Hechos 14:1-28
14 Náa xuajin Iconio, Pablo ga̱jma̱a̱ Bernabé nitu̱ʼu̱u̱n náa guʼwá rí bi̱ judíos nuxnáá gamajkhu Dios, rí nithi niʼni rí mbaʼin judíos ga̱jma̱a̱ griegos mani̱ndxu̱ún xa̱bi̱i̱ Jesús.
2 Mú judíos bi̱ túnimbu̱ún nixkajxi̱i̱n xa̱bu̱ bi̱ raʼkhíin judíos mu makiʼníin kuñún a̱ngiu̱xu.+
3 Mú ikhiin niguanún mba̱yu̱u̱ʼ ikhí, numuu rí ndiyáá má dí Jeobá* naxnún tsiaki̱i̱, ikha jngóo támíñún mutaraʼa ajngáa rí májánʼ, ga̱jma̱a̱ numuu rí májánʼ wéñuuʼ a̱jkiu̱u̱n* nisngájmúún rígi̱ índo̱ nixnúún tsiaki̱i̱ mu muni̱ milagros dí itháan mba̱ʼu̱.+
4 Xa̱bu̱ xuajin niruiʼtami̱jna̱: Tikhuun nagún majñu̱únʼ judíos ga̱jma̱a̱ eʼwíinʼ nagún majñu̱únʼ apóstoles.
5 Ikhú xa̱bu̱ bi̱ raʼkhíin judíos niri̱ya̱ʼ mbá awan gajmiún judíos ga̱jma̱a̱ xa̱bu̱ ñajunʼ mu muni̱ gínáa ma̱ngaa rí muxnáá ga̱jma̱a̱ itsí Pablo ma̱ngaa Bernabé.+
6 Mú índo̱ ikhiin nidxawíín rígi̱, ikhú nigáñún nigún náa Listra ga̱jma̱a̱ náa Derbe ga̱jma̱a̱ xuajin dí tri̱ga̱ mbájndi dí rígá náa mbayuuʼ Licaonia.+
7 Ikhí nitaraʼa má xúʼko̱ ajngáa rí májánʼ.
8 Náa Listra xtáa mbáa xa̱bu̱ bi̱ gíʼ, bi̱ endi̱i̱ rajkhúu.* Numuu rí xúʼko̱ má nigumaa, nditháan táʼga̱ kruígo̱o̱.
9 Ikhaa xtáa raʼdxawun dí naʼthí Pablo. Ikhú Pablo niyejxu̱u̱ májánʼ ga̱jma̱a̱ ndiʼyoo rí gíʼdoo fe mu maguma tanáá,+
10 ikhú niʼthúu̱n gakhi̱i̱: “Añajún”. Ikhú xa̱bu̱ asndu nikijxi̱i̱ niwi̱ji̱ ga̱jma̱a̱ nigíʼdu̱u̱ ni̱jkha̱ kruígo̱o̱.+
11 Índo̱ xa̱bu̱ ndiyáá rí Pablo niʼni, ikhiin nindxa̱ʼwa̱ ga̱jma̱a̱ ajngáa rí nuthi xa̱bu̱ náa Licaonia: “¡Dioses nirtaximi̱jna̱ xóo xa̱bu̱ ga̱jma̱a̱ niguájtaa náa ikháanʼlu!”.+
12 Ikhú Bernabé nixna mbiʼí Zeus, mú Pablo nixna mbiʼí Hermes numuu rí ikhaa bi̱ naʼthí má xúʼko̱.
13 Ndxajkun bi̱ xtáa náa guʼwá rí nduyamajkuíí Zeus, rí gíʼ náa rawuunʼ xuajin, ni̱ʼkha̱ kagui̱i̱n xedi̱ ga̱jma̱a̱ coronas náa xkrugua, nindoo rí ikhaa gajmíi̱n xa̱bu̱ muxnáá tsigijñaʼ Pablo ga̱jma̱a̱ Bernabé.
