Biblya orino masu naari mitthenka sa Muluku, onilepenlaawe hiyo mahukwaano. Owo onnanxuttiha moota wookhalano ekumi yoohakalala ni moota woowaakhuleliwa ni Muluku. Opwaha mwa yeeyo, Biblya-tho onnaakhula makoho ala:

MOOTA WOOPHWANYA SOOLEPA SA MBIBLYANI

Biblya orino iliivuru ni ikaarta sookwana 66. Owo okawanyinwe iparte piili: Solempwa sa Eheberi-Aramaiku (“Wiiraana wakhalayi”) ni Solempwa sa Ekereku sa Ekristu (“Wiiraana onyowani”). Yeele eri eliivuru ekawanyinwe mwa ikapiitulu ni iversiikulu. Yahimmwa vale yoolepa ya mBiblyani, nummero noopatxera ntokotoko nooriipa mumphwanyaanyu muhiñyeene nsina na eliivuru, eneeriwa ekapiitulu, ni nummero nikhaanini mumphwanyaanyu ohoolo wa apontu eeli (:) eversiikulu. Mwa ntakihero, Matewus 1:1 onhimmwa liivuru a Matewus ekapiitulu 1, eversiikulu 1.