DECEMBER 9, 2022
RUSSIA

“Kulomba Kwakufuma Pasi pa Mtima Kwanovwira Chomene”

JULANI

Khoti la Metallurgicheskiy ilo lili ku Chigaŵa cha Chelyabinsk lipelekenge chigamuro chake sonosono apa pa mulandu wa Mudumbu Irina Mikhaylenko. Wakwimira boma pa milandu wachali wandapemphe chilango icho wangapika.

Vyakukhwaskana na munthu uyu

Irina Mikhaylenko

Chaka cha kubabikira: 1969 (Chelyabinsk, Chigaŵa cha Chelyabinsk)

Mbiri yake: Mulongozgi, kweniso yumoza mwa ŵanthu awo ŵakambiska ofesi ya vya uloya

Wakamba kusambira Baibolo chifukwa wakawona kuti mauchimi gha mu Baibolo ghakufiskika ndipo wakamba kulondezga fundo zake. Wakabatizika na kuŵa yumoza wa Ŵakaboni ŵa Yehova mu 1997

Ivyo Wakayowoya

Ntchivichi chamovwirani kuti mulutilire kuŵa na mtende wa mu mtima?

Nawovwirika chomene na chiyelezgero chiwemi cha Yesu apo wakalombanga kwambura kuleka pa nyengo iyo wakasuzgika mu munda wa Getisemane. Nanga mpha nyengo yakuti mungelo wamukhozga, wakalutilira kulomba chomene. (Luka 22:41-44) Lurombo lwakufumira pasi pa mtima lukunovwira chomene para nkhwenjerwa panji kufipa mtima.

Kweniso nkhuwonga ivyo Mubali Dmitriy Mikhaylov wakayowoya apo nayo wali kukakika. Iyo wakati: “Para tikughanaghanira chomene umo vinthu vikaŵira kwa ise kumanyuma, mbwe ndipo vitiŵinyenge chomene. Kweni para tazomerezga mwaluŵiro ivyo vyatichitikira, mwaluŵiro tikusintha kaghanaghaniro kithu kweniso tikuŵa ŵakukondwa pakuteŵetera Yehova na kovwira ŵanji.” Fundo iyi yikunikondweska chomene, ndipo para nkhulondezga fundo iyi pa umoyo wane nkhuŵa wakukondwa kweniso wankhongono.

Tikukhozgeka chomene pakuwona mwamphu uwo Irina wakulongora kweniso umo wakugomezgera chomene Yehova, uyo nyengo zose wakusunga “umoyo wa ŵakugomezgeka ŵake.”—Salimo 97:10.

Nyengo

March 26, 2019

Ŵakasecha nyumba za Ŵakaboni ŵa Yehova 10 ku chigaŵa cha Chelyabinsk, pamoza na nyumba ya Irina
August 31, 2021

Ŵakamupa mulandu
October 22, 2021

Ŵakasecha nyumba kachiŵiri. Ŵakamutora kuti wakafumbike mafumbo. Wakakanizgika kwenda kufuma mu chigaŵa icho wakakhalanga
October 27, 2021

Wakapika mulandu wakuti wakachitangako vinthu vya gulu la chisopa chakukanizgika
September 7, 2022

Khoti likamba kutegherezga mulandu

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI