Olosapo 22:1-29
22 Ca velapo oku kuata onduko yiwa* okuti, oku kuata ukuasi walua ci sule;+Oku sumbiwa* kua velapo okuti, opalata lulu vi sule.
2 Ohuasi lohukũi vamuamue,*Yehova eye wa va lulika.+
3 Ukualondunge o mola ohele kuenje o salama,Pole, omunu wa kamba olondunge amamako oku enda kuenje o tala ohali.*
4 Umbombe kuenda oku sumbila YehovaVi nena ovokuasi lulamba kuenda omuenyo.+
5 Olosongo lolonjanjo vi kasi vonjila yomunu ondingaĩvi,Pole, wosi o velisapo omuenyo waye, o kala ocipãla lavio.+
6 Pindisa omõla* vonjila a sesamẽla oku endela;+Ndaño ceci a kuka, ka ka yapukamo.+
7 Ohuasi yi viala ohukũi,Kuenda ukuakulevala o linga upika wa una o levalisa.+
8 Wosi o waya ekambo liesunga o kongula ovitangi,+Kuenda ombueti yonyeño yaye yi ka teyiwa.+
9 Omunu ukuacali* o ka sumũlũisiwa,Momo o tepelako okulia kuaye ohukũi.+
10 Tundisa omunu ukuakupembula,Kuenje ovama a ka imũha;Oku lihoya* kuenda oku sanumũla ku ka pua.
11 Omunu wosi o sole utima wa lipua haeye okuti olondaka viaye viwa,O ka kala ekamba lia soma.+
12 Ovaso a Yehova a lava ukũlĩhĩso,Pole, Eye o nyõla olondaka viukuelimbi.+
13 Ukuawesi o popia hati: “Posamua pali ohosi yimue!
Ndi ka pondiwa vokati kokololo!”+
14 Omẽla wukãi ukuovasi,* ocitunu cimue ca longa.+
Omunu wosi o pisiwa la Yehova o ka kupukilamo.
15 Uveke wa kutiwa vutima womõla,*+Pole, ombueti yepindiso yi yupamo.+
16 Omunu una o nyana ohukũi oco a vokiye kukuasi waye,+Lomunu eca olombanjaile kohuasi,Va ka kala olohukũi.
17 Vongola etũi liove kuenda yevelela olondaka via vakualondunge,+Oco o tave kukũlĩhĩso wange lutima wosi,+
18 Momo ciwa oku vi kapa vutima wove,+Oco okuti viosi vi kala vomẽla wove olonjanja viosi.+
19 Oco ekolelo liove li kale ku Yehova,Etaili ndu ku ĩha ukũlĩhĩso.
20 Anga hẽ sia ku sonehelele aleOco ndu ku ĩhe elungulo kuenda ukũlĩhĩso,
21 Oco ndu ku longise olondaka viocili levi via koleliwa,Okuti o tiuka lulandu wa suapo ku una wa ku tuma?
22 Ku ka nyane omunu ohukũi omo okuti eye ohukũi,+Kuenda ku ka talise ohali osuke pombundi yolupale,+
23 Momo Yehova o ka likapelako okuti, ovo va kuata esunga,+Kuenda eye o ka ponda vana va va nyana.
24 Ku ka linge ukamba lomunu o tema lonjanga,Ale oku litenga lomunu ukuakufungula,
25 Oco okuti lalimue eteke o lilongisa olonjila viaye,Loku likapela ove muẽle onjanjo.+
26 Ku ka kale pokati ka vana va likuata peka poku litava,Haivo va likuminya oku feta ofuka ya vakuavo.+
27 Nda ku kuete cimue coku feta,Va ka kupa ula wove!
28 Ku ka pongolole ondimbukiso yongave yo kosimbu,Yina ya kapiwa la vakukululu yove.+
29 Anga hẽ wa muile ale omunu umue wa loñoloha kupange waye?
Eye o ka talama kovaso yolosoma;+Eye ka ka talama kovaso yomanu vaño.
Atosi Pombuelo
^ Lit., “Ocali.”
^ Ale “oluhimo luwa.” Lit., “onduko.”
^ Lit., “va lisanga.”
^ Ale “o yambuiwa.”
^ Ale “umalẽhe.”
^ Lit., “Eye okuti o kuete iso liwa.”
^ Ale “Oku liyenja.”
^ Ale “wumalẽhe.”
