Silempwale ni Marko 16:1-8
-
Ovinyererihiwa wa Yesu (1-8)
16 Vano, nivirakaru nihiku na esaabadu, Maria Madalena, Maria ameyawe, Yakobe ni Salome yaathuma makhura oowinkhela weera yattikitthele murutthu wa Yesu.
2 Oxeexelo nihiku noopatxera na esemana, yaaphiya omahiyeni wa Yesu nsuwa nikhummeene.
3 Yannakohana yaaworu yeeraka: “Taani onkela onipirikixela nluku nne niwalinwe vamahiyeni?”
4 Mene yeemexakaru muru, yaahoona nluku nne nipirikixinweene nnaamweera naari ntokotoko.
5 Evolowakaru mmahiye, yaamoona mmiravo akilantheene moono woolopwana, awanreene ikuwo sootteela, soorakama ni awosa yaatuthuwa.
6 Ni owo aaweerela: “Muhituthuwe, nyuwosa mummwaasa Yesu Munazareti yoowo iivinwe vamwirini.* Owo khaavo va; oovinyererihiwa. Nkawehani! Nna nipuro waahiiwalaayavo murutthu awe.
7 Vano, murowe mwaaleele atthareli awe vamoha ni Pedru weera: ‘Owo oohoola onkela oGalileya. Ni ti weiwo munkelaanyuwo omoona, ntoko hiihaale owo oolenlaaweni.’”
8 Nto asithiyana ale, yaakhuma enatthawa omahiye ethukumelaka ni otteeliwa murima. Nto awo khiyaamulenle etthu naari mutthu mmoha, mwaha wooweera awo yaamoova.*
Footnotes
^ Naari: “vamwirini wa nihaaxero.” Nwehe masu oowiiwanyeihiwa.
