Rakiduamnge tüfachi rupan dungu: Aaron petu pelotatumekey tañi pu weni engün, fey tati pelota trafolmafi ñi parabrisas ti auto tañi karukatu che, welu Aaron ayülafuy ñi femal.

Tüfachi dungu mew rupafulmi Aaron reke, ¿chumafuymi?

KÜLA DUNGU FEMAFUYMI:

1. Lefmawafuymi.

2. Kulpatuafuymi kake che.

3. Feypimeafuymi tami karukatu che chem ñi rupan ka feypiafiel “kulliwayiñ”.

Ayüafuymi chi tami femal tati wünen dungu. Welu doy kümey entudungual tami weda femel, ka chem dungu rume tami femün.

1. Fey tami femafel.

   Biblia feypiley: “Ayüleiñ taiñ nor chengeael kom dungu mew” (Ebrew 13:18).

2. Entudungulmi, kakelu pu che eluwküleafuy tami wiñoduamatuaetew.

   Biblia feypiley: “Feychi ellkanielu tañi kulpan küme tripalayay tañi dungu, welu feychi entudungulu ka elkünulu tañi weda femmeken kutranpiwkeyengeay” (Proverbios 28:13).

3. Tati doy falin dungu: ayüwülafimi ta Chaw Jewba.

   Biblia feypiley: “Jewba üdeniefilu am tati ngünenkakelu, welu küme weniyeniefi tati pu norngelu” (Proverbios 3:32).

Karina, 20 tripantu niey, ayülefuy tañi chaw ñi kimnoal kidu ñi nentumultangeel ñi rume matu amulen ñi auto mew, welu alüñma pepi ellkalafi. Kidu feypi: “Kiñe tripantu püle rupalu, tañi chaw ngüneduami iñche tañi nentumultangeel. ¡Kiñe rume weda dungu mu konfun!”.

¿Chem kimeltueymu tüfa? Karina feypi: “Ellkaniefiliyiñ ñi weda femel, doyelkületuay taiñ weda dungu. Rupachi antü mu kontuafeymu tami rupachi femün mu”.

Biblia feypiley: ‘Kom iñchiñ ta rume welulkawkeiñ’ (Santiaw 3:2). Ka chumngechi taiñ inaduampeel, entudungulmi tami weda femel, pengelaymi tami ñom piwkengen ka tami kimchengen.

Fey wüla, müley tami kimürpual tami welulkan mu. Kiñe üllcha domo Ana pingelu feypi: “Welulkawli, rakiduamken chem kimürpuafun ñi welulkan mu. Kom tañi welulkan mu entuafun kümeke dungu tañi kellukeetew ñi doy küme chengeal. Femngechi ka rupali feychi dungu mu, küme chaftuafiñ”. Rupafulmi tüfachi küpalechi dungu, ¿chumafuymi?

Eymi aretufilmi tami chaw ñi bicicleta, ka trafolfilmi. ¿Chumafuymi?

• Chem no rume feypilel-lafiñ. Ngüneduamlayafuy chi ñi trafolen.

• Rüf feypiafiñ chem ñi rupan.

• Feypiafiñ chem ñi rupan, welu kangelu che kulpatuafun.

Dewmalmi kiñe prueba, welu küme nota nentunofulmi tami chillkatunon mu. ¿Chumafuymi?

• Feypiafun ñi rume küdawngen ti prueba.

• Entudunguafun ñi chillkatunon.

• Feypiafun ñi kayñetunieetew ti profesor.

 Ka ngüneduamnge tüfachi epu rupan dungu, welu fewla rakiduamnge 1) tami chaw mu ka 2) tami profesor mew. Entudungufemülmi tami weda femel, ¿chem rakiduamafuyngu? Welu ellkaniefilmi, ¿chem rakiduamafuyngu?

Fewla rakiduamnge kiñe dungu mu tami weda femfiel ti rupachi tripantu mu, ka wiñoldungunge tüfachi ramtun:

¿Chem mu welulkawimi? ¿Chumimi?

• Ellkan ñi wedalkan.

• Kulpatufiñ kangelu che.

• Entudungufemün.

Entudungunofulmi tami weda femel, ¿chum duamnagimi?

• ¡Kümey! Femün tañi ayüel.

• Weda duamnagün. Mülefun ñi rüf dungual.

¿Chumngechifel doy küme nentuafuymi tami dungu?

¿Chem kimeltueymu tüfachi welulkan?

Kiñeke mu, ¿chumngelu fente küdawngey entudungual taiñ welulkan mu?

Rumel ellkafilmi tami weda femel, ¿chem rakiduamay kakelu che eymi mu? Welu entudungulmi, ¿chem rakiduamayngün? (Luka 16:10.)