Hayqqida asay denddanee?

Yihooway deꞌuwaa pultto. (Mazamure 36:9) Yaatin, Xoossay hayqqidaageetussi deꞌuwaa zaaridi immana danddayees giidi ammaniyoogee bessiyaaba gidennee? I sinttappe hegaadan oottanaagaa Geeshsha Maxaafay yootees. (Oosuwaa 24:15 nabbaba.) SHin i hegaadan oottiyoy aybissee?

Nuna Medhidaagee asay saꞌan merinawu deꞌanaadan koyro halchiis. (Doomettaabaa 1:31; 2:15-17) I asawu haꞌꞌikka qoppiyoobay hegaa. Ha wodiyan nu deꞌuwan metoy kumidoogeenne nuuni sohuwaara hayqqiyoogee a keehi azzanttees.—Iyyooba 14:1, 14, 15 nabbaba.

Hayquwaappe denddiyaageeti awan deꞌanee?

Xoossay asay saluwan deꞌanaadan medhidee? CHii, Xoossay saluwan deꞌanaadan medhidoy kiitanchata. I asay saꞌan deꞌanaadan medhiis. (Doomettaabaa 1:28; Iyyooba 38:4, 7) Hegaa hassayada, Yesuusi hayquwaappe denttidoogeeta qoppa. I asaa hayquwaappe denttidoy ha saꞌaana. Hegaadan, sinttappe denddiyaageetuppe daroti saꞌan deꞌana.—Yohaannisa 5:28, 29; 11:44 nabbaba.

SHin, Xoossay asaappe amaridaageeti saluwan ayyaana mereta gididi deꞌanaadan eta hayquwaappe denttanawu dooriis. (Luqaasa 12:32; 1 Qoronttoosa 15:49, 50) Saluwan deꞌanaadan denddiyaageeti kawo gididi Kiristtoosaara saꞌaa haarana.—Ajjuutaa 5:9, 10 nabbaba.