Tikinti və texniki heyət iki ekskavatordan istifadə edərək su borusu çəkir. Arxada ofis binası görünür.

Podratçılar binaya fasad vururlar. Panellərin rəngi və quruluşu elə seçilib ki, bina ətraf mühitlə harmoniya təşkil etsin.

Yerə beton tökəndən sonra podratçılar döşəmənin hamar, parlaq və davamlı olması üçün maşınla üstündən gedirlər.

Şimal-şərq tərəfdən yuxarıdan görünüş. Arxa fonda tikinti işçiləri ərazini təmizləyir və əsas maşın dayanacağını düzəltmək üçün torpağı hamarlayır. Solda iki ofis binasını birləşdirən qəbul otağının polad karkası tamamlanıb. Arxa fonda şimal və cənub istehsalat binaları görünür.

A yaşayış binası yaxınlığında topoqraf landşaft dizaynerinin işini yoxlayır və qeydə alır. Landşaftın dizaynı layihənin əvvəlində edildiyindən binaların tikintisi başa çatanda ağaclar və bitkilər artıq böyüyəcək.

Bacı ilə qardaş qatran əsaslı boyanı maşın dayanacağının döşəməsinə çəkirlər. Bacı ayağına rənglənmiş səthdə iz buraxmayan dişli altlıq taxıb. Qatran əsaslı boya çəkilmiş səth yağ ləkələrinə qarşı davamlıdır. Bu, nəqliyyat dayanacağı üçün çox əlverişlidir.

İşçilər geniş iş məkanını isitmək üçün olan panellərin asılmasında istifadə edilən zəncirləri ölçüb kəsirlər.

İşçilər ofis binasını içəridən astar boya ilə rəngləyir. Hər ofisin üstündə təhlükəsizlik məqsədilə qara plastik torba keçirilmiş istilik və hava ventilyasiyası borusu asılıb.

İşçilər qəbul masasının olacağı yerin üstündə polad karkas quraşdırır.

Podratçılar qaldırıcı kranın üstündə durub yeməkxanaya və zala bayır tərəfdən şüşə panellər vururlar.

Elektrik heyətinin üzvləri kabellərin uclarına başlıq taxır. Ofis binasının dörd mərtəbəsinin hər birinin yüksəldilmiş döşəməsinin altından təxminən 50 kilometrlik kabel keçir. Yüksəldilmiş döşəmə sayəsində gələcəkdə ofis məkanını rekonstruksiya etmək lazım gələrsə, iş və dağıntı minimum olacaq.

Fövqəladə Hallar Heyəti dəmirbənddən enib təhlükəsizlik kəmərindən asılı qalan adamı xilas etməyi məşq edir.

Tikinti qrupunun üzvü səki döşənməmişdən qabaq yerin səthini düzləşdirir. Vələs ağacları əkmək üçün ekskavator yol boyunca çalalar qazır.

Yuxarıdan görünüş. Günəş işığını enerjiyə çevirmək üçün həm istehsalat binalarının, həm də ofis binasının damına günəş panelləri quraşdırılıb.

Yekun işlər heyətinin üzvü üçüncü mərtəbənin dəhlizinə əhəngdaşından hazırlanan metlax vurur. Metlaxların altındakı narıncı örtük metlaxları alt qatdan ayırır və qoruyur ki, alt qat tərpənsə, metlax çatlamasın.

İşçilər özlərinə yemək çəkib müvəqqəti olaraq yeməkxana kimi istifadə olunan ərazidə yeyir. Bu yeməkxanada hər gün üç növbədə min nəfərə yaxın adam yemək yeyir.

Zibil maşınları materialları ofis binasının arxasına gətirir. Sağda aynabəndlərə jaluzi taxılıb ki, yeməkxananı və auditoriyanı qış günəşindən qorusun.

Yekun işlər heyəti Birgünlük Könüllülər proqramının işçiləri ilə yerə kovrolit döşəyir. Bu proqram ondan ibarətdir ki, Yehovanın Şahidlərinin Britaniyadakı və İrlandiyadakı bütün yığıncaqlarından bir günlük kömək etmək üçün könüllülər göndərmək xahiş olunub. Fevralın sonuna kimi 5500 nəfərdən çox adam bu proqramda iştirak etmişdi.

Podratçılar binanın ortasına kimi hündür arakəsmə tikib, ərazini iki yerə bölüblər. Yerdəki balaca narıncı sütunlar qayçı qaldırıcıların təhlükəsiz şəraitdə işləmələri üçün dəhliz yaradıb.

Qəbul şöbəsində qaldırılmış döşəmə quraşdırılarkən işçilər ərazini süpürürlər.