Skip to content

Olombangi Via Yehova

Select language Umbundu

Ekambo Liolombongo Kuenda Olofuka—Embimbiliya li Pondola Oku Kuatisa?

Ekambo Liolombongo Kuenda Olofuka—Embimbiliya li Pondola Oku Kuatisa?

Etambululo Liembimbiliya

Li pondola. Olonumbi vikuãla vi kuãimo vi sangiwa Vembimbiliya, vi pondola oku ku kuatisa oku liyaka lovitangi viekambo liolombongo kuenda olofuka:

  1. Sokiya eci o yongola oku landa. “Oku liangiliya kukuambili ku muisa elau, oku kukuanjanga puãi ku koka usuke.” (Olosapo 21:5) Ku ka kuate onjanga yoku landa cimue omo okuti ondando yaco ya leluka. Sokiya ciwa olombongo viovina o yongola oku landa, noke kapako esokiyo liaco.

  2. Yuvula oku kuata olofuka. Ukuakulevala o linga upika wu u levalisa.” (Olosapo 22:7) Nda wa levala kuenje ku tẽla ndomo o feta ofuka yaco, seteka onjila yikuavo oco o fete ofuka yaco. Ku ka liwekepo. Lekisa ocituwa cimuamue leci comunu wa tukuiwa kelivulu Liolosapo 6:1-5 ku popia ndoco: “Kuende lombili, ka livondele lukuẽle. Ovaso ove ka a ka suñile.” Ndaño okuti kua tẽlisile ovina wa sokiya oku linga, seteka onjila yikuavo.

  3. Kapa olombongo apa vi sesamẽla. Ohototelo yi kuata onjanga yoku limuisa, ka yi cĩ okuti usuke u u sanga.” (Olosapo 28:22) Onya kuenda uhembi, ka vi koki lika ekambo liolombongo, pole, vi vetiyavo omunu oku honguisa ukamba waye la Suku.

  4. Sanjuka. Nda tu kuete oku lia leci tu wala, tu sanjuka lovina viaco.” (1 Timoteo 6:8) Olombongo ka vi landi esanju. Omanu vamue voluali okuti va sanjuka, ka va kuete olombongo vialua. Ovina ovo va kuete ocisola vepata, akamba kuenda ukamba wavo la Suku.—Olosapo 15:17; 1 Petulu 5:6, 7.