SEKSYON 1

Tikang ha Panahon ni Enoc Tubtob ha Panahon han mga Hukom

Hini nga seksyon, mahibabaroan ta an pipira nga tawo nga nagin maopay gud nga ehemplo ha pagpakita hin pagtoo ngan kaisog, tikang kan Enoc tubtob ha panahon ni propeta Samuel.

Timeline ha Seksyon 1

Tsart nga nagpapakita han kaihaon han kinabuhi han mga karakter ha Biblia ngan hin mga eksena han importante nga mga panhitabo ha Biblia.

1 ENOC

Naglakat Hiya Kaupod han Dios

Hi Enoc iba gud ha mga tawo ha iya panahon ha diri maminos duha nga paagi. Paonan-o ini nagin posible? Ano an iya maitututdo ha aton parte ha kaisog?

2 NOE

Iya Ginkondenar an Kalibotan

Ha ano nga paagi an aton panahon puropariho ha panahon ni Noe? Hibaroi kon paonan-o mo masusubad ha imo kinabuhi an kaisog ni Noe.

3 SARAH

Ginpili Niya nga Diri Bumalik

Ha ano nga mga paagi hi Sarah nagpakita hin pagtoo ngan kaisog?

4 ABRAHAM

An Siyahan nga Tawo nga Nakig-away hin Matadong nga Girra

Ano an aton mahibabaroan ha pagin andam ni Abraham nga talwason an iya umangkon nga hi Lot? Ano an reaksyon ni Jehova ha iya iginpakita nga kaisog ngan pagtoo?

5 ABRAHAM

Sinugot Hiya ha Dios Bisan Makuri Gud

Paonan-o naton masusubad an kaisog ni Abraham ha pagsugot ha Dios? Ano an igintututdo ha aton hini nga rekord mahitungod han gugma ni Jehova?

6 REBECA

Binalhin Hiya Ngadto ha Lugar nga Diri Hiya Maaram

Hi Rebeca usa nga babaye nga nagpakita hin daku nga kaisog ngan pagtoo. Ano an aton mahibabaroan tikang ha iya ehemplo?

7 JACOB

Inatubang Hiya hin Peligro Basi Protektaran an Iya Pamilya

Paonan-o an ehemplo ni Jacob makakakombinse ha imo nga an pagkarawat hin bendisyon tikang kan Jehova angay gud pangalimbasogan?

8 JOSE

Gin-atohan Niya an Pagsulay

Hibaroi kon paonan-o an ehemplo ni Jose makakabulig ha imo nga maatohan an mga pagsulay ngan mailob an mga kakurian.

9 SIFRA, PUA, AMRAM, JOKEBED, NGAN MIRIAM

“Pinaagi han Pagtoo, Gintago hi Moises”

An mga partera, an mga kag-anak ni Moises, ngan an iya bugto nga babaye nagpakita hin daku nga pagtoo ngan kaisog. Paonan-o naton hira masusubad?

10 MOISES

Tama an Iya Nagin Desisyon

Ano nga desisyon an ginhimo ni Moises, ngan kay ano? Ano an imo mahibabaroan tikang ha iya ehemplo?

11 MOISES

“Pakadto ha Paraon”

Paonan-o an mga eksperyensya ni Moises makakahatag ha aton hin kompyansa nga bubuligan kita ni Jehova bisan kon naabat kita nga diri kita kwalipikado ha pagtuman han asaynment nga Iya iginhatag?

12 CALEB

Nagpabilin Hiya nga Maunungon ha Iya Dios

Hibaroi kon paonan-o an ehemplo ni Caleb makakabulig ha aton nga maatohan an presyur nga ‘sundon an damu nga tawo.’

13 JOSUE

Ginsunod Niya an Kakaiba nga mga Instruksyon

Ano nga kakaiba nga mga instruksyon an nakarawat ni Josue tikang kan Jehova? Ha ano nga mga sitwasyon masusubad naton an ehemplo ni Josue?

