Juan 14:1-31
14 “Xáʼni ngíná a̱jkia̱la.+ Gusngajmá rí kuaʼdáá fe náa Dios,+ ga̱jma̱a̱ gusngajmá rí kuaʼdáá fe náa ikhúún ma̱ngaa.
2 Náa goʼwóo Anu̱ʼ* rígá mbaʼa náa makuwá xa̱bu̱. Á mu nda̱a̱, ni̱tala má, ikha jngóo na̱jkháaʼ mu ma̱ni̱ míjñúuʼ náa makuwáanʼla.+
3 Ma̱ngaa índo̱ gáʼgáaʼ ga̱jma̱a̱ índo̱ gámbóʼ rani̱ míjñúuʼ náa makuwáanʼ, maʼkháaʼ gáguáanʼ mu magruíguáanʼla guʼwáá, mu náa gáxtáá ikhúún ikhí má gákuwáanʼla mangáanʼ.+
4 Ga̱jma̱a̱ ikháanʼ nuniʼnúuʼ má kamba̱a̱ mu muʼgua náa ikhúún na̱jkhá”.
5 Tomás+ niʼthúu̱n: “Tátá, na̱nguá eya̱a̱xu náá edxu̱ʼ. Xú káʼnii gándoo gúniʼnúuʼxu kamba̱a̱ rá.”
6 Jesús niriʼñuu: “Ikhúún ni̱ndxu̱ʼ kamba̱a̱,+ rí gajkhun+ ga̱jma̱a̱ rí ndaʼya.+ Nimbáa ndawa̱a̱ tsáa maʼga̱nú náa Anu̱ʼ á mu raʼkháa ga̱jma̱a̱ numuʼ ikhúún.+
7 Á mu nuniʼniúnʼ ikhúún, nuniʼníiʼ má Anu̱ʼ ma̱ngaa. Asndu xúgi̱ nuniʼníiʼ ga̱jma̱a̱ ndi̱ya̱a̱ má”.+
8 Ikhú Felipe niʼthúu̱n: “Tátá, atasngájmiuxu Ana̱a̱ʼ, i̱ndó rúʼko̱ rí nanduxuʼ mbu̱ya̱a̱”.
9 Jesús niriʼñuu: “Felipe, náa xúgíʼ mbiʼi rí nixtáá ga̱jma̱á nindxa̱laʼ, kaʼníí xóó tsétatsiniúnʼ ráʼ. Bi̱ ndiʼyoʼ ikhúún ndiʼyoo má Anu̱ʼ ma̱ngaa.+ Náá numuu rí kaʼníí narathá ‹atasngájmiuxu Ana̱a̱ʼ› rá.
10 Lá tsétatsimbaaʼ rí ikhúún xtáá mbóó ga̱jmu̱ʼ Anu̱ʼ ga̱jma̱a̱ Anu̱ʼ xtáa mbóó ga̱jma̱á ni̱ndxu̱ʼ ráʼ.+ Xúgíʼ rí na̱tala na̱nguá e̱ʼkha̱ náa edxu̱ʼ ikhúún,+ nindxu̱u̱ ndrígóo Anu̱ʼ bi̱ xtáa mbóó ga̱jmu̱ʼ, mú ikhúún najmiuu mu maguma rí nandoo.
11 Gunimbala índo̱ na̱tala rí ikhúún xtáá mbóó ga̱jmu̱ʼ Anu̱ʼ ga̱jma̱a̱ Anu̱ʼ xtáa mbóó ga̱jma̱á ni̱ndxu̱ʼ. Á mu na̱nguá, gunimbala ga̱jma̱a̱ rí na̱ni̱.+
12 Na̱tala gajkhun, bi̱ gágiʼdoo fe náa ikhúún, maʼni má ñajunʼ rí ikhúún na̱ni̱. Ga̱jma̱a̱ ñajunʼ rí gáʼni mani̱ndxu̱u̱ itháán mba̱a̱ ki xóo rí ni̱ni̱ ikhúún,+ numuu rí ikhúún na̱jkháaʼ má náa Anu̱ʼ.+
13 Ma̱ngaa asndu ndiéjunʼ má rí gúnda̱ʼa̱ ga̱jma̱a̱ mbiʼyuʼ, ikhúún maxna̱la mu xúʼko̱ Anu̱ʼ maguma mba̱a̱ ga̱jma̱a̱ numuu A̱ʼdióo.+
14 Á mu rígá rí nunda̱ʼa̱ ga̱jma̱a̱ mbiʼyuʼ, ikhúún maxna̱la.
