Selelekela sa Karolo ya 4
Karolong ena re tlo bua ka Josefa, Jobo, Moshe le Baiseraele. Kaofela ha bona ba ile ba mamella mathata a mangata a neng a tliswa ke Diabolose. Ba bang ba ile ba tshwarwa hampe, ba kwallwa teronkong, ya eba makgoba mme ba bang ba bolawa. Empa Jehova o ile a ba sireletsa ka ditsela tse sa tshwaneng. Thusa ngwana wa hao ho utlwisisa hore le hoja bahlanka bana ba Jehova ba ile ba tobana le mathata, ha ba a ka ba fellwa ke tumelo.
Jehova o ile a sebedisa Dikotlo Tse Leshome ho bontsha hore o matla ho feta medimo yohle ya Egepeta. Bontsha ngwana wa hao ka moo Jehova a ileng a sireletsa bahlanka ba hae ka teng nakong e fetileng le ka moo a ba sireletsang ka teng kajeno.
KAROLONG ENA
THUTO YA 14
Lekgoba le Ileng la Mamela Modimo
Josefa o ile a etsa se nepahetseng empa a nna a ba le mathata. Hobaneng?
THUTO YA 15
Jehova ha a ka a Lebala Josefa
Le hoja Josefa a ne a le hole le ba lelapa labo, Modimo ha a ka a mo lebala.
THUTO YA 19
Dikotlo Tse Tharo Tse Qalang
Faro o ile a tlisetsa batho ba hae tlokotsi hobane ka boikgohomoso o ile a hana ho mamela taelo e le nngwe feela e bonolo.
THUTO YA 20
Dikotlo Tse Ding Tse Tsheletseng
Dikotlo tsee di ne di fapane jwang le tse tharo tse qalang?
THUTO YA 21
Kotlo ya Leshome
Kotlo ena e ne e le bohloko hoo Faro a ileng a qetella a lokollotse Baiseraele.
THUTO YA 22
Ho Etsahala Mohlolo Lewatleng le Lefubedu
Le hoja Faro a ile a pholoha dikotlong tse leshome, na o ile a pholoha Lewatleng le Lefubedu?
