Inzya. Muntu ulakonzya kuzwa mumbunga yesu munzila zyobilo:

  • Kwiinda mukulomba. Kwiinda mukulyaambilila naa kulemba, muntu ulakonzya kutondezya kusala kwakwe kwakuti waleka kuba Kamboni wa Jehova.

  • Kwiinda mumicito. Muntu ulakonzya kucita zintu zyalo zikonzya kumupa kuteelela kuba akati kabunyina bwesu bwanyika yoonse. (1 Petro 5:9) Mucikozyanyo, ulakonzya kuunka kucikombelo cimbi alimwi akulitondezya kuti uyanda kuzumanana ancico.​—1 Johane 2:​19.

Mbuti kuti muntu tacikambauki naa kujanika kumiswaangano yanu? Sena muntu ooyo mumubona kuti wakacileka kuba Kamboni?

Peepe, tacili boobo pe. Kucileka kuba Kamboni, naa kulizandula, ciliindene akuba aalusyomo luniini. Kanji-kanji, aabo ibakaunka ansi naa kucileka kuswaangana inga tabalulekede lusyomo lwabo pele balaapenzi lyakutyompwa. Aboobo, muciindi cakubaleka buyo, tulasola kubaumbulizya alimwi akubakulwaizya. (1 Tesalonika 5:​14; Juda 22) Ikuti muntu kayanda kugwasyigwa, baalu bambungano balasololela mukupa lugwasyo lwakumuuya.​—Galatiya 6:1; 1 Petro 5:​1-3.

Nokuba boobo, baalu tabajisi nguzu zyakusungilizya muntu kuti azumanane kuba Kamboni wa Jehova. Muntu uuli woonse ulalisalila mumakani aabukombi. (Joshua 24:15) Tusyoma kuti aabo bakomba Leza beelede kucita oobo cakulisungula, kuzwa aansi amoyo.​—Intembauzyo 110:3; Matayo 22:37.