Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngone samane 2016

Ye wo beta fo’o simesan?

Ye wo beta fo’o simesan?

Ye ô nga nyoñ éyoñe ya kôme lañe Nkume mmombô a bete? Tame ñhe yene nge ô ne yalane minsili mi:

Amu jé Yéhôva a mbe a kañese bita ayoñ Israël é mbe é bo’ok melu mvus?

Yéhôva a ne nye’an. Ve é nga kui na a kañese bita, amu mbia mboan a étibila’a bi mbe bi ye’e telé bebo bisaé be Zambe mbia été. Zambe étam, nnye a mbe a bili ngule ya nyoñe ntyi’ane ya za nye a mbe a yiane bo bita, a éyoñ évé bita bite bi mbe bi yiane boban.w15 1/11, p. 4-5.

Mam mevé me ne mfi, bebiaé be ne bo na be ye’ele bisoé biap na bi kañe Yéhôva?

É ne mfi na, bebiaé be nye’e bisoé biap, be liti fe bie éve’ela ya sili bebiene si. É ne fe mfi na bebiaé be bi atyeñe meyen, a be ve ngule na, be yeme mam bisoé biap bia kômbô be kat.w15 15/11, p. 9-11.

Amu jé Pape a nji bo éfolo’o Pierre?

Kalate Matthieu 16:17, 18 a nji jô na, nlômane Pierre wo ye bo nlô ya akônda Bekristen. Kalate Zambe a liti na Yésus, nnye a ne nlô ya akônda sa ke Pierre. (1 P. 2:4-8)w15 1/12, p. 12-14.

Jé bia yiane taté fas ôsusua na bia kobô?

Nge bia kômbô bo mam me ne mvo’é a ôyeme wongan, bia yiane yem (1) éyoñe ya kobô (Ec. 3:7), (2) jôme bia kobô (Mink. 12:18), a (3) avale bia kobô (Mink. 25:15).w15 15/12, p. 19-22.

Avale mam medu’an avé Bekristen ba yiane sa’ale?

Benya Bekristen ba yiane sa’ale minsos a ékobôkobô. Be nji bo ékotekot, nge jô bôte bevo’o mam ma bo be nlem mintaé, a ba sa’ale ébotezel nge wup.wp16.1, p. 5.

Beza be mbe “bemie beprêtre” Kalate Zambe a jô be?

Bôte be mbe be loone na, “bemie beprêtre” be mbe betebe ôsu ya nsamba beprêtre, ja’a nyô a nji be a beta bo njô beprêtre a mbe nsamba ôte.wp16.1, p. 10.

Aval avé bia yiane yene bôt ba di fembé a nyu won e môse Mesimesa’ane ya awu Yésus?

Bekristen be nji ve bôte ba di fembé a nyu won duma. Nyô a ne nya ñwo’ane a nji kômbô na be ve nye duma, nge yi na be ke ba wumulu été jé. (Mt. 23:8-12)w16.01, p. 23-24.

Jé bi ne yé’é mfa’a ya aval Abraham a nga bo mvôé Zambe?

Éko éziñe na, Sem nnye a nga bo na Abraham a yeme Zambe. A Abraham a nga bi fek a zene ya avale Zambe a nga belane nye a nda bôte jé. Bia fe bi ne jeñe na bi bo avale da.w16.02, p. 4-6.

Aval avé be nga mane kap Kalate Zambe na, a bi bekabetôlô a bifus?

E zia mimbu 1 300, mfase Kalate Zambe Stephen Langton a nga kap Kalate Zambe na, a bi bekabetôlô. Bejuif be nga ba’alane tili éfase Kalate Zambe é nga tilibane nkobô Hébreu, mbe be nga taté kap Kalate Zambe na a bi bifus. Mvuse ya valé, e zia mimbu 1 600, ñye’ele Robert Estienne a nga bo avale da e Kalate Zambe a nga tilibane nkobô Grec.wp16.2, p. 14-15.

Ye Satan a nga bo na, a be’e Yésus, a kele nye e temple na, a ke ve’ele nye?

Bi se ngule ya ve ngum éyalan. Bifuse ya kalate Matthieu 4:5 a kalate Luc 4:9 bi ne tinane na Yésus a nga bi ñyenan nge na, a mbe a telé vôm a ne ôyabe yôp e yate temple a mbe a tele.w16.03, p. 31-32.

Aval avé ésaé nkañete jangan é ne ane élok?

Élo’o ja kômban ôte’ete’e ôte’etek, ja ve évôvoé a ja ba’ale ényiñ. Élo’o é ne fo’o ébotane Yéhôva. (Dt. 33:13) Ngule bebo bisaé be Zambe ba ve fufulu ésaé nkañete é ne avale da.w16.04, p. 4.