Чараш өңгүр чечекти, сылдыстарлыг дээрни азы кайгамчык онза шуралгакты көргеш, Чаяакчының холун эскерер-дир сен бе? Долгандыр турар дириг бойдус Иегованың каракка көзүлбес шынарларын херечилеп турар (Рм 1:20). Бичии када доктаапкаш, бойдустуң чаражын магадап көөр болзувусса, Бурганның күчү-күжүн, ынакшылын, мерген угаанын база чөптүг-шынныын, ол ышкаш беримчелиин көрүп каар бис (Ыр 103:24).

Иегованың кандыг чаяалгаларын хүннүң-не көөр-дүр сен? Хоорайга безин кушкаштарны болгаш ыяштарны чарашсынып көрүп болур болгай. Иегованың чаяалгаларын хайгаарап көөрү бергелеривиске шын хамаарылгалыг болуп, хөлүн эрттир сагышсыравазынга дузалаар. Оон аңгыда, Иегова бис дээш кезээ-мөңгеде сагыш човаар деп бүзүреливис быжыгар (Мф 6:25—32). Бир эвес сээң ажы-төлүң бар болза, оларга Бурганның тергиин шынарларын көрүп каарынга дузалаш. Чаяалгаларны хөй магадап көрген тудум, Чаяакчыже оон-даа чоокшулаар бис (Ыр 8: 4, 5).

«ЧУДЕСА ТВОРЕНИЯ ПРОСЛАВЛЯЮТ БОГА. СВЕТ И ЦВЕТ» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Чүнүң ачызында өңнерни ылгап шыдаар бис?

• Янзы-бүрү өңнүг кылдыр көстүр өңнер канчаар тыптып кээр?

• Дээр чүге аңгы-аңгы өңнерлиг апаар?

• Чурттап турар чериңде бойдустуң кандыг онзагай өңнерин хайгаараан сен?

• Долгандыр бойдусту магадап чарашсынар дээш, үени чүге үндүрүп аар болза эки?