Memang dang bukku kesehatan Bibel, alai adong do dipaboa akka nasehat na sian Bibel na bermanfaat tu halak na mengalami gangguan mental. Taida ma piga-piga contohna.

“Dang porlu pangubati tu halak na sehat, tu na marsahit do.”​—MATEUS 9:12.

Bibel mandok, molo marsahit hita porlu do hita marubat. Jala godang do halak na mengalami gangguan mental nungnga makkilala manfaatna lao marubat tu dokter. Alana gabe diboto nasida ma aha na mambahen nasida songon i jala aha do na ikkon diulahon nasida.

Adong do “guna ni olahraga”.​—1 TIMOTEUS 4:8, surat na di toru.

Asa lam sehat pikkiranta porlu do tajaga pola makan, taratur marolahraga, jala cukkup istirahat.

“Dos songon ubat na mambahen malum do las ni roha, alai moru do gogo molo marsak roha.”​—PODA 17:22.

Gabe las do rohatta molo tajaha Bibel jala tabahen akka rencana na masuk akkal na lao taulahon. Asing ni i, molo sai berupaya hita mamikkirhon akka na positif jala pos rohatta na lam denggan do annon ngolutta, gabe boi do hita margogo mangalo sahitta.

 “Marbisuk do halak na serep marroha.”​—PODA 11:2.

Taingot ma dang sanggup hita mangulahon sude sahalakta. Alani i porlu do hita diurupi halak na asing. Alai mungkin dang diboto akka donganta dohot keluargatta aha na tahaporluhon. Jadi tapaboa ma tu nasida aha na porlu diurupi nasida. Alai unang ma sai tapaksahon ikkon pas songon na di rohatta i na diulahon nasida. Jala unang ma lupa hita mandok mauliate tu nasida.

“Beda hian hurasa dirikku sian na biasana. Alani i, lao ma au marubat tu dokter. Dung diperiksa dokter au, gabe huboto ma boasa songon i huhilala jala pengobatan na dia do na cocok tu au.”​—Si Nicole, a na mengalami gangguan bipolar.

“Tiap pagi manjaha Bibel do au rap dohot istrikku. On ma na mangurupi au asa marpikkiran positif. Alai sipata molo ro pikkiran na negatif, huingot ma ayat na hujaha i jala gabe dipatogu ma rohakku.”​—Si Peter, na mengalami depresi.

“Maol do huhilala paboahon taringot sahittu tu halak na asing, alana parila do au. Alai burju hian do donganku tu au. Sabar do ibana jala berupaya do ibana mangattusi perasaanku. Diurupi ibana do au asa tenang perasaanku jala asa unang merasa kesepian au.”—Si Ji-yoo, na mengalami gangguan makan.

“Nasehat na sian Bibel boi mangurupi au asa seimbang mangatur waktukku lao istirahat dohot karejo. Jala boi do tong nasehat sian Bibel i mangurupi au mangendalihon perasaanku.”​—Si Timothy, na mengalami gangguan obsesif kompulsif (OCD).