Selelekela sa Karolo ya 10
Jehova ke Morena ya phahameng ka ho fetisisa. Haesale e le yena ya laolang dintho mme o tla dula a di laola. Ka mohlala, o ile a pholosa Jeremia hore a se ke a shwella ka sekoting se seretse. O ile a sireletsa Shadrake, Meshake le Abednego hore ba se ke ba shwella ka seboping sa mollo a ba a pholosa Daniele hore a se ke a bolawa ke ditau. Jehova o ile a sireletsa Esthere e le hore a ka pholosa batho ba habo. A ke ke a dumella hore bokgopo bo nne bo tswele pele ka ho sa feleng. Boprofeta ba setshwantsho se seholo le sefate se seholo bo bontsha hore Mmuso wa Jehova o tla fedisa bokgopo bohle bo teng lefatsheng mme o buse lefatshe.
KAROLONG ENA
THUTO YA 57
Jehova o Roma Jeremia ho ya Bolela
Seo Jeremia a ileng a se bua se ile sa etsa hore baholo ba kwate.
THUTO YA 58
Jerusalema e a Timetswa
Jehova o lahla batho ba Juda hobane ba tswela pele ho rapela medimo ya bohata.
THUTO YA 59
Bashanyana ba Bane ba Ileng ba Mamela Jehova
Bajuda ba banyenyane ba ikemiseditse ho dula ba tshepahalla Jehova, esita le ha ba le lekgotleng la borena la Babilona.
THUTO YA 60
Mmuso o Tla Dula o le Teng
Daniele o hlalosa se bolelwang ke toro e makatsang ya Nebukadnezare.
THUTO YA 61
Ba Ile ba Hana ho Kgumamela Setshwantsho
Shadrake, Meshake le Abednego ba hana ho rapela setshwantsho sa morena wa Babilona sa kgauta.
THUTO YA 62
Mmuso o Tshwanang le Sefate se Seholo
Toro ya Nebukadnezare e bua ka bokamoso ba hae esale pele.
THUTO YA 64
Daniele ka Sekoting sa Ditau
Rapela Jehova letsatsi le leng le le leng, jwalo ka Daniele!
THUTO YA 65
Esthere o Pholosa Batho ba Habo
Le hoja e ne e le moditjhaba ebile e le kgutsana, o ile a qetella e le mofumahadi.
THUTO YA 66
Esdrase o Ruta Batho Molao wa Modimo
Ka mora hore Baiseraele ba mamele Esdrase, ba ile ba etsa tshepiso e kgethehileng ho Modimo.
THUTO YA 67
Marako a Jerusalema
Nehemia o ile a tseba hore dira tsa Baiseraele di rera ho hlasela. Ke hobaneng ha a ne a sa tshoha?
