Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Tenuare 2013

 TE PAHONO RA TE BIBILIA

Te pahono ra te Bibilia

O vai to te Atua i‘oa?

E i‘oa to te mau melo atoa o te utuafare. Oia atoa to te animara! E mea tano atoa ïa ia mana‘o e e i‘oa to te Atua. I roto i te Bibilia, e rave rahi tiaraa i‘oa to te Atua, mai te Fatu, te Atua mana hope, e te Atua Poiete, aore ra tei Hamani. E i‘oa atoa râ to ’na.—A taio i te Isaia 42:8.

I roto e rave rahi huriraa Bibilia, tei roto te i‘oa o te Atua i te Salamo 83:18. Te na ô ra tera irava: “Ia ite te taata atoa e, o Iehova to oe i‘oa, e o oe ana‘e tei Teitei i te fenua atoa nei.”

No te aha e mea tia ’i ia faaohipa i to te Atua i‘oa?

Te hinaaro nei te Atua ia faaohipa tatou i to ’na i‘oa. Ia paraparau tatou e te feia ta tatou e here ra, mai te mau hoa piri roa, e faahiti atoa tatou i to ratou i‘oa. Mea taa ê anei ia paraparau tatou e te Atua? Hau atu â, ua faaitoito Iesu Mesia ia faahiti i to te Atua i‘oa.—A taio i te Mataio 6:9; Ioane 17:26.

No te riro râ ei hoa no te Atua, mea titauhia ïa ia ite atu â tatou ia ’na, eiaha i to ’na i‘oa ana‘e. Ei hi‘oraa, mai te aha to te Atua huru? E nehenehe mau anei e haafatata ’tu i te Atua? E nehenehe oe e ite i ta te Bibilia pahonoraa i teie mau uiraa.