Leza Ulaamazina Aangane?
Nsandulo Iizwa muBbayibbele
Leza ulaazina limwi limugeme. MuchiHebbrayo zina eeli lilembwa oobu יהוה pesi muChitonga lilembwa kuti “Jehova.” a Leza wakabuzya mupolofita Isaya kuti: “Ndime Jehova. Eeli ndezina lyangu.” (Isaya 42:8) Zina eeli lijanika kwaziindi zisika ku7 000 mumalembe aachiindi alubo ndiizina alilikke lijanika kwaziindi zyiingi muBbayibbele. b
Jehova ulaamazina aambi na?
Nikuba kuti Bbayibbele litondeezya kuti Jehova ulaazina limwi limugeme pesi chimwi chiindi lilabelesya nikuba mazina aakumulemeka. Mumazina aakulemeka aatobela, atondeezya kuti nkamboonzi naabelesegwa kukwaamba Jehova.
Zina lyakulemeka |
Mpulijanika |
Nzilyaamba |
|---|---|---|
Allah |
(Taakwe) |
Bbala lyachiArabic lyakuti “Allah” ndizina lyakulemeka likozyenie aalyakuti “Leza.” MaBbayibbele aachiArabic aayimwi milaka abelesya zina lyakuti “Allah” munzila iikozyenie aambulibelesegwa zina lyakuti “Leza.” |
Singuzuzyoonse |
Taakwe uulaamanguzu aali mbulaakwe pe. Bbala lyachiHebbrayo litii, ʼEl Shad·daiʹ, lyaamba kuti “Leza Singuzuzyoonse” lijanika kwaziindi zili 7 muBbayibbele. |
|
Alefa aOmega |
“Iimutaanzi amusyaalizi naakuti “imatalikilo amamanino,” eezi zyaamba kuti taakwe Leza Singuzuzyoonse iwakaliwo pe musule lyaJehova alubo taakwe nikutazoobe uumbi pe. (Isaya 43:10) Alefa ndibbala lyakusaanguna mu-alufabbeti yachiGrikki alubo Omega ndyamamanino. |
|
Sinsiku |
Daniele 7:9, 13, 22 |
Takwe matalikilo pe alubo wakaliwo kuzwa chiindi zintu zyoonse kazitanaba.—Intembauzyo 90:2. |
Mulengi |
Isaya 40:28 |
Wakalenga zintu zyoonse. |
Taata |
Nguwe uutupa buumi. |
|
Leza |
Chintu chikombwa; Chilaanguzu. Bbala lyachiHebbrayo lyakuti ʼElo·himʹ litondeezya kuti Jehova ulaanguzu, bulemu abubotu. |
|
Leza wabaleza |
Leza uusumpukide kwiinda “baleza banyina mulimo” bakombwa aabamwi bantu.—Isaya 2:8. |
|
Muyiisi Mapati |
Isaya 30:20, 21 |
Ulatuyiisya akutuzulwida munzila iigwasya.—Isaya 48:17, 18. |
Mulengi Mupati |
Intembauzyo 149:2 |
Wakalenga zintu zyoonse ziliwo.—Ciyubunuzyo 4:11. |
Leza uubotelwa |
Ukkala kabotelwa.—Intembauzyo 104:31. |
|
Sikuswiilila nkombyo |
Intembauzyo 65:2 |
Ulaziswiilila nkombyo zyamuntu umwi awumwi uukomba kali aalusyomo. |
Ndiyooba Kufwumbwa Mbondasala Kuba |
Ulaba kufumbwa mbayanda kuti azuzikizye makanze aakwe. Bupanduluzi oobu butugwasya kuti tuzibe nzilyaamba zina lyaLeza limugeme lyakuti Jehova, lyaambidwe muvesi iitobela.—Kulonga 3:15. |
|
Uuyanda kuti kakombwa buyo alikke |
Uyanda kuti kukombwe nguwe alikke. |
|
Mwaami walyoonse alyoonse |
Bweendelezi bwakwe tabukwe matalikilo naakuti mamanino. |
|
Mwaami |
Intembauzyo 135:5 |
Simalelo: Bbala lyachiHebbrayo litii, ʼA·dhohnʹ aliti ʼAdho·nimʹ. |
Mwaami wamakamu |
Isaya 1:9; Baroma 9:29, The Bible in Tonga 1963 (Zambia). |
Mweendelezi wankamu yabangelo. Zina lyakulemeka lyakuti “Mwami wamakamu” lilakonzya kusandululwa kuti “Jehova wamakamu.”—Baroma 9:29, muBbaibbele lya Busanduluzi Bwanyika Mpya. |
