Petu ñi apümngenon huesaque dungu, doyelcüleai. Doi müleai protesta, pofolcahun, fütraque quehuan ca llican-ngechi dungu (Ap 6:4). ¿Chumngechi pepicaucüleafuiñ taiñ chaftuafiel com feitachi huesaque dungu?

• Pepicaucüleami tami püntütripanoal Jehová mu: Quintuaimi cümeque ngülam mülelu Biblia mu, fei ta mu doi maneluucüleafuimi Jehová ca tañi troquiñche mu. Ca quelluaimu tami coneltunoal politico dungu mu (Pr 12:5; jr-S pag. 125, 126 parr. 23, 24). Feimu ca cümeafui tami nieal cümeque hueni trahunche mu (1Pe 4:7, 8).

• Pepicaucüleaimi tami nieal com tami duamnieel: Raquiduamnge tami chumal pepi tripanolmi ruca mu ca guardanieaimi iyael tami ngüñücaunoal. Tripafulmi ruca mu, cüme raquiduamnge tami chumal. Cüme ngüneduamfinge tami mochila de emergencia chem no rume tami faltalenoal. Ca yenieaimi mascarilla, guante ca plata, cam caquelu femngechi dungu yenieaimi. Miyahulaimi ti pu loncolelu ñi numero de telefono, ca quisu engün nieaingün eimi tami numero (Is 32:2; g17.5-S pag. 3-7).

Rupamequele huesaque dungu, ¿chumafuimi? Fentecünulayaimi tami poyeafiel ta Jehová (Flp 1:10). Rucaluucülenge, duamfalngefule müten tripayaimi (Mt 10:16). Misahuaimi tami nieel caquelu che mu (Ro 12:13).

PEFINGE TI VIDEO PETU ÑI RUPANON QUIÑE FÜTRA HUESA DUNGU, ¿CHUMNGECHI PEPICAUCÜLEAIÑ?, CA HUIÑOLDUNGUNGE TI MÜLEYECHI RAMTUN:

• Rupale huesaque dungu, ¿chumngechi quelluafeiñmu Jehová?

• Petu ñi rupanon huesaque dungu, ¿chumngechi pepicaucüleafuiñ?

• Caquelu taiñ pu peñi ca pu lamngen rupale huesaque dungu mu, ¿chumngechi quelluafuiñ?