Job 6:1-30
6 Dung i didok si Job ma,
2 “Autsugari ma ditimbang sitaonokku+Jala dibahen hasusaakku tu timbangan!
3 Ubborat do i sian pasir na di laut.
Alani i ma asal hupandokkoni hatakku.+
4 Ai nungnga pattik tu au anak panah ni Pargogo na So Hatudosan,Jala masuk do raccunna tu dagingku.+Gabe mabiar situtu do au ala ro Debata mangalo au.
5 Mungkin do marlingik halode tombak+ molo adong rumput sigagatonna,Manang mungkin do marungei lombu jantan molo adong siallangonna?
6 Tung allangon ma sipanganon na so mardai molo so dibahen dope sira,Manang mardai haroa na bottar ni tolor?
7 Dang olo au mangallang sipanganon na songon i.
Songon sipanganon na basi do i.
8 Autsugari ma ditangihon pangidoakkuJala dilehon Debata na dihalomohon rohakku!
9 Autsugari ma olo Debata mangaropukkon au,Jala mambahen tanganna tu au lao pamatehon au!+
10 Ai boi do i mangapuli rohakku.Marinjaki ma au marlas ni roha nang pe ikkon haccit hutaon,Ai dang hea hualo hata ni Nabadia i.+
11 Adong dope haroa gogokku manaon i?+
Boasa ma pola ikkon mangolu dope au?* Adong dope haroa na denggan na hupaima?
12 Ai na sian batu au dibahen?
Manang na sian tombaga do dagingkon?
13 Tolap dope haroa au paluahon dirikkuHape nungnga suda gogokku?
14 Manang ise na so patuduhon holong ni roha* tu donganna+Na so makkabiari Pargogo na So Hatudosan do i.+
15 Dang boi huhaporseai+ akka donganku* dos songon sunge di musim dingin,Na koring aekna tikki logo ari.
16 Nungnga gok aek di sunge i,Alani salju naung encer i.
17 Alai habis jala koring ma aek ni sunge i molo dapot tikkina,Gabe mahiang ma i molo las ari.
18 Ai marbelok do sunge i,Lao ma aekna tu gurun laos mahiang ma disi.
19 Ro do rombongan na sian Tema+ mangalului aekna,Jala tarpaima do roha ni rombongan na sian Seba+ dapotna aek i.
20 Maila do nasida ala nga sanga tarhirim,Jala jut ma roha ni nasida dung sahat disi.
21 Songon i ma haroromuna di au.+Diida hamu do massai borat sitaonokku, alai mabiar do hamu.+
22 Adong na hupangido sian hamu?
Manang hea hupangido deba artamuna?
23 Hea haroa hupangido asa paluaonmuna au sian musuManang asa tobusonmuna au sian halak na mambahen na jahat tu au?
24 Ajari ma au, sip pe au.+Urupi ma au mangattusi aha salakku.
25 Dang haccit roha mambege hata na sittong!+
Alai aha ma laba ni hatamuna i?+
26 Na naeng issakanmuna do na hudok i?Hape hata ni halak na mandele+ do i na asal dipandok.
27 Dibahen hamu do undi tu halak na so marama+Jala digadis hamu do donganmuna sandiri!+
28 Saonari bereng hamu ma au,Ai dang gabusakku hamu.
29 Pikkiri hamu jo muse, unang ma dok hamu na so tutu taringot auPikkiri jo muse, ai dang adong hubahen na sala.*
30 Dirippu hamu dang tutu na hudok i?
Dirippu hamu dang huboto boasa hutaon songon on?
