Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Er Nan Ve Bem a Ban sha Tar Yum Nahana?

Er Nan Ve Bem a Ban sha Tar Yum Nahana?

Mlumun u Bibilo i ne yô

Uumace mba nôngon ér vea va a bem sha tar kpa mba fantyô ga, shi vea nôngo nan kpa vea fatyô ga sha ci u atôakyaa kpishi:

  • Gbenda u or ngu sha ikyev i nan ga; or u zenden la, mvershigh u iaven i angahar a nan ngu sha ikyev i nan ga.” (Yeremia 10:23) Yange i gba uumace a tahav mbu hemen shin ian i hemen ayol a ve ga, nahan vea fatyô u eren kwagh u van a bem gbem sha won ga.

  • De suur nen sha mbatarev, sha wan u or u iwasen i lu her a na ga la ze; zum u iôôn i nan ka ia due yô, nan shi nan hide hen inya i nan, sha iyange la je mbamhen mba nan saa ishe.” (Pasalmi 146:3, 4) Mbahemenev mba gomoti mba ve hembe lun a mbaawashima mba dedoo la je kpa vea fatyô u fan igbenda i been a mbamzeyol mba ve ve a ityav mbi nôngon la gbindigh gbindigh ga.

  • Ken ayange a masejime yô, ashighe a ican aa va. Gadia ior vea hingir . . . anomaior a bo man mba kwagh u dedoo a doo ve ga man mbapasen ior aker man mbawan uma ve ikyo ga man mbamoron ayol a ve man mba iember i iyolough i hembe doon ve a Aôndo la.” (2 Timoteu 3:1-4) Se mba “Ken ayange a masejime” a tar u ifer ne, ka shighe u aeren a ior a ne i taver u zuan a bem yô.

  • Kwagh á gema á tser tar man zegemnger gadia diabolo sen shin ven, ishima vihi un tsung gadia a fa er shighe na a kera vese ga yô.” (Mpase 12:12) I gbihi orihyom u Aôndo, Satan shin tar, ngu tuur ior ken ityô ér ve eren aferakaa er un nahan. Er a lu “tor u tar ne” yô, mayange je se fatyô u lun ken bem ga.—Yohane 12:31.

  • [Tartor u Aôndo] ua hembe ityartor igen [i i lu hendan a Aôndo] ne cii avur avur, ua tim i, kpa u yô, ua lu gbem sha won.” (Daniel 2:44) Ka Tartor u Aôndo ua va na bem una lu sha tar gbem sha won er i se sar se la ye, gomoti u uumace môm kpa una fatyô u eren kwagh ne ga.—Pasalmi 145:16.