Tottu marsak do hita molo adong keluarga manang donganta na mengalami gangguan mental. Alai tapatudu ma na parduli hita tu nasida jala rade ma hita mangurupi nasida. Boha ma carana?

“Ikkon hatop manangihon.”​—JAKOBUS 1:19.

Sada cara na paling penting lao mangurupi keluarga manang donganta na mengalami gangguan mental, i ma rade manangihon nasida. Taingot ma, dang ikkon sai adong hata na tadok tikki marcarita nasida. Jadi manat ma tatangihon nasida asa diboto nasida na parduli do hita. Berupaya ma hita mangattusi perasaan ni nasida, jala unang ma takritik. Alana bisa jadi, asal na dipadokkoni nasida do hatana, dang na sian rohana i. Olo do ra disolsoli nasida hatana i.​—Job 6:2, 3.

“Patogu hamu ma roha ni na marsak.”​—1 TESSALONIK 5:14.

Olo do ra halak na mengalami gangguan mental i merasa dang mararga dirina manang mengalami kekhawatiran na berlebihan. Molo songon i situasina, olo do sipata dang taboto aha na lao dokkonotta tu nasida. Nang pe songon i papos ma roha ni nasida, na holong do rohatta tu nasida jala na rade do hita lao patoguhon dohot mangurupi nasida.

“Sai dipatudu ale-ale do holong ni roha.”​—PODA 17:17.

Rade ma hita mangurupi donganta manang keluargatta na mengalami gangguan mental. Denggan do  molo langsung tasukkun nasida aha na porlu taurupi. Alai molo segan manang bingung nasida paboahon aha kebutuhanna, boi do tatawarhon bantuan lao mangurupi nasida belanja, paiasson jabu, manang mangulahon na asing. Molo cocok situasina boi do taajak nasida rap berolahraga.​—Galatia 6:2.

“Sabar ma hamu.”​—1 TESSALONIK 5:14.

Olo do sipata dang lomo roha ni halak na mengalami gangguan mental diajak makkatai. Alai papos ma rohana, rade do hita manangihon nasida manang andigan pe lomo roha ni nasida naeng makkatai. Alani sahit ni nasida i olo do ra dibahen jut rohatta, didok nasida hata na mambahen haccit rohatta, manang toppu dibatalhon nasida akka rencana naung tabahen dohot nasida. Nang pe songon i, sabar ma hita. Jala berupaya ma hita mangattusi situasina.​—Poda 18:24.

“Berupaya do au asa gabe dongan na sai rade manangihon. Nang pe dang adong solusi na boi hulehon, alai tetap do au berusaha mangattusi perasaanna. Alana holan hutangihon pe ibana marcarita, nungnga lubbang pakkilalaanna.”​—Si Farrah, a na donganna mengalami kekhawatiran berlebihan dohot depresi na mambahen ibana gabe dang olo mangan.

“Adong sada donganku na burju hian tu au. Jala sai dipatogu ibana do au. Olo do diundang ibana au mangan di jabuna. Ala holong rohana tu au, gabe mura ma au paboahon na di rohakku tu ibana jala gabe dipatogu ma au!”​—Si Ha-eun, na mengalami depresi.

“Memang ikkon sabar do hita menghadapi keluargatta na mengalami gangguan mental. Misalna songon pengalamanku, tikki jut rohakku dibahen istrikku olo do gabe naeng muruk au. Alai huingot ma, alani sahitna i do gabe songon i ibana. Gabe dang jadi be au muruk tu ibana jala berupaya ma au mangattusi perasaanna.”​—Si Jacob, na istrina mengalami depresi.

“Burju hian do istrikku, sai diurupi ibana do au. Molo nungnga khawatir berlebihan au, dang dipaksa ibana au mangulahon sada kegiatan. Ala mamikkirhon situasiku, olo do sipata gabe dang diulahon ibana kegiatan na sasittongna lomo rohana mangulahon i. Holong hian do rohakku tu ibana, alana dang egois ibana jala burju hian tu au.”​—Si Enrico, na mengalami khawatir berlebihan.