñwo’an mi mbe mi tatéya na, mia kôlô minkôme ya Beta Babylone.w16.11, afep 23-25.

Nsela’ane mbé a ne zañ e wulu ane nkômbane ya “mame ya minsôn” ô né, a e wulu ane nkômbane ya “mame ya nsisim” ô né? (Bero. 8:6)

Môt a wulu ane nkômbane ya minsôn ô né, a dañe futi nlô wé, a dañe kobô, a dañe wumulu mam me tii a minkômbane ya minsôn. Môte ke a wulu ane nkômbane ya nsisim ô né, a jô’é mbamba nsisim a jôé asimesane dé, a bo fe mam Zambe a nye’e a ma ma lu’an a asimesane dé. E wulu ane nkômbane ya mame ya nsisim ô né, a ve môt ényiñ a mvo’é, e wulu ane nkômbane ya mame ya minsôn ô né, a kee môt awu.w16.12, afep 15-17.

Mam mevé ô ne bo asu ya na, ô bo teke dañe tyelé nleme yôp?

Yemela’an mam ma dañe mfi, yemela’an minné miôé, kômek nta’ane mam wôé asu ya na ô bi éyoñe ya wo’on, nyoñek éyoñe ya fombô a fas ntéane biôm Yéhôva, yeme’e bo fianga, bo’o mbane ya bo ô vôé, kelek ôyo abime da yian.w16.12, afep 22-23.

Amu jé e ne mfi ya yeme minné miôé?

Môt a yeme minné mié, a yeme mam a ne ngule ya bo, a ma a nji bo ngule ya bo. Bia yiane yeme na, mimboone miangan a minkobô miangan, mia nambe bôte bevok, nalé aye tindi bia na, bi bo teke yene biabebien aval e ne te yian.w17.01, afep 18.

Jé ja liti ne ngeññe na Zambe nnye a nga liti tin ékôane ya ntete mimbu ôsu zen, a na nnye fe a liti Tin Ékôane ya dene zen?

A zene ya mbamba nsisime Zambe, tin ékôane ya ntete mimbu ôsu é nga tôkane benya mejôô ya Kalate Zambe. Beéngele be nga volô be na be wulu ésaé nkañete, mintyi’ane be nga nyoñ, be nga nyoñe mie a zene ya Kalate Zambe. Mam melal mete mme fe ma wulu Tin Ékôane ya den.w17.02, afep 26-28.

Ye e ne kui na Kristen é tyendé ntyi’an é maneya nyoñ?

Bia yiane bo avale bi nga jô na bia ye bo. Ve, e ne kui na bi tyendé ntyi’ane bi maneya nyoñ. Éyoñe bôte ya Ninive be nga jôban abé dap, Yéhôva a nga tyendé jam a nga jô na a ye bo be. Biyoñ biziñ, e ne kui na été jangan, a mimfefé miñye’elan bi tindi bia na bi tyendé ntyi’ane wongan.w17.03, afep 16-17.

Amu jé ékobôkobô é ne mbia abé?

E bo ékobôkobô, a ne ve ane wo futi mbone nduan, ékobôkobô é ne bo na ajô é nenenen. To’o bia bele nge momo, e lume bôte bifia aye ke kôm ajô.w17.04, afebe 21.