UBATIZO Kuyana na umo vinthu viliri, ŵalara ŵanozga ndondomeko ya umo ubatizo wenderenge pa Chisulo para chigaŵa cha mulenji chamara.

VYAWANANGWA Ungano wa chigaŵa uwu ung’anamurikenge mu viyowoyero vyakujumpha 400. Vyawanangwa ivyo mukupeleka vikovwira pa mulimo wa pa charu chose. Ntheura mungapeleka vyawanangwa vinu kwizira pa donate.jw.org. Tikuwonga chomene vyawanangwa vinu. Wupu Wakulongozga ukumuwongani chomene chifukwa chakukhozgera ntchito ya Ufumu iyi.

SUKULU YA ŴAPHARAZGI ŴA UFUMU Ŵapayiniya ŵa vyaka vya pakati pa 23 mpaka 65 awo ŵakukhumba kusazgirako uteŵeti wawo ŵangakumana na mulembi wa mpingo wawo, kuti waŵawovwire umo ŵangasayinira fomu pa jw.org yakupempha kunjira Sukulu ya Ŵapharazgi ŵa Ufumu.