Loko a ha ri laha misaveni, Yesu u kombise leswaku u va rhandza swinene vanhu hikuva u kale a nyikela ni hi vutomi byakwe hikwalaho ka vona. (Matewu 20:28; Yohane 15:13) Ku nga ri khale, u ta tlhela a kombisa ndlela leyi a va rhandzaka hayona vanhu hi ku tirhisa vulawuri byakwe tanihi Hosi ya Mfumo wa Xikwembu ku “herisa tinyimpi emisaveni hinkwayo”—Pisalema 46:9.

 Vona ndlela leyi Bibele yi swi hlamuselaka hayona leswi Yesu a nga ta swi endla:

•   ‘U ta pfuna swisiwana leswi kombelaka mpfuno, ni lava pfumalaka ni un’wana ni un’wana la nga riki na mupfuni. U ta va ni musa eka swisiwana ni lava pfumalaka, u ta sirhelela vutomi bya swisiwana. U ta swi ponisa eku tshikileriweni ni le madzolongeni’—Pisalema 72:12-14.

 Hi nga swi kombisa njhani leswaku ha swi tlangela leswi Yesu a hi endleleke swona ni leswi a nga ta hi endlela swona ku nga ri khale? Eka Luka 22:19, Yesu u byele valandzeri va yena leswaku va tsundzuka rifu rakwe. Hi yona mhaka lembe ni lembe, hi siku ra ku tsundzukiwa ka rifu rakwe, Timbhoni ta Yehovha ti hlengeletana swin’we. Ha ku rhamba leswaku u ta va na hina eka Xitsundzuxo xa Rifu ra Yesu, lexi nga ta va hi Sonto, March 24, 2024.

Kuma Xitsundzuxo