Buka ea Bobeli ea Samuele 1:1-27
1 Ka mor’a lefu la Saule ha Davida a tsoa hlola* Baamaleke, o ile a lula Ziklage+ matsatsi a mabeli.
2 Ka letsatsi la boraro, ha tla mohlankana e mong ea tsoang ho Saule ntoeng, liaparo tsa hae li tabohile ebile a le mobu hloohong. Ha a atamela ho Davida, a khumama eaba o inamela fatše.
3 Davida a re ho eena: “U tsoa hokae?” Mohlankana eo a re: “Ke phonyohile masoleng a Iseraele.”
4 Davida a re ho eena: “Ke kopa u mpolelle hore na ho etsahetse’ng.” Eaba mohlankana eo o re: “Batho ba balehile ntoeng ’me batho ba bangata ba shoele. Esita le Saule le mora oa hae Jonathane ba shoele.”+
5 Davida a botsa mohlankana eo ea neng a mo tliselitse litaba a re: “U tseba joang hore Saule le mora oa hae Jonathane ba shoele?”
6 Mohlankana eo a re: “Ha ke le Thabeng ea Gilboa,+ ka tšohanyetso ke ile ka bona Saule a itšetlehile ka lerumo la hae ’me likariki tsa ntoa le bapalami ba lipere ba ne ba se ba mo fumane.+
7 Ha a hetla ’me a mpona, o ile a mpitsa ’me ka re, ‘Ke ’na enoa.’
8 A re ho ’na, ‘U mang?’ Eaba ke re ho eena, ‘Ke Moamaleke.’+
9 Saule a re, ‘Ke kopa u eme holim’a ka ’me u mpolaee kaha kea opeloa hobane ke ntse ke phela.’
10 Kahoo, ke ile ka ema holim’a hae ’me ka mo bolaea+ hobane ke ne ke tseba hore o ne a ke ke a phela ka mor’a hore a oele fatše a lemetse hakaalo. Eaba ke nka korone e neng e le hloohong ea hae le sefaha se neng se le letsohong la hae ’me ka li tlisa mona ho uena moren’a ka.”
11 Eaba Davida o tabola liaparo tsa hae ’me le banna bohle ba neng ba e-na le eena ba tabola tsa bona.
12 Ba ile ba lla habohloko ’me ba itima lijo+ ho fihlela mantsiboea. Ba ne ba llela Saule, mora oa hae Jonathane le sechaba sa Jehova e leng Baiseraele ba bangata+ hobane ba ne ba bolailoe ka sabole.
13 Davida a botsa mohlankana eo ea neng a mo tliselitse litaba a re: “U tsoa hokae?” A re: “Ke mora oa molichaba, Moamaleke.”
14 Eaba Davida o re ho eena: “Ke hobane’ng ha u sa ka oa tšaba ho bolaea motlotsuoa oa Jehova?”+
15 Davida a bitsa e mong oa bahlanka ba hae a re: “Atamela ’me u mo hlabe.” Kahoo, a mo hlaba ’me a shoa.+
16 Davida o ne a itse ho eena: “U tla ikarabella bakeng sa lefu la hao hobane u fane ka bopaki ka molomo oa hao oa re, ‘Ke ’na ea bolaileng motlotsuoa oa Jehova.’”+
17 Eaba Davida o bina pina ena ea koli-ea-malla* ka lebaka la Saule le mora oa hae Jonathane+
18 ’me a re sechaba sa Juda se rutoe pina eo e bitsoang “Seqha” e ngotsoeng bukeng ea Jashare:+
19 “Uena Iseraele, botle bo bolailoe holim’a libaka tsa hao tse phahameng.+
Bona kamoo ho shoeleng banna ba matla kateng!
20 Le se ke la bolela sena Gathe,+Le se ke la se bolela literateng tsa AshkeloneKaha barali ba Bafilista ba tla thabaLe barali ba banna ba sa bollang ba nyakalle.
21 Lona lithaba tsa Gilboa,+Ho se ke ha e-ba le phoka kapa pula holim’a lona,Ho se ke ha e-ba le masimo a hlahisang menehelo e halalelang+Hobane thebe ea ba matla e ile ea silafatsoa moo,Thebe ea Saule ha e sa tlotsitsoe ka oli.
22 Seqha sa Jonathane ha sea ka sa khutla+ maling a ba bolailoengLe mafureng a ba matlaLe sabole ea Saule e ne e sa khutle e sa atleha.+
23 Saule le Jonathane+ ba ne ba ratoa haholo ha ba ntse ba phelaLe lefung la bona ha baa ka ba arohanngoa.+
Ba ne ba le lebelo ho feta lintsu,+Ba le matla ho feta litau.+
24 Lona barali ba Iseraele, llelang Saule,Ea ileng a le apesa liaparo tse khubelu* le tse nang le mokhabiso,Ea ileng a beha mekhabiso ea khauta holim’a liaparo tsa lona.
25 Bona kamoo ho bolailoeng banna ba matla kateng ntoeng!
Jonathane o bolaetsoe libakeng tsa hao tse phahameng.+
26 Ke utloile bohloko haholo ka lebaka la hao Jonathane ngoan’eso,Ke ne ke u rata haholo.+
Lerato leo u neng u nthata ka lona, le ne le feta lerato la basali.+
27 Bona kamoo ba matla ba bolailoeng katengLe kamoo libetsa tsa ntoa li senyehileng kateng!”
