MBALI 11
Ana Mlungu Aŵele Mkutenda Chichi Pakusaka Kutukamuchisya?
“Tinjiŵika uŵengani cilikati ca m’mwejo ni jwamkongwejo, ni cilikati ca mbeju jenu ni mbeju jakwe. Mbeju ja jwamkongwejo jicikasa mtwe wenu nipo m’mwejo cimciluma cindende cakwe.”—GENESIS 3:15.
Mlungu aŵele ali mkutenda yakomboleka kuti akasapagwasoni ŵakumpanducila.
Ana Mlungu ŵatandite cakaci kumasya ngani ja ulemwa ja mu Edeni?
Paŵagambile kulemwa Adamu ni Hawa, Mlungu ŵajelwisye ŵakulemwawo. Mlungu ŵasasile lisosa lyakwe lyalicikamucisya kumasya yakuyicisya ya ulemwa, kupitila mu mbeju ja “cilanga.”
Ana kwapagwile ngani japi?
Mpela mwatusasile kala, Satana nganakayicila kuti Mlungu akwete macili, nambo ŵakayicile yakuti ali jwakuŵajilwa kulamulila. Satana akusasaka kulamulila ŵanace ŵa Mlungu.
Ana nganiji jili mpela panganya mwatuli?
Tuwanicisye kuti jwacinasi jwawo jwanganakola ŵanace, akusaka kwataŵisya wawojo. Jwalakwe akwajigalila panganya ni akusala mwakwalambucisya kuti ngakwasamala ŵanace ŵawo, soni akusiŵalambusya. Kuti amasye nganiji, cacisosekwa kupeleka umboni. Nombe ŵanacewo cacisosekwa kuti apelece umboni wawo. Nombe najo Satana akusasala kuti Mlungu ali jwawunami, soni kuti ŵandu wosope akusamtumicila ligongo lya yindu yambone yakusiŵapa.—Genesis 3:4, 5; Yobu 1:9-11; 2:4, 5.
Wuli kumasya kwa nganiji kukokoŵa?
Kunganya, magambo gekulungwa gakusajigala ndaŵi kuti gamale. Nambo Mlungu pakwelusya kwakumalisya tacimasya nganiji, mwati pangali jucacijitandikasyasoni. Yakuyicisya yakwe yiciŵa yakuti lina lya Mlungu licicimbicikwa, soni yicilosya kuti ulamusi wakwe uli wakuŵajilwa. Mlungu cacilinganya yosope yajonasile Satana, mpela muŵatendele kwa Yobu.—Yobu 42:10.
You May Also Like
ESSENTIAL BIBLE TEACHINGS
Ana Mlungu Akwete Lina?
Mlungu akwete mena gejinji ga udindo. Gane mwa gelega, gali Jwamachili Gosope, Mkupanganya soni Ambuje. Nambo lina lyakwe lisyesyene likusasimanikwa m’Baibulo malo gakupunda 7,000.