14 RAHAB

Ginpili Niya hi Jehova Imbes nga an Iya mga Kahimungto

Ano nga leksyon an aton mahibabaroan ha ginbuhat ni Rahab? Paonan-o hiya ginbendisyonan tungod han iya pagtoo ngan kaisog?

15 NOEMI NGAN RUTH

Magkaupod nga Gin-atubang Nira an Trahedya

Ha ano nga mga paagi hira Noemi ngan Ruth nagpakita hin kaisog? Ano nga mga leksyon an aton mahibabaroan ha ira ehemplo?

16 BARAK NGAN DEBORA

“Maupod Gud Ako ha Imo”

Nag-insister hi Barak nga umupod ha iya hi Debora ha lugar han girra. Nagpapakita ba ito nga kulang an iya pagtoo o marig-on ito?

17 JAEL

“Binendisyonan Gud ha Kababayin-an”

May mahibabaroan la gihapon kita nga leksyon tikang ha maisugon nga ginbuhat ni Jael kontra ha kaaway ni Jehova. Kay ano nga mas ginkikinahanglan gud naton yana nga magin maisugon pariho ha iya?

18 GIDEON

Maisugon Ngan Mahirot

Ha ano nga mga sitwasyon bangin kinahanglan naton magin maisugon ngan mahirot?

19 JEFTE NGAN AN IYA ANAK NGA BABAYE

Gintuman Nira an Usa nga Makuri nga Saad

Paonan-o an ehemplo ni Jefte ngan han iya anak nga babaye makakabulig ha aton yana?

20 SAMSON

Nagpakita Hiya hin Kaisog ha Panahon nga Maluya Hiya

Ano an aton mahibabaroan ha mga ginbuhat ni Samson katapos niya makabuhat hin sayop?

21 SAMUEL

Bata nga Nagdara hin Mensahe Tikang kan Jehova

Ha ano nga mga sitwasyon an mga batan-on bangin magkinahanglan hin kaisog basi manindogan ha kon ano an tama?

SEKSYON 2

Tikang ha Panahon han mga Hadi Tubtob ha Pagtukod Utro han Jerusalem

Hini nga seksyon mahibabaroan ta an ehemplo han mga nagpakita hin pagtoo ngan kaisog ha kadaan nga panahon, tikang kan Jonathan nga anak ni Hadi Saul, katapos kan Hadi David, tubtob ha panahon nga an katawohan han Dios binalik tikang ha pagkadistyero ha Babilonya ngan gintukod utro an Jerusalem.

Timeline ha Seksyon 2

Tsart nga nagpapakita han kaihaon han kinabuhi han mga karakter ha Biblia ngan hin mga eksena han importante nga mga panhitabo ha Biblia ha panahon han mga hadi tubtob ha pagtukod utro han Jerusalem.

22 JONATHAN

Nagkinahanglan Hiya hin Kaisog Basi Magin Maunungon

Kinahanglan ni Jonathan pumili kon kan kanay magigin maunungon. Paonan-o hiya nahibaro kon kan kanay hiya dapat magin maunungon? Paonan-o naton hiya masusubad?

23 DAVID

Inato Hiya ha Usa nga Higante

Hi David kilala sugad nga ‘maisog ngan makusog nga girriro.’ Paonan-o an iya ehemplo naghatag hin kaisog ha iba? Ano an mahimo magin epekto ha iba han imo kaisog?

24 ABIGAIL

Inatubang Hiya hin Duha nga Nasisina nga Lalaki

Ano an mahibabaroan han mga asawa ngan mga bana ha rekord parte kan Abigail?

25 DAVID

Maisugon nga Ginsunod Niya an Iya Konsensya

Puydi na unta hi David bumulos. Kay ano nga waray niya ito buhata? Paonan-o naton masusubad an iya ehemplo?

26 NATHAN

Gintadong Niya an Hadi

Ha ehemplo ni Nathan, ano nga leksyon an aton mahibabaroan parte ha kon paonan-o bubuligan an usa nga sangkay nga nakahimo hin seryoso nga sayop?

