Evinreene eyaakha ya 4026 K.A.O.

“Enowa” ennahima waari weera Muluku ookhalano edireitu yoolamulela ni waari weera olamulela wawe ti wooreera. Yehova onnalaihera okumihera “osuulu”, naari “mmiso” yoowo woomaliherani waya, waakela onyaaya enowa, ori Satana. (Ephattuwelo 3:1-5, 15, enoota ya NMT) Menento Yehova onnaahiyera etempu atthu weera elamulelaneke yaaworu, evoleeliwaka soopaka saya ni enowa eyo.

1943 K.A.O.

Yehova onnamuleela Abrahamu weera “osuulu” olaiherinwe onkela owa moorweela mwa nloko nawe. — Ephattuwelo 22:18.

Evinreene eyaakha ya 1070 K.A.O.

Yehova onnamuroromeliha mwene Davidi, ni muhoolo mwaya-tho onnamuroromeliha Salomoni mwanawe Davidi weera, “osuulu” olaiherinwe onkela owa moorweela mwa nloko nawe. —2 Samuweli 7:12, 16; 1 Mamwene 9:3-5; Yesaya 9:6, 7.

29 K.A.

Yehova onnoonihera weera Yesu “osuulu” waalaiherinwe ni ti yoowo ohanleno ehitxe ya Davidi. — Agalata 3:16; Luka 1:31-33; 3:21, 22.

 33 K.A.

Enowa, eyo tiiyo, Satana onnavulaliha “osuulu” waalaiherinwe emaara yeeyo waamwiivalaaya Yesu. Yehova onnanvinyereriha Yesu weera akhaleke wiirimu ni onnaakhulela nlivo na makeya a ekumi awe yoomalela, ni mwaha wa yeeyo, onnawereya oleveleliwa soottheka ni osuulu wa Adamu okhalano ekumi yoohimala. — Ephattuwelo 3:15; Miteko 2:32-36; 1 Akorinto 15:21, 22.

1914 K.A. Naari evinreene etempu vakhaaniini

Yesu onnavonya enowa, eyo tiiyo, Satana wiirimu avonyeraka elapo ya vathi, vaavo omuhiñyaawevo mwa etempu vakhaaniini. — Apokalipise 12:7-9, 12.

Muhoolo

Yesu onoomutthuka Satana mpuwa mwa iyaakha 1.000, avinyaka vaavo onoomunyaaya muru. Ni yootthuna yoopatxera ya Yehova woohima sa elapo ya vathi ni atthu enookwanela, nsina nawe nnootteelihiwa ni onootthikela olamulela wawe. — Apokalipise 20:1-3, 10; 21:3, 4.