14 Índo̱ ndiʼyoo rígi̱ apóstol Bernabé ga̱jma̱a̱ Pablo nixkuʼtu xtíñún, ikhú nitu̱ʼu̱u̱n ragáñúún náa majñu̱únʼ xa̱bu̱ bi̱ mbaʼin ga̱jma̱a̱ nithi gakhi̱i̱:
15 “Xabuanii, náá numuu kuwáanʼ runi̱ rígi̱ rá. Mangáanʼ ni̱ndxu̱xu̱ʼ xa̱bu̱ numbaaʼ ga̱jma̱a̱ numíniiʼxu xó má ikháanʼla.+ Nutaráʼaxu ajngáa rí májánʼ mu muniʼñáánʼ dí ragíʼdoo numuu ga̱jma̱a̱ magutangáanʼ náa Dios bi̱ ndaʼya, bi̱ niʼni mekhu, ku̱ba̱ʼ, lamáa* ga̱jma̱a̱ xúgíʼ dí rígá ikhí.+
16 Nákha wájyúuʼ ikhaa niniñuuʼ rí mámbá xuajin maʼni xó má ikhaa nandoo,+
17 maski ajndu xúʼko̱ ikhaa tániñuuʼ rasngájmaminaʼ xóo nindxu̱u̱+ índo̱ niʼni xúgíʼ enii rí májánʼ. Índo̱ niʼni rí maxnúu ruʼwa ga̱jma̱a̱ majma̱a̱ májánʼ rí nudu,+ nixnúún wéñuuʼ ganitsu ga̱jma̱a̱ niʼni rí makuwá gagi”.+
18 Mú, maski ajndu xúʼko̱ nithi, niʼniún mingíjyúuʼ muni̱ dí xa̱bu̱ xúxnajxi̱ tsigijñaʼ náa ikhiin.
19 Ikhú niguáʼnú tikhuun judíos bi̱ kúwá náa Antioquía ga̱jma̱a̱ Iconio, nisngruʼwúún xa̱bu̱ ga̱jma̱a̱ numuu Pablo,+ ikha jngóo xa̱bu̱ nixnáá ga̱jma̱a̱ itsí ma̱ngaa nixmajtaa asndu náa rawuunʼ xuajin numuu rí nikumu̱ún dí nikháñuu má.+
20 Mú índo̱ xa̱bi̱i̱ Jesús niwi̱i̱n náa mbájndi kri̱ga̱a̱ ikhaa, ikhú Pablo nitu̱jxu̱u̱ ga̱jma̱a̱ nita̱ʼa̱a̱ náa xuajin. I̱mba̱ néjtsuu ni̱jkha̱ ga̱jma̱a̱ Bernabé náa Derbe.+
21 Nda̱wa̱á dí nitaraʼa ajngáa rí májánʼ náa xuajin rúʼko̱, ga̱jma̱a̱ nda̱wa̱á rí niʼngu̱u̱n nini̱ dí mbaʼin mani̱ndxu̱ún xa̱bi̱i̱ Jesús nitangiín náa Listra, Iconio ga̱jma̱a̱ náa Antioquía.
22 Ikhú nini̱ maʼni̱i̱ gakhi̱i̱ a̱jkiu̱ún xa̱bi̱i̱ Jesús,+ ma̱ngaa nixnúún tsiaki̱i̱ mu maguaʼdáá má xúʼko̱ fe ga̱jma̱a̱ nithúún: “Mu matu̱ʼu̱lú náa naʼtáñajunʼ Xa̱bu̱ Ñajunʼ ndrígóo Dios,* ndayóoʼ dí manújngulú mbaʼa ga̱ʼkhu̱”.+
23 Ma̱ngaa nindrigi̱i̱n bi̱ mbuya̱ edxu̱u̱* mámbá náa kúwá bi̱ nagimbíi̱n,*+ nutajkháan ga̱jma̱a̱ nurkuéyimijná,*+ ma̱ngaa niniñu̱u̱ʼ mu Jeobá* mañewu̱u̱n bi̱ niguánú ninimbu̱ún kuyáá.
24 Nda̱wa̱á ninújngún náa Pisidia ga̱jma̱a̱ nitu̱ʼu̱u̱n náa Panfilia,+
25 nda̱wa̱á dí nitaraʼa ajngá rawuunʼ Dios náa Perga niguájtaán náa Atalia.
26 Ikhí nitsimún náa barco mu matangi̱i̱n náa Antioquía, náa a̱ngiu̱lú ninda̱ʼa̱a̱ Dios dí maʼni tsajkurámiinʼ* ga̱jma̱a̱ numuu ñajunʼ dí guámbu̱u̱n nini̱.+
27 Índo̱ niguáʼnúu nigimbíin xúgíinʼ a̱ngiu̱xu ga̱jma̱a̱ nithúún xúgíʼ rí Dios niʼni náa ñawúúnʼ ikhiin. Ma̱ngaa nithúún xú káʼnii Dios nimbáʼtoo kamba̱a̱* mu xa̱bu̱ bi̱ rañájúnʼ judíos ma̱ndoo maguaʼdáá fe.+
28 Ikhú nikúwá mba̱yu̱u̱ʼ gajmiún xa̱bi̱i̱ Jesús.