27 MEFIBOSET

Waray Hiya Masina Bisan Diri Patas an Pagtratar ha Iya

Ano nga nakakaliaw nga mga leksyon an aton mahibabaroan kan Mefiboset?

28 ASA

Nag-alagad Hiya kan Jehova “ha Bug-os Niya nga Kinabuhi”

Ano nga mga leksyon an aton mahibabaroan ha lalaki nga an kasingkasing bug-os ngadto kan Jehova?

29 ELIAS

“Hi Jehova an Akon Dios”

Ano an nakabulig kan Elias nga madaog an iya kahadlok?

30 AN BALO NGA BABAYE HA ZAREPAT

Nagin Maisugon Hiya Bisan Makuri Gud an Iya Kahimtang

Paonan-o an iya istorya nakakadasig ha aton nga sumarig kan Jehova?

31 AN ISRAELITA NGA BATA NGA BABAYE

Nagyakan an Bihag nga Bata

An ehemplo hini nga bata nga babaye makakadasig ha imo nga magsangyaw, bisan ha mga panahon nga nahahadlok ka.

32 ELISEO

“O Jehova, . . . Pukrata an Iya mga Mata”

Ha ano nga mga sitwasyon mahimo kita maparig-on han paghibaro nga an mga anghel diri gud hirayo ha aton?

33 JEHOIADA

Ginproteksyonan Niya an Hadi nga Ginpili ni Jehova

Ano an ginbuhat ni Jehoiada nga nagkinahanglan hin kaisog? Ha ano nga mga paagi masusubad mo an iya kaisog?

34 HEZEKIAS

“Kinapot Hiya hin Marig-on kan Jehova”

Hi Hezekias nagpakita hin daku nga kaisog ngan pagtoo. Paonan-o naton hiya masusubad yana?

35 MANASES

May Kaisog Hiya Para Magbasol

Kay ano nga masisiring nga hi Manases maopay nga ehemplo ha pagin maisugon?

36 JOSIAS

Ginbuligan Niya an Katawohan nga Bumalik kan Jehova

Bisan kon nag-ilob hi Josias hin makuri nga kahimtang han bata pa hiya, nagpakita hiya hin daku nga kaisog basi depensahan an tinuod nga pagsingba. Ha ano nga mga paagi naton hiya masusubad?

37 DANIEL

‘Waray Niya Hugawi an Iya Kalugaringon’

Ha ano nga mga paagi masusubad han mga batan-on an pagin maisugon ngan maunungon ni Daniel? Paonan-o makakabulig ha aton ngatanan an iya ehemplo?

38 AN TULO NGA HEBREO

Ira “Ginpaundang an Pwersa han Kalayo”

An tulo nga Hebreo nagpakita hin kaisog bisan han nanelikado an ira kinabuhi. Ha ira ehemplo, ano an aton mahibabaroan parte ha pagin mapainubsanon, malumo, ngan maunungon?

39 ESTHER

“Kon Kinahanglan Ako Mamatay, Andam Ako Mamatay”

Hi Esther maaramon ngan masinugtanon. Nakombinse pa ngani niya an iya diri-tumuroo nga bana. Ano an aton mahibabaroan ha iya ehemplo?

40 NEHEMIAS

Gintukod Niya Utro an Pader

Ano an igintututdo ha aton han ehemplo ni Nehemias parte ha pagbuhat hin mas damu pa para kan Jehova? Paonan-o masusubad han mga tigurang an iya ehemplo?

SEKSYON 3

Tikang ha Panahon ni Zacarias Tubtob ha Panahon ni Apostol Juan

Mababasa hini nga seksyon an mga nagpakita hin pagtoo ngan kaisog ha siyahan nga siglo, upod hito an Judio nga birhen nga hi Maria ngan an apostol nga hi Juan.

Timeline ha Seksyon 3

Tsart nga nagpapakita han kaihaon han kinabuhi han mga karakter ha Biblia nga gin-feature ha Seksyon 3. Ginpapakita liwat hito an pipira nga importante nga panhitabo tikang ha panahon han Mesias tubtob ha ultimo nga mga adlaw ni apostol Juan.

