Tegherezgani nkani iyi: Mu caru cinyake cisambazi, ŵantu ŵakujumpa pa 90 peresenti ŵakughanaghana kuti mbacimwemwe comene panji mbacimwemwe pacoko. Kweni mitundu yitatu ya munkhwara mwa mitundu khumi iyo ŵakugwiriskira ncito comene mu caru ico yikupika ku ŵantu awo ŵali na ntenda ya maghanoghano. Mu caru cenecico pera, 91 peresenti ya ŵantu ŵakuwona umoyo wa mbumba zawo kuŵa wakukondweska. Kweni ndipouli, ntengwa zinandi zikumara mwakucita kupatana.

Mwakusazgirapo, kafukufuku uyo wakacitika mu vyaru 18, ivyo vikuyimira pafupifupi nusu ya ciŵerengero ca ŵantu pacaru cose, wakurongora kuti “ŵantu ŵanandi ŵakopa ivyo vikwiza muntazi.” Apa tawona kale kuti ŵantu ŵanandi ŵali na umoyo wambura kukhorweska. Wuli pakuyowoya za imwe? Brosha ili lanozgekera imwe kuti limovwirani kupanga umoyo winu kuŵa wakukhorweska nkanira.