Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngon awôm a baa 2016

Ye wo beta fo’o simesan??

Ye wo beta fo’o simesan??

Ye ô nga nyoñe fo’o éyoñe ya lañe minlô mejô ya Nkume mmombô a bete ya mbu wu? Nge nalé, tame ñhe yalane minsili mi:

Aval abé avé Yésus a nga kobô de éyoñ a nga ve melebe me ne e kalate Matthieu 18:15-17?

A mbe a kobô’ô mejô bôte bebien be ne kôm e zañe jap. Ve abé éte e mbe ve bo na môt a tebe e feñ nge e nji kômban. Abé éte e mbe ve bo mvôl, nge ékobôkobô.w16.05, afebe 7.

Jé é ne volô wo na ô yene mfi ya lañe Kalate Zambe?

Ô ne bo mam ma: Lañe Kalate Zambe a ôsimesane ya na, wo kômbô nye yem, jeñe na ô yem aval ô ne futi mam wo yé’é mboan; sili’i womiene minsili avale di: ‘Aval avé me ne belane ñye’elan ôte asu ya na me volô bôte befe?’; bela’ane fe bekalate ô bili na ô kôme vune jôme wo lañ.w16.05, mefebe 24-26.

Za a ne môt a bili nde’e mendime ya ntili bekalate, a bôte besaman be bili jôme ba wôé je bôte mo, bia koon e kalate Ézéchiel kabetôlô 9?

Beéngele mbe be nga bo ésaé ya jiane Jérusalem, mbe fe ba ye bo ésaé ya jiane meyoñ bita ya Harmaguédon. Melu ma, môt a bili nde’e mendime ya ntili bekalate a ne Yésus Krist; nnye a ve bôte ndem ya ényiñ.w16.06, mefep 16-17.

Aval avé Kristen é ne sili nté nkôñ ényiñe wé si?

Yemela’ane biôm wo yi éyoñe ji, a vaa mam ma di wo moné zezé. Mane’e tak avale wo ye belane moné. Vaa biôm ô nji beta belane bie, a mane’e ya’ane bikôla biôé bise. Sé’é abim éyoñe wo lôt asu ésaé, a mane’e tak avale wo ye nene ésaé nkañete jôé.w16.07, afep 10.

Kalate Zambe a jô na jé ja dañ or?

Kalate Job 28:12, 15 a liti na fek ja so be Zambe ja dañ or. Nté wo jeñe fek éte, sili’i womiene si, a yemek mbunan été.w16.08, mefep 18-19.

Melu ma, ye Kristen ja yiane ba’ale zel?

Metume méziñ me ne kañese na môt a ba’ale zel é ne mfuban, a nalé a ne bo te kamane bôte na be wô’ô foé ya Éjôé. Ve bobejañe béziñ be ne tyi’i na, be ba ba’ale ki zel. (1 Bec. 8:9) E metum nge minlam mife, be nji kañese na Bekristen be ba’ale zel.w16.09, afebe 21.

Nsela’ane mbé a ne zañe ñyeman, ñwô’an, a fek?

Môt a bili ñyeman a yem abui mam. Wôna, nyô a wô’ô mam a ne yene nja ô ne e zañe jam éziñ a davok. Môt a bili fek a ne ngule ya yeme jam, a wô’ô fe de éyoñe jia, a bo fe jam da sili.w16.10, afep 18.