Tukwaŵilanjila
Chikumbuchilo cha Chiwa cha Yesu
Lyamcheche, Epulo 2, 2026
Tukwaŵilanjila ku yakutendekwa yiŵili yalulule
Ngani Japadela ja m’Baibulo
“Ana Ŵani Ŵachachilinganyasoni Yindu Pachilambopa?”
Chachilijiganya yakwamba sogolo jambone jakwembecheya ŵandu pachilambopa.
Chikumbuchilo cha Chiwa cha Yesu
Pachakutendekwa chelechi, ŵa Mboni sya Yehofa akusakumbuchilaga chiwa cha Yesu pakuya yaŵalamwile jwalakwe.—Luka 22:19.
Yiwusyo Yakusawusyaga Ŵandu
Ana ŵani ŵampaka asimanikwe payakutendekwayi?
Jwalijose. Komboleka kwika yalumo ni ŵamwiŵasa mwawo.
Ana yakutendekwayi yikusajigala ndaŵi jelewu mwamtuli?
Ngani ja padela jichiŵa ja maminisi 30. Keneko ŵandu chachikambilana ngani jakutyochela m’Baibulo kwa awala jimo.
Kukumbuchila chiwa cha Yesu kuchijigala chiŵandika awala jimo.
Ana yakutendekwayi chiyikatendechele kwapi?
Kuti apate malo gakwe atowanye pa kamtwe kakuti “Apate Malo Gakutendechela Chikumbuchilo” kapena “Apate Malo Gakutendechela Ngani ja Padela” penanipa.
Ana pana yindu yine yapadela yakungusosekwa kutenda kuti ngasimanikwepo?
Iyayi.
Ana kuchiŵa kwendesya mbale jayakupeleka?
Iyayi. Ngatukusajendesyaga mbale ja yakupeleka pa misongano jetu.—Mateyu 10:8.
Ana chinjisosekwa kuwala yakuwala yapadela kuyakutendekwayi?
Iyayi. Nambope, ŵa Mboni sya Yehofa akusalinga kuwala mwakuŵajilwa soni mwakulichimbichisya.
Ana pakukumbuchila chiwa cha Yesu pachitendekwa yamtuli?
Tuchitanda ni kwimba nyimbo kaneneko jwa Mboni jwine chachipopela. Pambesi, tuchijimba nyimbo soni jwa Mboni jwine chachimalisya ni lipepelo. Pachakutendekwachi tukusapikanila ngani jajikusalondesya kusosekwa kwa chiwa cha Yesu soni yampaka tutende kuti yaŵatesile Mlungu ni Yesu yitukamuchisyeje.
Kuti amanyilile yejinji panganiji aŵalanje ngani jakuti “Ana Ligongo Chichi ŵa Mboni sya Yehofa Akusakumbuchila Chakulya Chaligulo cha Ambuje Mwakulekangana ni ma Dini Gane?”
Ana kusogoloku tuchikumbuchilasoni Chiwa cha Yesu chakachi?
2026: Lyamcheche, pa 2 Epulo
2027: Lyakulemba pa 22 Malichi
2028: Lyamlungu pa 9 Epulo
Kuti amanyilile yejinji, alole mafidiyo aga.
Alolele yatukusatendaga pakukumbuchila chiwa cha Yesu soni mwachikusati kutukamuchisya chiwa cha Yesu kola sogolo jambone.
Mwine komboleka kuti pakwete papikene kuti jwawile ligongo lya yakulemwa yetu. Nambo ana mpaka yikomboleche chamtuli kuti chiwa cha mundu jumo kukamuchisya ŵandu ŵajinji?
Ana ku Nyumba ja Ucimwene Kukusatendekwa Yatuli?
Alole yayikusatendekwa mkati mwa Nyumba ja Uchimwene.
Atende dawonilodi kapepalaka.