NKHANI YA PA CHIKOPI | MUNGAŴA PAUBWEZI NA CHIUTA
Palije Chinthu Chakuzirwa Kuluska Kuŵa Paubwezi na Chiuta
Kasi mungachita wuli kuti muŵe paubwezi na Chiuta? Tadumbiskana vinandi ivyo vingamovwirani. Tadumbiskana kuti:
-
Mukwenera kumanya zina la Chiuta lakuti Yehova, na kulizunura.
-
Mukwenera kuyowoyeskana na Yehova mu lurombo na kusambira Baibolo.
-
Mukwenera kuŵikapo mtima kuchita ivyo vikumukondweska.
Mungaŵa paubwezi na Chiuta para mukuzunura zina lake, mukupemphera kwa iyo, mukusambira Baibolo, na kuchita ivyo vikumukondweska
Fundo izi zingamovwirani kumanya usange muli paubwezi na Chiuta. Kasi palipo apo mukukhumbikwira kusintha? Chitanipo kanthu.
Mwanakazi munyake wa ku America, wakati: “Para munthu wakuyezgayezga kuti waŵe paubwezi na Chiuta, ndikuti wakuchita chinthu chakuzirwa chomene. Chiuta wakumutumbika. Munthu wanthena wakumugomezga chomene Chiuta, wakumumanya makora, kweniso wakumutemwa chomene. Palije chinthu chakuzirwa kuluska kuŵa paubwezi na Chiuta.”
Usange mukukhumba kuŵa paubwezi na Chiuta, Ŵakaboni ŵa Yehova ŵangamovwirani. Ŵangamusambizgani Baibolo kwaulere. Kweniso mungaluta ku Nyumba ya Ufumu kukasopa nawo. Ku malo agha mwamukumana na ŵanthu ŵanandi awo ŵali kale paubwezi na Chiuta. * Namwe muzamuyowoya nga ngwamasalimo uyo wakati: ‘Kweni ine nkhuti nkhuwemi kukhala pafupi na Chiuta.’—Masalmo 73:28.
^ ndime 9 Usange mukukhumba kusambira Baibolo, panji kumanya Nyumba ya Ufumu iyo yili kufupi na imwe, fumbani uyo wamupani magazini iyi. Kweniso mungawona pa www.jw.org/tum pa mutu wakuti UMO MUNGATISANGIRA.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