15 Á mu nandala ku̱yo̱ʼ, munimbaníí kiʼtáñajunʼ ndrígóʼ.+
16 Ga̱jma̱a̱ ikhúún matakáñuu Anu̱ʼ mu maxniála i̱mba̱a̱ bi̱ mambáyala, ga̱jma̱a̱ maxtáa ga̱jma̱á nindxa̱laʼ asndu kámuu:+
17 Espíritu santo* rí nasngájma dí gajkhun,+ xa̱bu̱ xándoo maguaʼdáá numuu rí tséyáá ni má tséniʼnuuʼ.+ Mú ikháanʼla nuniʼnúuʼ numuu dí rígá náa ikháanʼla ga̱jma̱a̱ naguanúu náa ikháanʼ.
18 Ikhúún xániʼñátigáanʼla.* Maʼkháaʼ náa ikháanʼla.+
19 Inu má dí numbaaʼ rígi̱ ní xáʼyóʼ, mú ikháanʼ mbu̱yo̱ʼ,+ numuu rí ikhúún xtáá, ikha jngóo mangáanʼ makuwáanʼla.
20 Mbiʼi rúʼko̱ mbu̱ya̱a̱ rí xtáá mbóó ga̱jmu̱ʼ Anu̱ʼ, ga̱jma̱a̱ ikháanʼ kuwáanʼ mbóó ga̱jma̱á ni̱ndxu̱ʼ, ga̱jma̱a̱ ikhúún maxtáá mbóó ga̱jma̱á nindxa̱laʼ.+
21 Bi̱ nagruigú* kiʼtáñajunʼ ndrígóʼ ga̱jma̱a̱ naʼnimbánuu buʼko̱ bi̱ nandoo kaʼyoʼ. Ga̱jma̱a̱ bi̱ nandoo kaʼyoʼ, Anu̱ʼ ma̱ndoo kaʼyoo, ga̱jma̱a̱ ikhúún maʼndoʼ ka̱yo̱o̱, ma̱ngaa masngajmáminaʼ náa ikhaa”.
22 I̱mba̱a̱ Judas,+ mú raʼkháa Judas Iscariote, nirajxu̱u̱: “Tátá, náá numuu rá. Ndíjkha rí matasngajmáminaʼ náa ikháanʼxu raʼkháa náa numbaaʼ rá.”
23 Jesús niriʼñuu: “Á mu mbáa nandoo kaʼyoʼ, maʼnimbánuu ajngóʼ.+ Ga̱jma̱a̱ Anu̱ʼ maʼndoo kaʼyoo, ikhú mbá nájmáanʼxuʼ magúwaʼ náa ikhaa ga̱jma̱a̱ makúwáanʼ gajmiúxu.+
24 Bi̱ na̱nguá eyoo kaʼyoʼ tséʼnimbánuu ajngóʼ. Ajngáa rí na̱tala, raʼkháa ndrígóʼ ikhúún, nindxu̱u̱ rí na̱ʼkha̱ náa Anu̱ʼ bi̱ nikungu̱u̱nʼ.+
25 Na̱tala rígi̱ nákha xóó xtáá ga̱jma̱á nindxa̱laʼ.
26 Anu̱ʼ maxnála espíritu santo ga̱jma̱a̱ numuu mbiʼyuʼ mu mambáyala, ikhaa maʼsngála xúgíʼ ga̱jma̱a̱ maʼni rí marmáʼáan a̱jkia̱la xúgíʼ rí ni̱tala.+
27 Tsímáá ndrígóʼ naniʼñúuʼ, tsímáá ndrígóʼ naxna̱la.+ Tséxna̱la xóo rí numbaaʼ naxná. Xáxmiéjuanla ni má xámíñála.
28 Nidxawíínla rí ni̱tala: ‹Rí ikhúún na̱jkháaʼ ga̱jma̱a̱ maʼkháaʼ má náa ikháanʼla›. Á mu nandala ku̱yo̱ʼ maʼdxala rí na̱jkháaʼ náa Anu̱ʼ, numuu rí Anu̱ʼ nindxu̱u̱ bi̱ kayá edxu̱u̱ náa ikhúún.+
29 Na̱tala rígi̱ nákha xóó tsérígá, numuu rí índo̱ gáʼga̱nú marigá, ikháanʼ mu̱ni̱mbala.+
30 Ní xátamíjná itháan ga̱jma̱á nindxa̱la, numuu rí na̱ʼkha̱ xa̱bu̱ ñajunʼ ndrígóo numbaaʼ rígi̱,+ maski ajndu má ikhaa ragíʼdoo nditháan tsiaki̱i̱ náa ikhúún.+
31 Mu xa̱bu̱ mbuyáá rí ikhúún nandoʼ ka̱yo̱o̱ Anu̱ʼ, na̱ni̱ xó má rí naʼthúnʼ Anu̱ʼ ma̱ni̱.+ Gatujxala guʼgua̱ rá.