41 ZACARIAS NGAN ELIZABETH

“Matadong ha Atubangan han Dios”

Kay ano nga para kan Jehova, matadong hira Zacarias ngan Elizabeth? Paonan-o liwat kita magigin matadong?

42 MARIA

Maisugon nga Ginkarawat Niya an Importante Gud nga Asaynment

Nakakarawat hi Maria hin naiiba ngan importante gud nga asaynment. Paonan-o hiya nagkaada kaisog ha pagtuman hito?

43 JOSE

Gintuman Niya an Mabug-at Gud nga Responsabilidad

Paonan-o nagpakita hi Jose hin maopay nga ehemplo para ha mga Kristiano nga tatay yana?

44 JUAN BAWTISTA

“Waray Bisan Hin-o nga Mas Labaw”

Maisugon hi Juan ngan nagkinabuhi hiya hin simple. Kitaa kon ano nga leksyon an aton mahibabaroan ha iya.

45 PEDRO

“Makasasala Ako nga Tawo”

Ano nga leksyon an aton mahibabaroan kan Pedro parte ha padayon nga pag-alagad kan Jehova bisan pa kon agsob kita makasayop?

46 MARIA MAGDALENA

“Nakita Ko an Ginoo!”

Nagpukos hi Maria ha pagbulig kan Jesus ngan ha iya mga sumurunod. Paonan-o naton masusubad an iya pagpaid ngan kaisog?

47 MARIA NGA BUGTO NI LAZARO

“Ginbuhat Niya an Iya Mahihimo”

Gindayaw ni Jesus hi Maria nga bugto ni Lazaro tungod han iya pagtoo ngan kaisog. Ha ano nga mga paagi nagpakita hiya hin kaisog? Paonan-o naton hiya masusubad yana?

48 ESTEBAN

“Lalaki nga Puno hin Pagtoo Ngan Baraan nga Espiritu”

Hi Esteban ginbista ngan puydi hiya pagawson o patayon. Paonan-o niya gindepensahan an iya pagtoo? Paonan-o an iya ehemplo nakakaparig-on ha aton nga magpabilin nga matinumanon?

49 PEDRO

Nagin Sugad Hiya Karig-on hin Bato

Paonan-o makakabulig ha aton an halimbawa ni Pedro nga sumarig kan Jehova ngan madaog an kahadlok?

50 SAUL NGA TAGA-TARSO

Bug-os nga Nagbag-o Hiya

Paonan-o nagbag-o an usa nga mabangis nga paratimaraot han mga Kristiano? Ano nga leksyon an aton mahibabaroan tikang ha iya ehemplo?

51 BERNABE

“Anak han Pagliaw”

Maisugon nga ginbuligan ni Bernabe hi Saul ngan iginpakilala niya hiya ha mga apostol. Paonan-o naton masusubad an iya kaisog ngan an iya pagin andam ha pagbulig ha iba?

52 MARCOS

“Makakabulig Hiya ha Akon”

Bisan pa kon nakaeksperyensya hi Marcos hin mga kasub-anan, maisugon nga nagpadayon hiya ha pag-alagad ngan ha pagbulig ha iya mga igkasi-Kristiano. Ano nga mga leksyon an aton mahibabaroan ha iya?

53 PABLO

“Gin-aaghat Ko Kamo Yana nga Magin Maisugon”

Paonan-o nagpakita hin kaisog hi apostol Pablo ha sitwasyon nga baga hin waray na paglaom? Paonan-o nakabulig ha iba an iya pagin maisugon?

54 APOSTOL JUAN

Kaisog ha Makuri nga mga Panahon

Waray gud mahadlok o manluya hi apostol Juan. Paonan-o naton masusubad an iya ehemplo ngan padayon nga maisugon nga maglakat kaupod han Dios?

KONKLUSYON

“Magin Maisugon Gud”

Damu an aton mababasa ha Biblia nga kalalakin-an ngan kababayin-an, bata ngan lagas, nga maisugon nga dinapig kan Jehova. An ira mga istorya makakabulig ha aton nga magin maisugon liwat.

Inside Cover