Mupatikampatila |
Intembauzyo 47:2 |
Ulisumpukide kwiinda zintu zyoonse. |
Uusalalisya |
Tusimpi 9:10 |
Ulasalala kwiinda zintu zyoonse. |
Mubumbi |
Isaya 64:8 |
Ulaamanguzu aakweendelezya bantu boonse mbuli mubumbi mbachita kufumbwa chintu nchayanda abulongo.—Baroma 9:20, 21. |
Munununi |
Isaya 41:14 |
Unununa bantu kuzwa kuchibi alufu kabelesya chinunuzyo chaJesu Kristu.—Johane 3:16. |
Ndomba naakuti bbwe |
Intembauzyo 18:2, 46 |
Mayubilo eesu alubo nguwe uutufutula. |
Mufutuli |
Isaya 45:21 |
Ulatufutula kuzintu zikonzya kutunjizya mumapenzi. |
Mweembezi |
Intembauzyo 23:1 |
Ulabakwabilila bakombi bakwe. |
Mwaami Singuzuzyoonse |
Nguwe weendelezya zintu zyoonse; muchiHebbrayo ʼAdho·naiʹ. |
|
Mupati Kwiinda |
Daniele 7:18, 27 |
Mupati kwiinda zintu zyoonse. |
Mazina aandawu aali muMagwalo aachiHebbrayo
MuBbayibbele, amwi mazina aandawu alaazina lyaLeza, pesi teemazina aaLeza aamugeme pe.
Zina lyandawu |
Mpulijanika |
Nzilyaamba |
|---|---|---|
Jehova-jire |
“Jehova Uyoopa” |
|
Jehova-nisi |
“Jehova Nindembela Yangu.” Jehova nguLeza uukwabilila alubo uugwasya bakombi bakwe.—Kulonga 17:13-16. |
|
Jehova-salomu |
Babetesi 6:23, 24 |
“Jehova Nduumuno.” |
Nkamboonzi nitweelede kuziba akubelesya zina lyaLeza?
Leza uyanda kuti bantu bazibe zina lyakwe lyakuti Jehova, eezi wakazitondeezya kwiinda mukulilemba kwaziindi zyiingi muBbayibbele.—Malaki 1:11.
Chakwiindulula-yindulula, Jesu wakatondeezya mbuliyandikana zina lyaLeza. Muchikozyano, wakakomba kuli Jehova kati: “Alisalazyigwe zina lyako.”—Matayo 6:9; Johane 17:6.
Kuziba zina lyaLeza akulibelesya kupa kuti tusaangune kuba beenzinyina. (Intembauzyo 9:10; Malaki 3:16) Kuti twaba beenzinyina baLeza chisyomezyo eechi chiyoozuzikigwa, chakuti: “Akaambo kakuti ulandiyanda, ndiyoomuvwuna. Ndiyoomukwabilila akaambo kakuti ulilizyi zina lyangu.”—Intembauzyo 91:14.
Bbayibbele lyaamba kuti: “Nkobali aabo baambwa kuti baleza, kufwumbwa naa nkuujulu naa mpaanyika, mbubonya mbokuli “baleza” banji “abami” banji.” (1 Bakorinto 8:5, 6.) Pesi lilatondeezya zina lyaLeza limugeme lyakuti Jehova.—Intembauzyo 83:18.
a Bamwi basikulanga-langa makani aamuBbayibbele bachiHebbrayo babelesya zina lyakuti “Yahweh” chiindi nibaamba zina lyaLeza.
b Zina lyaLeza lyakafwiinsigwa kuti “Ja,” lijanika kwaziindi zisika ku50 muBbayibbele kuswaanizya abbala lyakuti “Aleluya” lyaamba kuti “Amumutembaule Ja.”—Ciyubunuzyo 19:1.
You May Also Like
NSANDULO ZYAMIBUZYO YAMUBBAYIBBELE
Ngwani Jehova?
NguLeza wamusyobo uumwi kupela na mbuli maIsrayeli?
NJIISYO ZYABBAYIBBILI ZIYANDIKANA
Leza Ulaazina Na?
Leza ulaamazina miingi aakulemeka aswaanizya lyakuti Singuzuzyoonse, Mulengi alyakuti Mwaami. Pesi zina lyaLeza limugeme lijanika kwaziindi zyiinda ku7 000 muBbayibbele.
ATALA ANDISWE
Kumbila Kuswayigwa
Mwaambuule atala amubuzyo wamuBbayibbili, naakuti yiya zyiingi atala aBakamboni baJehova.