Twaambo Twamu Bbaibbele Tubikkidwe Kweelana Amulongo
Bbuku litegwa Insight on the Scriptures ndibbuku lijisi twaambo twamu Bbaibbele tubikkidwe kweelana amulongo, lyalo iliyoomugwasya kuyungizya luzyibo lwanu lwa twaambo twamu Bbaibbele tunji. Lilakonzya kumugwasya kapati muciiyo canu nobeni, alimwi lijisi mabala manji kapati, mbuli yaaya aatobela:
bantu
masena
zisyango
banyama
zintu zyakacitika ziyandika
mabala aamu Bbaibbele
bube
mabala aazwa mu Bbaibbele lyamumwaambo wakusaanguna
bbuku limwi alimwi lyamu Bbaibbele
Mulakonzya kulijana bbuku eeli a LAIBBULALI YAA INTANETI ya Watchtower, naa kulidauniloda kaili PDF iikozyenye amabbuku obilo aasimbidwe.
Andiza Inga Mwaakkomanina Ayaaya
ZIBELESYO IZIGWASYA KWIIYA BBAIBBELE
Kapango Kamu Bbaibbele Kabuzuba
Kabbuku ka Kulingaula Magwalo Abuzuba kapa lugwalo lugaminide lwamu Bbaibbele lwabuzuba bumwi abumwi, alimwi abupanduluzi bwakapango aako.
ZIBELESYO IZIGWASYA KWIIYA BBAIBBELE
Mamaapu Aamu Bbaibbele
Kabbuku ka ‘Atubone Nyika Mbotu’ kazwide mamaapu alimwi amaccaati aatondezya masena aaindene-indene aambidwe mu Bbaibbele, kwaambisya Nyika Yakasyomezyedwe aziindi ziindene.
ZIBELESYO IZIGWASYA KWIIYA BBAIBBELE
Twaambo Mubufwaafwi Kujatikizya Bbaibbele
Broshuwa yakuti The Bible—What Is Its Message? ijisi twaambo mubufwaafwi kujatikizya makani aali mu Bbaibbele alimwi akwaamba mubufwaafwi mulumbe uuli mumo.